घरगुती सिलिंडरही आता गॅस वर; बुकिंग केल्यानंतर कन्फर्मेशनचा संदेश, प्रत्यक्षात मात्र सिलिंडरची प्रतीक्षा
हक्काचा गॅस काळ्या बाजारात वळवून विकला जात असल्याचा संशय, यामुळे वितरक आणि सरकार या दोघांविरुद्धही जनतेचा संताप सातत्याने वाढत आहे. हवालदिल झालेले लोक गॅस एजन्सींकडे धाव घेत आहेत, ताटकळत राहूनही सिलिंडर उपलब्ध होत नाही. खार पूर्वेतील वैष्णव गॅस एजन्सीमध्ये अशीच परिस्थिती आहे.
वैष्णव गॅस एजन्सीकडून कोणतेही ठोस उत्तर मिळत नसल्यामुळे हताश झालेल्या संतप्त नागरिकांनी निर्मल नगर पोलिस ठाण्याकडे धाव घेतली. विशेष म्हणजे, पोलिस ठाण्यात उपस्थित असलेल्या सुमारे १५ व्यक्ती अशा होत्या, ज्यांना सिलिडर वितरणाचा पुष्टीकरण संदेश मिळाला होता.
परंतु त्यांना अद्याप प्रत्यक्ष गॅस सिलिंडर्स मिळालेले नव्हते. पोलिस अधिकाऱ्यांनी एजन्सीचे मालक जयेश कावळे यांना पोलिस ठाण्यात बोलावून घेतले. तिथे, कावले यांनी या अडचणींचे कारण पुरवठ्यातील कमतरता असल्याचे सांगितले. ग्राहकांच्या सर्व तक्रारी दोन दिवसांच्या आत सोडवल्या जातील, असे आश्वासन त्यांनी दिले.
३ मार्चला गॅस सिलिंडर बुक केला होता अन् सिलिंडर 66 वितरणाची पुष्टी करणारा संदेशही आला. पण आठवडा उलटला तरीही सिलिंडर मिळालेला नाही. सलग दोन तास रांगेत उभा राहिलो. आता रांगेत उभे राहण्याची ही तिसरी वेळ आहे, अशी माहिती खार स्थानिक रहिवासी आदिल यांनी दिली.
केवळ वांद्रेच नव्हे, तर गोवडी, मानखुर्द, चेंबूर, विक्रोळी आणि अंधेरीच्या काही भागांतूनही गॅस वितरणातील अनियमितता आणि वितरकांविरोधात होणाऱ्या आंदोलनांच्या बातम्या समोर येत आहेत. इथेही, गॅस रिफिलची नोंदणी (बुकिंग) केल्यानंतर २० दिवस उलटूनही गॅसचा पुरवठा केला जात नसल्याचा आरोप रहिवाशांनी केला आहे.
कांदिवली (पूर्व) येथील परिस्थितीही यापेक्षा वेगळी नाही. लोकंडवाला टाउनशिपमध्ये, पुरुष, स्त्रिया आणि अगदी लहान मुलेही रिकामे सिलिंडर्स हातात घेऊन तासंतास रांगेत उभी होती. सुव्यवस्था राखण्यासाठी पोलिसांना हस्तक्षेप करावा लागला-ज्यासाठी त्यांनी मेगाफोन्सचा वापर केला आणि ‘टोकन पद्धत’ आणि पा ग्राहकांची छायाचित्रे सोशल मीडियावर व्हायरल होणे अजूनही सुरूच आहे. व्यावसायिक गॅस सिलिंडरच्या तुटवडवानंतर घरगुती गैस सिलिंडरही आता मिळेनासा झाला आहे.
.png "Videos"){kind=small}
