Raigad News: आधी अतिवृष्टी, नंतर पावसाची दडी! माणगावमध्ये भातशेतीला दुहेरी फटका, दुष्काळ जाहीर करण्याची मागणी

माणगाव तालुका दुष्काळग्रस्त जाहीर करून नुकसानग्रस्त शेतकऱ्यांना तातडीने मदत द्यावी, अशी मागणी सध्या जोर धरू लागली आहे. पावसाच्या खंडामुळे शेतकरी आर्थिक संकटात सापडले आहेत. पिकाच्या वाढीवर आणि अपेक्षित उत्पादनावर परिणाम होत असल्याचे पाहायला मिळत आहे.

• पावसाच्या खंडामुळे शेतकरी आर्थिक संकटात सापडले
• वेळेवर भातलागवड करण्याचे नियोजन विस्कळीत झाले
• भाताच्या पिकाला दाणे भरण्याच्या आणि पक्व होण्याच्या महत्त्वाच्या टप्यावर पावसाने अचानक दडी मारली

 

माणगाव: यंदाच्या हंगामात पावसाच्या अनियमिततेचा मोठा फटका माणगाव तालुक्यातील भातशेतीला बसला आहे. सुरुवातीला पावसाच्या अनिश्चिततेमुळे पेरणीला झालेला विलंब, त्यानंतरची अतिवृष्टी आणि भाताचे पीक परिपक्व होण्याच्या काळात पडलेल्या पावसाच्या खंडामुळे शेतकरी आर्थिक संकटात सापडले आहेत. तालुक्यातील जवळपास ७० टक्के शेतीचे नुकसान झाल्याचा दावा शेतकरी वर्गातून करण्यात येत असून, माणगाव तालुका दुष्काळग्रस्त जाहीर करून नुकसानग्रस्त शेतकऱ्यांना तातडीने मदत द्यावी, अशी मागणी जोर धरत आहे.

Maharashtra Drought 2026: दुष्काळाची भीषण कुऱ्हाड! ‘आम्हाला सांभाळता येत नाही, तुम्हीच वाचवा’; अश्रू ढाळत शेतकरी सोडतायत गोवंश

यंदा हंगामाच्या सुरुवातीला पाऊस वेळेवर पडेल की नाही, तसेच एल निनोच्या संभाव्य प्रभावामुळे पावसाचे प्रमाण कमी राहील की काय ? या चिंतेने अनेक शेतकऱ्यांनी पेरणी लांबणीवर टाकली. त्यानंतर काही काळ अतिवृष्टी झाल्याने अनेक ठिकाणी भाताची रोपवाटिका अर्थात तरवे पाण्याखाली गेले. काही शेतकऱ्यांना अपेक्षित रोपे तयार करता आली नाहीत. परिणामी, वेळेवर भातलागवड करण्याचे नियोजन विस्कळीत झाले. लागवडीच्या काळात काही प्रमाणात समाधानकारक पाऊस झाल्याने उपलब्ध रोपांच्या आधारे उखाड पद्धतीने लागवड करावी लागली. त्यामुळे पिकाच्या वाढीवर आणि अपेक्षित उत्पादनावर परिणाम झाला.  (फोटो सौजन्य – AI Created) 

‘या’ आहेत प्रमुख मागण्या

• भातशेतीवर अवलंबून असलेल्या ग्रामीण भागातील शेतकऱ्यांचे आर्थिक गणित यंदा कोलमडले आहे.
• बियाणे, खते, मजुरी आणि मशागतीसाठी केलेला खर्चही वसूल होणे कठीण बनले आहे.
• शासनाने माणगाव तालुक्यातील भातशेतीची गावनिहाय पाहणी करावी.
• पंचनामे करून शेतकऱ्यांना नियमानुसार आर्थिक मदत द्यावी.
• दुष्काळचे निकष तपासून माणगाव दुष्काळग्रस्त जाहीर करा.

दुष्काळग्रस्त जाहीर केल्यास पुढील हंगामासाठी मदत मिळेल

चेरवली येथील प्रगत शेतकरी संदीप खडतर म्हणाले, “यावर्षीचे दुष्काळाचे संकट वेगळ्या प्रकारचे आहे. जवळपास ७० टक्के शेती नुकसानग्रस्त झाली आहे. भातशेतीतून अपेक्षित उत्पादन मिळणे कठीण झाले आहे. माणगाव तालुका दुष्काळग्रस्त जाहीर केल्यास शेतकऱ्यांना पुढील हंगामात शेतीसाठी काही प्रमाणात आर्थिक मदत मिळू शकेल. बियाणे, खते आणि इतर आवश्यक साहित्याचा पुरवठा झाल्यास संकटात सापडलेल्या शेतकऱ्यांना पुन्हा उभारी घेता येईल. शासनाने या परिस्थितीची गांभीर्याने दखल घेऊन शेतकऱ्यांना दिलासा द्यावा.”

ऐन भात पक्व होण्याच्या काळात पावसाने मारली दडी

भाताच्या पिकाला दाणे भरण्याच्या आणि पक्व होण्याच्या महत्त्वाच्या टप्यावर पावसाने अचानक दडी मारली. जमिनीतील ओलावा कमी झाल्यामुळे भाताचे दाणे पूर्णपणे भरू शकले नाहीत. अनेक ठिकाणी दाणे अर्धवट राहिल्याने भात पोचट झाला असून उत्पादनात मोठी घट होण्याची शक्यता आहे. सुरुवातीला अतिवृष्टी आणि नंतर पावसाचा खंड अशा दुहेरी संकटामुळे शेतक-यांच्या हातातोंडाशी आलेला घास हिरावला जाण्याची भीती निर्माण झाली आहे.

जवळपास ७० % शेतीचे नुकसान झाल्याचा दावा

काही भागांत भाताची पिके चांगली दिसत असली, तरी शेतातील वास्तव पूर्णपणे वेगळे असल्याचे शेतकऱ्यांचे म्हणणे आहे; तालुक्यातील सुमारे ७० टक्के शेतजमिनीचे नुकसान झाले असून, अनेक शेतकऱ्यांच्या उत्पादनावर याचा गंभीर परिणाम झाला आहे, असा दावा केला जात आहे. त्यामुळे गावनिहाय पीकस्थितीची प्रत्यक्ष पाहणी करून नुकसानीचे वस्तुनिष्ठ मूल्यमापन करणे आवश्यक आहे.

Mira Bhayandar: महासभेत हाणामारी, तरीही शेकडो कोटींच्या प्रस्तावांना मंजुरी; भाजपच्या कारभारावर विरोधकांचा आक्षेप; नेमकं काय घडलं?

यावर्षीचे दुष्काळाचे संकट वेगळ्या प्रकारचे असून जवळपास ७० टक्के शेती नुकसानग्रस्त झाली आहे. शेतामध्ये जे काही थोडेफार पीक आहे त्यावर सुद्धा अति उष्णता व पावसाचे संकट आहे. यापुढे भात शेती तयार होऊ शकत नाही. त्यामुळे माणगाव तालुका दुष्काळग्रस्त जाहीर करावा. ज्यामुळे पुढील हंगामात शेती करायला थोडीफार आर्थिक मदत होईल. बी बियाणे, खते इत्यादींचा पुरवठा होऊन भविष्यात शेतकरी बोडीफार उभारी घेऊ शकेल. – संदीप खडतर, प्रगत शेतकरी, चेरवली.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)