गोवंडी-मानखुर्दला 'विषारी हवे 'पासून मिळणार दिलासा! बेकायदेशीर आरएमसी काँक्रिट प्लाण्ट होणार बंद
Mumbai News: मुंबईतील गोवंडी, शिवाजी नगर, बैगनवाडी आणि मानखुर्द या उत्तर भारतीय आणि अल्पसंख्याकबहुल भागांतील रहिवाशांसाठी दिलासादायक बातमी आली आहे. प्रदूषण आणि ढासळत्या आरोग्याच्या समस्या लक्षात घेऊन, एम-ईस्ट वॉर्डने या भागात कार्यरत असलेल्या चार रेडी-मिक्स काँक्रीट (आरएमसी) प्लांटवर कठोर कारवाई सुरू केली आहे. हे सर्व प्लांट लवकरच पूर्णपणे बंद केले जातील, असा दावा केला जात आहे.(फोटो सौजन्य – AI)
महाराष्ट्र प्रदूषण नियंत्रण मंडळाने (एमपीसीबी) डिसेंबर २०२५ मध्ये ओम गेहलोत ऑपरेटर, एनसीसी लिमिटेड, रामकी इन्फ्रास्ट्रक्चर लिमिटेड आणि कन्स्ट्रक्शन प्रायव्हेट लिमिटेड हे प्लांट बंद करण्याचा आदेश आधीच जारी केला होता. असे असूनही, हे प्लांट गेल्या वर्षभरापासून नियमांचे उल्लंघन करून बेकायदेशीरपणे कार्यरत होते. स्थानिक नगरसेवक आणि स्थायी समिती सदस्य जमीर कुरेशी यांनी चिंताजनक वायू गुणवत्ता निर्देशांक (एक्यूआय) आणि त्याचे सार्वजनिक आरोग्यावरील दुष्परिणाम याबद्दल महापालिकेकडे चिंता व्यक्त केली, ज्यामुळे ही कारवाई करण्यात आली.
स्पष्ट एमपीसीबी मार्गदर्शक तत्त्वे असूनही, हा आरएमसी प्लांट उघडपणे नियमांचे उल्लंघन करत आहे. वायू प्रदूषण रोखण्यासाठी, प्लांटच्या सभोवताली बॉक्स-प्रकारचे आच्छादन, स्प्रिंकलर सिस्टीम आणि वाहनांसाठी टायर धुण्याची प्रणाली असणे अनिवार्य आहे, परंतु यापैकी कशाचाही पूर्णपणे अभाव आहे. गंभीर चिंतेची बाब म्हणजे, शाळांपासून २०० मीटरच्या किमान अंतराची आवश्यकता असूनही, हा प्लांट केवळ १८७.३ मीटर अंतरावर आहे. इतकेच नाही, तर लहान मुले, महिला आणि वृद्धांची वर्दळ असलेले एक सामुदायिक सभागृह फक्त ५० मीटर अंतरावर आहे. कच्च्या मालाच्या साठवणुकीसंबंधीच्या नियमांचेही उल्लंघन केले जात आहे. या निष्काळजीपणामुळे केवळ पर्यावरणीय मानकांचे उल्लंघन होत नाही, तर हवेत तरंगणाऱ्या धुळीच्या कणांमुळे स्थानिक रहिवाशांसाठी एक धोकादायक आणि जीवघेणी आरोग्य परिस्थिती निर्माण होते. दररोज ५०० हून अधिक लोक क्षयरोग, दमा आणि कर्करोगाने ग्रस्त आहेत.
देवनार डंपिंग यार्ड आणि अनियंत्रित आरएमसी रहिवाशांसाठी जीवघेणे ठरत आहे. धोकादायक सिमेटची धूळ आणि विषारी कणांमुळे परिसरात क्षयरोग, दमा, कर्करोग आणि डोळ्यांची जळजळ यांसारखे आजार वेगाने पसरत आहेत. परिस्थिती इतकी गंभीर आहे की, दररोज ५०० हून अधिक लोक बळी पडत आहेत. सिमेंटचे बारीक कण श्वसनसंस्थेला हानी पोहोचवत आहेत, ज्यामुळे लहान मुले, महिला आणि वृद्धांचे आरोग्य खालावत आहे. नियमांकडे दुर्लक्ष केल्यामुळे परिसरात आरोग्याची आणीबाणी निर्माण झाली आहे, अशी माहिती डॉ. झाहिद खान, सचिव, यूएमए यांनी दिली आहे.
मी हा मुद्दा 66 लोकांचे दासळते आरोग्य लक्षात घेऊन मी ह महापालिकेकडे मांडला. एम-ईस्टचे नगरसेवक नवनाथ बन, बबलू पांचाल, विठ्ठल लोकरे आणि एआयएमआयएमच्या इतरांनी याला पाठिंबा दिला. जेव्हा कंपन्यांना बंद करण्याची नोटीस बजावण्यात आली नाही, तेव्हा त्या सर्वांनी विभागीय समितीच्या बैठकीवर बहिष्कार टाकण्याचा ठाम निर्णय घेतला. परिणामी, हा घातक आरएमसी प्लांट अखेर बंद होत आहे. प्रक्रियेला सुरुवात झाली आहे. अशी माहिती जमीर मुर्तझा कुरेशी, एआयएमआयएम नगरसेवक यांनी दिली आहे.
.png "Videos"){kind=small}
