File Photo : Accident
आज सर्वत्र आनंदाचं वातावरण आहे. सर्वत्र आनंदाने गणपती बाप्पाचं आगमन होत आहे. मात्र अशातच मुंबईतून एक धक्कादायक घटना समोर आली आहे. मुलुंडमध्ये आज पहाटेच्या सुमारास घडलेल्या हिट अँड रण केसने संपूर्ण शहर हादरलं आहे. मुलुंडमध्ये आज गणेश चतुर्थीच्या दिवशीच पहाटेच्या सुमारास गणेशोत्सव मंडळाचे बॅनर लावणाऱ्या दोघांना एका बीएमडबल्यू कारने जोरदार धडक दिली आहे. या घटनेत एकाचा जागीच मृत्यू झाला आहे. या घटनेमुळे सर्वत्र संताप व्यक्त केला जात आहे. गेल्या काही दिवसांपासून राज्यातील हिट अँड रणच्या घटना मोठ्या प्रमाणात वाढत आहेत.
हेदेखिल वाचा –शिवरायांच्या पुतळा दुर्घटनेतील आरोपी शिल्पकार जयदीप आपटेला अखेर अटक; पोलिसांची मोठी कारवाई
काही दिवसांपूर्वीच मालाडमध्ये एका आलिशान कारच्या धडकेत निष्पाप महिलेचा बळी गेल्याची घटना घडली होती. यापूर्वी वरळी हिट अँड रन अपघातामुळे संपूर्ण मुंबईत खबबळ उडाली होती. चालकाने महागड्या कारनं एका महिलेला फरफटत नेलं होतं, यामध्ये महिलेचा मृत्यू झाला होता.त्यानंतर आज गणेश चतुर्थीच्या दिवशीच मुलुंडमधून एक धक्कादायक घटना समोर आली आहे. या घटनेबाबत मिळालेल्या माहितीनुसार दोघे तरुण गणेशोत्सव मंडळाचे बॅनर रस्त्यावर लावत होते. बॅनर लावत असतानाच एका आलीशान बीएमडबल्यू कारनं जोरदार धडक दिल्यामुळे एकाचा मृत्यू झाला आहे. या घटनेनेनंतर चालकाने घानास्थळावरून पळ काढलं आहे.
हेदेखिल वाचा –कणकवली विधानसभेतील जलजीवन मिशनच्या कामांना गती मिळणार; उर्वरित रक्कम देण्याचे गुलाबराव पाटलांचे आदेश
मिळालेल्या माहितीनुसार, मुलुंडमध्ये एका बीएमडबल्यू कारनं रस्त्यावर बॅनर लावणाऱ्या दोन गणेश मंडळाच्या कार्यकर्त्यांना जोरदार धडक दिली. आज पहाटे चार वाजताच्या सुमारास ही घटना घडली. मुलुंडचा राजा म्हणून प्रसिद्ध असलेल्या गणेश मंडळाचे हे कारकर्ते होते. प्रीतम थोरात आणि प्रसाद पाटील अशी त्यांची नाव आहेत. प्रीतम थोरात आणि प्रसाद पाटील हे दोघे आज पहाटेच्या सुमारास मुलुंडचा राजा म्हणून प्रसिद्ध असलेल्या गणेश मंडळाच्या मंडपाजवळील गव्हाणपाडा येथील आकृती टॉवरजवळ बॅनर लावत होते. यावेळी एक भरधाव बीएमडब्लू कार कँपस हॉटेलकडून मुलुंड ईस्ट वेस्टच्या ब्रिजकडे आली. तिने या दोघांना जोरदार धडक दिली. या घटनेत एका कार्यकर्त्याचा जागीच मृत्यू झाला, तर दुसऱ्याची प्रकृती गंभीर आहे. तसेच या घटनेनंतर चालकाने देखील घटनास्थळावरून पाल काढला.
या घटनेची माहिती मिळताच पोलिसांनी घटनास्थळी धाव घेतली. कार चालकाविरोधात गुन्हा दाखल करण्यात आला असून पोलीस त्याचा शोध घेत आहे. याप्रकरणी पोलिसांनी दिलेल्या माहितीनुसार, मुलुंडमध्ये आज पहाटे चार वाजता एका बीएमडबल्यू कारनं रस्त्यावर बॅनर लावणाऱ्या दोन गणेश मंडळाच्या कार्यकर्त्यांना जोरदार धडक दिली. यात एक कार्यकर्त्याचा मृत्यू झाला आहे. दुसऱ्याची परिस्थिती गंभीर आहे. प्रीतम थोरात आणि प्रसाद पाटील हे कार्यकर्ते पहाटे चार वाजताच्या दरम्यान मुलुंडच्या गव्हाणपाडा येथील आकृती टॉवरजवळ रस्त्यावर बॅनर लावत होते. अचानक भरधाव वेगात एक बीएमडब्लू कार कँपस हॉटेलकडून मुलुंड पूर्व ते वेस्टच्या ब्रिजकडे जात होती.यावेळी कारने दोघांना जोरदार धडक दिली. यात प्रीतम थोरात याचा मृत्यू झाला असून प्रसाद पाटीलची प्रकृती गंभीर आहे, चालकाचा शोध सुरू आहे.
