लोकलच्या छतावर चढताच तरुणाला बसला विजेचा जबरदस्त झटका, १९ मिनिटे खोळंबली ट्रेन; घाटकोपर रेल्वे स्थानकाचा Video समोर

Ghatkopar Railway Staion Video : घाटकोपर रेल्वे स्थानकावर लोकलच्या छतावर चढण्याचा प्रयत्न एका व्यक्तीच्या जीवावर बेतला. ओव्हरहेड वायरच्या संपर्कात आल्यानंतर त्याला विजेचा धक्का बसला. या घटनेमुळे तात्पुरता वीज पुरवठा खंडित करण्यात आला ज्यामुळे गाड्या थांबल्या आणि प्रवाशांची मोठी गैरसोय झाली.

• लोकलच्या छतावर चढताना OHE वायरच्या संपर्कात.
• विजेच्या धक्क्याने व्यक्ती गंभीर जखमी.
• घटनेनंतर १९ मिनिटे लोकल वाहतुकीवर परिणाम.

मध्ये रेल्वेच्या घाटकोपर रेल्वे स्थानकावर मंगळवारी संध्याकाळी एक धक्कादायक घटना घडून आली. अज्ञात व्यक्ती लोकल रेल्वेच्या छातावर चढण्याचा प्रयत्न करत असताना ओव्हरहेड वायरच्या (OHE) संपर्कात आला. यानंतर तरुणाला विजेचा जोरदार करंट बसला ज्यात तो गंभीररित्या जखमी झाला आहे. या घटनेनंतर सुरक्षेच्या दृष्टीने OHE वीजपुरवठा काही काळ बंद ठेवण्यात आला ज्यामुळे बराच काळ रेल्वे वाहतूक विस्कळीत झाली. या घटनेदरम्यान रेल्वे स्थानकावर उपस्थित काही प्रवाशांनी लाईव्ह फुटेज आपल्या फोनच्या कॅमेरात कैद करुन घेतले जे आता सोशल मिडियावर वेगाने व्हायरल होत आहे.

७ हजार किमी पार केलं, आता एक चाकी सायकलवर एव्हरेस्ट बेस कॅम्प गाठण्याचं ध्येय… केरळच्या तरुणाचं भन्नाट चॅलेंज; Video Viral

१९ मिनिटे रेल्वे स्थानकावर थांबून राहिती रेल्वे

मध्ये रेल्वेने दिलेल्या माहितीनुसार, CSMT-टिटवाळा फास्ट लोकस संध्याकाळी ६.३३ वाजता घाटकोपर रेल्वे स्थानकाच्या प्लॅटफाॅर्म क्रमांक ३ वर उभी होती. यादरम्यानच एका अज्ञान व्यक्तीने रेल्वेच्या छतावर चढण्याचा प्रयत्न केला ज्यात तो यशस्वीही ठरला पण पुढे जाऊन याची मोठी किंमत त्याला मोजावी लागली. लोकलच्या छतावर चढल्यानंतर व्यक्ती तेथील ओएचई वायरच्या संपर्कात आला. विजेच्या धक्क्याने त्याचे शरीर गंभीररित्या भाजले गेले. या घटनेनंतर साधारण १९ मिनिटे रेल्वे स्टेशनवरच थांबवण्यात आली.

RPF मदतीला धावले

घटनेनंतर संपूर्ण स्थानकावर एकच गोंधळ माजला. रेलवे सुरक्षा कर्मचारी (RPF) लगोलग घटनास्थळी धावून आले आणि त्यांनी तरुणाला लोकलच्या छतावरुन खाली उतरवले. व्यक्ती गंभीररित्या जखमी झाल्याने उपचारासाठी त्याला रुग्णालयात दाखल करण्यात आले. व्यक्तीवर उपचार सुरु असून त्याची ओळख अद्याप पटली नाही.

घाटकोपर स्टेशनवर घटना! घाटकोपर रेल्वे स्टेशनच्या प्लॅटफॉर्म क्रमांक 3 वर नुकतीच घटना घडली आहे. संबंधित रेल्वे प्रशासन व सुरक्षा यंत्रणांनी तातडीने घटनास्थळी पोहोचून पाहणी करून आवश्यक मदत व कारवाई करावी. @Central_Railway #Ghatkopar #GhatkoparStation #Mumbai #Railway… pic.twitter.com/Q76ZWnqXAW — Shaqib Sayyed India, شکیب سید بھارت🇮🇳 (@indianshaqib) August 19, 2026

जंगलाच्या राजाची दहशत… विशाककाय घोड्याचा गळा धरला अन् ओढतंच अरण्यात नेलं; शिकारीचा थरारक Video Viral

रेल्वे थांबून राहिली

सुरक्षेच्या कारणास्तव, संध्याकाळी ६:३८ ते ६:४७ पर्यंत ओएचई (OHE) वीजपुरवठा खंडित करण्यात आला होता. याचा परिणाम डाउन फास्ट लाईनवरील लोकल ट्रेन्स, तसेच मेल आणि एक्सप्रेस ट्रेन्सच्या वाहतुकीवर झाला. घटना संध्याकाळी वर्दळीच्या वेळी झाल्याने इतर प्रवाशांना याचा मोठा त्रास सहन करावा लागला. रेल्वे सेवा विस्कळीत झाल्यामुळे कुर्ला, दादर आणि घाटकोपर स्थानकांवर प्रचंड गर्दी निर्माण झाली. गर्दी वाढल्याने अनेकांना नेहमीची लोकल पकडता आली नाही. प्रवाशांना रेल्वे पकडताना बराच संघर्ष करावा लागला. वीजपुरवठा काही मिनिटे खंडित केला गेला होता पण गाड्या थांबल्याने हा विलंब लक्षणीयरित्या वाढला. डाउन फास्ट लाईनवरील वाहतूक पूर्ववत होण्यासाठी वेळ लागला ज्यामुळे प्रवाशांची मोठी गैरसोय झाली.