लोकलमध्येच मद्यधुंद प्रवाशाने केला महिलेचा विनयभंग; सहप्रवाशांनी तरुणाला चोपूनच काढलं

दरम्यान, पोलिसांनी त्याच्याविरोधात विनयभंगाचा गुन्हा दाखल केला आहे. पोलिसांनी दिलेल्या माहितीनुसार, हमिदुल्ला मुख्तार शेख (२९) असे अटक आरोपीचे नाव असून, तो कुर्ल्यातील इंदिरा नगर परिसरात वास्तव्याला आहे. आरोपी लहान-मोठे कामे करून स्वतःचा उदरनिर्वाह करतो. तो मूळचा झारखंडमधील रहिवासी आहे.

रेल्वे पोलिसांचा विशेष बंदोबस्त

मुंबई लोहमार्ग पोलीस आयुक्तालयाने होळी आणि धुळवडीच्या पार्श्वभूमीवर रेल्वे स्थानकांवर कडक बंदोबस्त तैनात केला होता. त्यासाठी विशेष पथकांची निर्मिती करून ही पथके स्थानकांवर गस्त घालत होती. महिला प्रवाशांची छेडछाड व त्रास देणाऱ्यांविरोधात विशेष कारवाई करण्यात आली. धावत्या गाड्यांवर पाण्याचे फुगे मारू नये यासाठी रेल्वे रूळानजीकच्या झोपडपट्टीमधील रहिवाशांमध्ये जनजागृती करण्यात आली.

हातात चाकू घेऊन फिरणाऱ्यांना नागरिकांनी चांगलंच चोपलं

दुसऱ्या एका घटनेत, रफिक खान रशीद खान हे शुकवारी (दि. 14) दुपारी सव्वा दोनच्या सुमारास इतर कर्मचाऱ्यांसह गस्त घालत होते. यावेळी चित्रा चौकात चार तरुण चाकूचा धाक दाखवून लोकांमध्ये दहशत निर्माण करत असल्याची माहिती मिळाली. या माहितीच्या आधारे पोलिस घटनास्थळी पोहोचले. त्यावेळी दहशत निर्माण करणाऱ्या चार तरुणांना काही लोक मारहाण करत होते. त्यामुळे पोलिसांनी तातडीने कारवाई करत आरोपी शुभम साहू, नितीन साहू, हर्ष साहू आणि गौरव साहू यांना ताब्यात घेतले.

संबंधित बातम्या