बुधवार, 11 नोव्हेंबर 2026
संजय राऊत पत्रकार परिषद (फोटो- ians)
गोकुळच्या अध्यक्षपदावरून संजय राऊत यांनी सरकारवर टीका केली आहे. संजय राऊत म्हणाले, “काल जे झाले त्याला निवडणूक म्हणता येणार नाही. निवडणूक ही २५ सदस्यांमध्येच व्हायला पाहिजे होती. शेतकऱ्यांनी १३ सदस्यांचं बहुमत असलेलं पॅनेल निवडून दिलं होतं. मात्र, फडणवीस यांनी अमित शाह यांच्या दबावाखाली चार संचालकांची नियुक्ती केली. अमूलला विकण्यासाठी हे सगळं करण्यात आलं. त्यासाठी कोल्हापुरातील दोन वळू मंत्र्यांनी तांडव केलं. लोकशाहीच्या दृष्टीने ही अत्यंत घातक घटना आहे. याचे परिणाम भविष्यात दिसतील. लोकशाहीला सुरुंग लावण्याचं काम करण्यात आलं आहे. हसन मुश्रीफ आणि चंद्रकांत पाटील यांच्यासारख्या मंत्र्यांना असं वागणं शोभत नाही.”
NCP Merger : ‘एवढं रवंथ गायी – म्हशीही करत नाहीत,’ दोन्ही राष्ट्रवादींच्या विलिनीकरणावर राऊत भडकले!
पुढे बोलताना राऊत म्हणाले, “ईडीला घाबरून पळून गेलेले लोक काल शड्डू ठोकताना पाहायला मिळाले. पण हे दिवस बदलतील, तेव्हा त्यांना पुन्हा पळून जाण्याची वेळ येईल, हे माझं भाकीत आहे. विशेषतः पवार साहेबांनी अशा लोकांना पुन्हा उभं करू नये. – इतिहासात असा काळा दिवस कधीच पाहायला मिळाला नाही. तुम्ही दहा हजार, वीस हजार रुपये देऊन मतं विकत घेतली. हे पैसे कुठून आले? कोणत्या खात्यातून आले? फडणवीस यांनी याला आवर घातला पाहिजे. कोणाला आव्हानं देत आहात? एखादा मंत्री अशी विध्वंसक भाषा वापरतोय. हातात सत्ता आल्यावर कुत्र्यालाही वाटतं की आपण वाघ आहोत.”
संजय राऊत यांनी मंत्री चंद्रकांत पाटील यांच्यावर टीका केली आहे. संजय राऊत म्हणाले, “चंद्रकांत पाटलांसारखे लोक हे विध्वंसक आहेत. जे स्वतः मर्द नसतात, त्यांना दुसऱ्याच्या कर्तबगारीचा द्वेष वाटतो.” मुख्यमंत्री फडणवीस यांच्यावर देखील राऊत यांनी भाष्य केले आहे. मुख्यमंत्री जर गोकुळ आणि कायद्याच्या बाजूने असते, तर त्यांनी चार संचालकांची नियुक्ती होऊ दिली नसती. मुख्यमंत्री काय डुलक्या मारत आहेत? तुम्ही लोकशाहीचा कौल मान्य करत नाही. साडेपाच लाख शेतकऱ्यांनी रेजिम चेंज केला, तोही तुम्ही मान्य करत नाही. मग इतर निवडणुकांचे निकाल कसे मान्य करणार?” असा स्वरूपाची टीका राऊत यांनी फडणवीस यांच्यावर केली आहे.
Sanjay Raut: भाजपसोबत जाणे म्हणजे लाचारी, स्वाभिमान सोडणे! संजय राऊतांचा शिंदे गटावर घणाघात
Ans: महायुतीचे राजेश पाटील हे गोकुळचे अध्यक्ष म्हणून निवडून आले आहेत.
Ans: चंद्रकांत पाटलांसारखे लोक हे विध्वंसक असल्याची टीका संजय राऊत यांनी केली आहे.
