रविवार, 15 नोव्हेंबर 2026
Blinkit च्या मालाड गोदामावर FDA चा छापा; फूड लायसन्स निलंबित, कारवाईने खळबळ
McDowell’s-Old Monk प्रकरणात FSSAI अडचणीत? हायकोर्टाने उपस्थित केला लेबलिंगचा मुद्दा
अनेक मोठे ब्रँड्स आणि हाॅटेल्सवर कारवाई
महाराष्ट्र फूड एंड ड्रग एडमिनिस्ट्रेशनने (FDA ) अलिकडेच अनेक मोठे ब्रँड्स, हाॅटेल्स आणि फूड स्टोर्सवर धडक कारवाई केली आहे. विभागाने इतके फूड सँपल्स जमा केले आहेत की त्यांच्या तपासणीसाठी अधिकाऱ्यांकडून रविवारी देखील काम केले जात आहे. मिळालेल्या माहितीनुसार, एफडीएने ऑगस्ट रोजी मालाड वेस्टमधील रामचंद्र लेनमध्ये असलेल्या कंपनीच्या दुकानाची तपासणी केली होती. विभागाने दावा केला आहे की, तपासणीदरम्यान स्टोरमध्ये ठेवण्यात आलेल्या भाज्या आणि फळांमध्ये झुरळे आढळून आली. जागा अत्यंत अस्वच्छ असल्याचे सांगून एफडीएने तत्काळ स्टोरचा परनाना निलंबित केला आहे. या निलंबनादरम्यान स्टोरमधील खाद्यपदार्थांची विक्री, वितरण किंवा व्यवसाय करण्यास मनाई करण्यात आली होती.
हजारो डेअरी प्रोडक्ट्स केले जप्त
एकामागोमाग एफडीएटच्या छापांचा हा घटनाक्रम सुरु असतानाच ८ ऑगस्ट रोजी बुलढाणा एआरडी सिनेमॉलमध्ये असलेल्या रिलायन्सच्या एका रिटेल आउटलेटचीही तपासणी करण्यात आली. ही तपासणी एका खास ब्रँडच्या काजू कतलीत बुरशी आणि जिवंत किडे आढळल्याच्या तक्रारीच्या आधारे करण्यात आली होती. कारवाईदरम्यान अधिकाऱ्यांनी त्याच प्रकारच्या दुसऱ्या बॅचमधून १०,२३८ रुपये किमतीची ११.३४ किलो काजू कतली जप्त केली आणि नमुने तपासणीसाठी प्रयोगशाळेत पाठवले.
याव्यतिरिक्त दूध आणि डेअरी प्रोडक्ट्समधील भेसळीविरोधात अभियान देखील सुरु करण्यात आले आहे. या स्पेशल अभियानादरम्यान १४,३७८ लीटर डेअरी प्रोडक्ट्स जप्त करण्यात आले ज्यांची किंमत ९३.२६ लाख रुपये असल्याची माहिती आहे. एफडीएने याआधी भिवंडी येथील ॲमेझाॅनच्या वेअरहाऊसवरही छापा टाकला होता. हे प्रकरण सध्या मुंबई हायकोर्टात सुरु आहे.
