लीलावती हॉस्पिटल अँड रिसर्च सेंटरकडून अत्याधुनिक मोड्युलर आणि हायब्रिड ऑपरेशन थिएटरचे उद्घाटन
मुंबई: नवोन्मेष आणि अचूकतेची सांगड घालत शस्त्रक्रियेतील सुरक्षितता आणि कार्यक्षमता वाढवण्यासाठी लीलावती हॉस्पिटल अँड रिसर्च सेंटर (एलएचआरसी) यांनी अत्याधुनिक मोड्युलर आणि हायब्रिड ऑपरेशन थिएटर (ओटी) सुरू केले आहेत. नव्याने अद्ययावत करण्यात आलेल्या या सुविधांमध्ये प्रगत प्रणाली, सुलभ कार्यप्रवाह आणि सुधारित सुरक्षा मानकांचा समावेश आहे. सर्जन्सना अधिक सक्षम बनवणे आणि रुग्णांच्या सुरक्षिततेत वाढ करणे या उद्देशाने या आधुनिक ओटींची निर्मिती करण्यात आली आहे.
शस्त्रक्रियात्मक उत्कृष्टतेच्या जागतिक मानकांची पूर्तता करण्याच्या उद्देशाने विकसित करण्यात आलेल्या या नव्या ओटींमध्ये अत्याधुनिक शस्त्रक्रिया तंत्रज्ञान, प्रगत रुग्ण निरीक्षण प्रणाली, अचूकतेसाठी आवश्यक देखरेख प्रणाली आणि सुधारित रुग्ण सुरक्षा उपायांचा समावेश आहे. या उद्घाटनामुळे जागतिक दर्जाच्या आरोग्यसेवा पायाभूत सुविधांमध्ये रुग्णालयाकडून सातत्याने केली जाणारी गुंतवणूक अधोरेखित होते.
या नव्या मोड्युलर ओटींमध्ये आधुनिक लॅमिनार वायूप्रवाह प्रणाली, अत्याधुनिक हेपा फिल्ट्रेशन प्रणाली, प्रगत सर्जिकल कंट्रोल पॅनल्स आणि डिजिटल व्ह्यूइंग बॉक्सेचा समावेश आहे. अद्ययावत प्रक्रियेदरम्यान नव्याने स्थापित करण्यात आलेल्या अॅनेस्थेशिया पेंडंट प्रणालींमुळे कार्यक्षमता आणि कार्यप्रवाहामध्ये मोठी सुधारणा झाली आहे. तसेच सुरक्षिततेत वाढ, एर्गोनॉमिक्समध्ये सुधारणा, हालचालीसाठी अधिक सुलभता आणि जागेचा अधिक प्रभावी वापर शक्य झाला आहे.
ऑपरेशन थिएटर संकुलात नव्याने विकसित करण्यात आलेल्या अँटीमायक्रोबियल वॉल प्रणालीचे एकात्मीकरणही करण्यात आले आहे. संसर्ग टाळण्यासाठी या विशेष पॅनल्सची रचना करण्यात आली आहे. शस्त्रक्रियेनंतर उद्भवणाऱ्या गुंतागुंतींना कारणीभूत ठरणाऱ्या शस्त्रक्रिया स्थळावरील संसर्गाचा (सर्जिकल साइट इन्फेक्शन्स) धोका कमी करण्यास ही प्रणाली मदत करते. नव्या मोड्युलर ओटीमुळे संसर्गाचा धोका लक्षणीयरीत्या कमी होऊ शकतो. तसेच हे ओटी केंद्रीय कार्बन डायऑक्साइड प्रणालीने सुसज्ज असल्यामुळे शस्त्रक्रियेतील सहाय्य अधिक शिस्तबद्ध आणि कार्यक्षम बनते.
सर्जिकल पेंडंट प्रणाली, म्हणजेच छतावर बसवलेली वैद्यकीय उपकरण व्यवस्थापन युनिट्स, सर्जन्सना मोठ्या आणि जटिल प्रक्रियांदरम्यान अधिक कार्यक्षमतेने काम करण्यास मदत करतात. रोबोटिक शस्त्रक्रियांमध्येही ही प्रणाली अत्यंत उपयुक्त ठरते. इनबिल्ट कॅमेरांसह नव्याने बसवण्यात आलेल्या सर्जिकल लाइट्समुळे प्रक्रियांचे उच्च गुणवत्तेचे रेकॉर्डिंग शक्य होते. त्यामुळे दस्तावेजीकरण, प्रशिक्षण आणि शैक्षणिक उद्देशांसाठी ही सुविधा अत्यंत उपयुक्त ठरते. या नव्या मोड्युलर ओटींचा आणखी एक महत्त्वाचा लाभ म्हणजे बाजारात उपलब्ध होणाऱ्या नव्या सर्जिकल आणि वैद्यकीय उपकरणांशी सहजपणे जुळवून घेण्याची क्षमता. त्यामुळे उदयोन्मुख वैद्यकीय तंत्रज्ञान जलद गतीने स्वीकारता येते आणि शस्त्रक्रियात्मक प्रक्रियांमध्ये कार्यक्षमता वाढते.
नव्याने स्थापित करण्यात आलेल्या अॅनेस्थेशिया पेंडंट प्रणालींमुळे या अत्याधुनिक मोड्युलर ओटींची क्षमता अधिक मजबूत झाली आहे. रुग्णालयातील अत्याधुनिक हायब्रिड ऑपरेशन थिएटर या संपूर्ण रूपांतरणाच्या केंद्रस्थानी आहे. या ओटीमध्ये रुग्ण सुरक्षा, शस्त्रक्रियेतील कार्यक्षमता, प्रगत इमेजिंग तंत्रज्ञान आणि आंतरराष्ट्रीय दर्जाचे मानक यांचा संगम साधण्यात आला आहे.
या एकात्मिक सुविधेमुळे सर्जन्सना निदानात्मक आणि उपचारात्मक अशा दोन्ही प्रकारच्या प्रक्रिया अधिक अचूकतेने आणि कार्यक्षमतेने करता येतात. त्यामुळे जोखीम कमी होते आणि रुग्णांना अधिक चांगले परिणाम मिळतात. या ऑपरेशन थिएटरमधील प्रत्येक सुधारणा अत्यंत काळजीपूर्वक अंमलात आणण्यात आली आहे, जेणेकरून लीलावती हॉस्पिटलची ओळख असलेली अचूकता, सुरक्षितता आणि करुणा या सर्वोच्च मूल्यांची पूर्तता करता येईल.
लीलावती हॉस्पिटल अँड रिसर्च सेंटरचे स्थायी विश्वस्त राजीव के. मेहता म्हणाले,“आमच्या नव्या अत्याधुनिक मोड्युलर आणि हायब्रिड ऑपरेशन थिएटरचे उद्घाटन हा आमच्यासाठी अत्यंत अभिमानाचा क्षण आहे. आमच्या रुग्णांना सर्वात सुरक्षित आणि अचूक उपचार मिळावेत यासाठी अत्याधुनिक तंत्रज्ञान आणि रुग्णसेवेची उच्च मानके यामध्ये सातत्याने गुंतवणूक करण्याची आमची बांधिलकी या उपक्रमातून दिसून येते. लीलावती हॉस्पिटलमध्ये आम्ही नवोन्मेष आणि करुणेची सांगड घालत आरोग्यसेवेतील उत्कृष्टता कायम राखण्यासाठी कटिबद्ध आहोत.”
.png "Videos"){kind=small}
