Student Dies By Self Immolation: दिल्लीत शाळेतच विद्यार्थीनीची पेटवून घेऊन आत्महत्या; ३ पानांच्या सुसाईड नोटमध्ये नेमकं काय?

Student Dies By Self Immolation: घटनास्थळाची पाहणी करण्यासाठी आणि संबंधित पुरावे गोळा करण्यासाठी गुन्हे शाखेच्या पथकाला पाचारण करण्यात आले. घटनास्थळी असलेले पोलीस पथक या घटनेला कारणीभूत ठरलेल्या परिस्थितीचा तपास करत असून पुढील तपास सुरू आहे.

• दिल्लीत १२वीच्या विद्यार्थिनीची पेटवून घेऊन आत्महत्या
• शाळेतील गार्ड रूमच्या मागे आढळला विद्यार्थिनीचा मृतदेह
• पोलिसांना सापडली तीन पानांची सुसाईड नोट

Student Dies By Self Immolation: दिल्लीच्या कृष्णा नगर भागातून एक धक्कादायक प्रकार समोर आला आहे. येथील इयत्ता १२वीत शिकणाऱ्या एका विद्यार्थिनीने शाळेतच स्वतःला पेटवून घेऊन आत्महत्या केल्याचा धक्कादायक प्रकार उघडकीस आला आहे. पोलिसांना आगीची माहिती मिळताच पोलीस घटनास्थळी दाखल झाले. त्यावेळी ती गार्ड रूमच्या मागे त्यांना एक विद्यार्थीनी जळालेल्या अवस्थेत आढळून आली.

यावेळी पोलिसांना ३ पानांची एक सुसाईड नोटही सापडली. त्या सुसाईड नोटमध्ये, मुलीने तिच्या एका मैत्रिणीने दुसऱ्या मुलीशी बोलल्याचा उल्लेख केला होता. पोलिसांनी मृतदेह ताब्यात घेतला असून तो शवविच्छेदनासाठी पाठवण्यात आला आहे. घटनास्थळी एफएसएल (FSL) तपासही करण्यात आला आहे.

IMD Rain Alert: चक्रीवादळाचे संकट? हवामान विभागाचा या 6 राज्यांना पावसाचा इशारा; जाणून घ्या कोणत्या राज्यांना अलर्ट

या घटनेची माहिती मिळाल्यानंतर दिल्ली सरकारचे मंत्री आशिष सूद यांनी शाळेला भेट देऊन घटनास्थळाची पाहणी केली. दिल्ली सरकारचे मंत्री आशिष सूद म्हणाले, “पोलीस या प्रकरणाचा तपास करत आहेत. शाळेने पोलिसांना सर्व पुरावे दिले आहेत. ही एक दुःखद घटना आहे. तपास पूर्ण झाल्यावर सर्व माहिती दिली जाईल.”

या प्रकरणी दिल्ली पोलिसांनी काय सांगितले?

दिल्ली पोलिसांच्या म्हणण्यानुसार, त्यांना शाळेत आग लागल्याची माहिती देणारा फोन आला होता. जेव्हा पोलीस घटनास्थळी पोहोचले, तेव्हा त्यांना गार्ड रूमच्या मागे भाजलेल्या अवस्थेत एक मुलगी आढळली. मुलीला तात्काळ रुग्णालयात दाखल करण्यात आले. पण उपचारापूर्वीच तिचा मृत्यू झाला होता. डॉक्टरांनी तिला मृत घोषित केले. मुलीच्या बॅगेत काही ज्वलनशील पदार्थ आढळल्याचे पोलिसांनी सांगितले आहे.

घटनास्थळाची पाहणी करण्यासाठी आणि संबंधित पुरावे गोळा करण्यासाठी गुन्हे शाखेच्या पथकाला पाचारण करण्यात आले. घटनास्थळी असलेले पोलीस पथक या घटनेला कारणीभूत ठरलेल्या परिस्थितीचा तपास करत असून पुढील तपास सुरू आहे. या घटनेमुळे परिसरात घबराट पसरली.

उपचाराच्या नावाने पैसे उकळणाऱ्या रुग्णालयांवर आता कारवाई होणार; सर्वोच्च न्यायालयात सरकारनेच दिली ग्वाही

शनिवारी, कृष्णा नगर पोलीस ठाण्याला एका शाळेतून आग लागल्याचा पीसीआर कॉल आला. पोलीस घटनास्थळी पोहोचले, जिथे शाळेच्या गार्ड रूममध्ये अंदाजे १८ वर्षीय १२वी इयत्तेतील एक विद्यार्थिनी मृतावस्थेत आढळली. तिची बॅग जळालेल्या अवस्थेत होती. घटनास्थळावरून काही साहित्य आणि विद्यार्थिनीची शाळेची बॅग जप्त करण्यात आली.

पोलिसांना एक आत्महत्या पत्र

विद्यार्थिनीच्या बॅगेत तीन आत्महत्या पत्रे सापडली आहे. ती गोंडली गावची रहिवासी होती. आत्महत्या पत्रात लिहिले होते की, ती तिच्या आई-वडिलांच्या अपेक्षा पूर्ण करू शकली नाही.

पोलिसांच्या म्हणण्यानुसार, आत्महत्या पत्रात एका मुलाचा उल्लेख असल्याने, पोलीस प्रेमप्रकरणाचाही तपास करत आहेत. सहाव्या तासानंतर ती तिचा क्लास पास घेऊन पाणी प्यायला गेली. २-३ मिनिटांनंतर, तिच्या किंकाळ्या ऐकू आल्या. ती पाण्याच्या टाकीजवळ पूर्णपणे जळालेल्या अवस्थेत आढळली. पोलिसांच्या मते, तिने काहीतरी रसायन पिऊन आत्महत्या केली. पोलिसांच्या माहितीनुसार, ही विद्यार्थिनी दिल्लीत तिच्या बहिणीसोबत राहते आणि तिचे आई-वडील गावात राहतात.