आता म्हाडाचं घर घेणं झालं सोपं! कोकण मंडळ स्वतः मिळवून देणार गृहकर्ज; १२ हजार घरांच्या विक्रीसाठी मोठा निर्णय

Home Loan Consultant MHADA: म्हाडाच्या कोकण मंडळातील १२,००० रिक्त घरांच्या विक्रीसाठी म्हाडाने गृहकर्ज सल्लागार नियुक्त केला आहे. आता ग्राहकांना सुलभ कर्ज मिळणार असून ६ महिन्यात सर्व घरे विकण्याचे म्हाडाचे लक्ष्य आहे.

 

• म्हाडाची घरे आता सहज मिळणार!
• १२ हजार रिक्त घरांच्या विक्रीसाठी कोकण मंडळाचा ‘मास्टर प्लॅन’
• गृहकर्ज मिळवून देण्यासाठी ‘सल्लागार’ नियुक्त

MHADA Konkan Board Home Loan: म्हाडाच्या कोकण मंडळाची अद्याप १२ हजारांहून अधिक घरे रिक्त आहेत. या घरांच्या विक्रीसाठी म्हाडाने अनेक उपाययोजना केल्या आहेत. मात्र त्यानंतरही कोकण मंडळातील आजही १२ हजारांहून अधिक घरे रिक्त आहेत. त्या घरांच्या विक्रीला चालना देण्यासाठी म्हाडाने आणखी एक उपाय योजला आहे. अर्जदारांना बँकेच्या पायऱ्या न चढता सुलभ गृहकर्ज उपलब्ध करून देण्याचा निर्णय मंडळाने घेतला आहे. त्यानुसार मंडळाने एका कंपनीची गृहकर्ज सल्लागार म्हणून नियुक्ती केली आहे. आता इच्छुकांना, अर्जदारांना गृहकर्ज उपलब्ध करून देण्यास सुरूवात करण्यात आली.

रिक्त घरे विकण्याचे उद्दिष्ट

सर्वच्या सर्व रिक्त घरे येत्या सहा महिन्यात विकण्याचे उद्दिष्ट आता कोकण मंडळाने ठेवले आहे. त्यानुसार बुक माय होमसह इतर पर्यायाद्वारे करण्यात येणाऱ्या विक्रीला चालना देण्यासाठी आता मंडळाने गृहकर्ज सल्लागाराची नियुक्ती केली आहे. या सुविधेमुळे नक्कीच येत्या काळात मोठ्या संख्येने इच्छुक कोकण मंडळातील घराच्या खरेदीसाठी पुढे येतील असा विश्वास व्यक्त करण्यात आला.

हे देखील वाचा: Mumbai Monorail News: मुंबईकरांची प्रतीक्षा लांबली! आचारसंहितेमुळे मोनोरेलच्या निविदा प्रक्रियेला ब्रेक

रिक्त घरे विकण्याचे उद्दिष्ट

सर्वच्या सर्व रिक्त घरे येत्या सहा महिन्यात विकण्याचे उद्दिष्ट आता कोकण मंडळाने ठेवले आहे. त्यानुसार बुक माय होमसह इतर पर्यायाद्वारे करण्यात येणाऱ्या विक्रीला चालना देण्यासाठी आता मंडळाने गृहकर्ज सल्लागाराची नियुक्ती केली आहे. या सुविधेमुळे नक्कीच येत्या काळात मोठ्या संख्येने इच्छुक कोकण मंडळातील घराच्या खरेदीसाठी पुढे येतील असा विश्वास व्यक्त करण्यात आला.

अनेक ठिकाणची घरे विक्रीवाचून पडून

या सर्व ठिकाणच्या घरांना इच्छुकांचा प्रतिसाद मिळत नसल्याने हजारोंच्या संख्येने घरे विक्रीवाचून रिक्त पडून आहेत. घरे महागडी असल्याने किवा प्रकल्पात आवश्यक त्या सुविधा नसल्याने, प्रकल्पाचे ठिकाण योग्य नसल्याने नागरिकांनी घरांकडे पाठ फिरवली आहे. त्यामुळेच कोकण मंडळातील अंदाजे २० हजार घरे पडून होती. घरे विकली जात नसल्याने मंडळाला आर्थिक नुकसान सहन करावे लागत होते. या घरांच्या विक्रीसाठी म्हाडा प्राधिकरणाने नवीन धोरण स्वीकारून प्रथम येणाऱ्यास प्रथम प्राधान्य योजनेअंतर्गत घरांची विक्री करण्याचा निर्णय घेतला. त्याचबरोबर बुक माय होमची संकल्पना आणली. घरांच्या विक्रीसाठी त्रयस्थ कंपन्यांची नियुक्ती केली.

हे देखील वाचा: NMIA Flight News: नवी मुंबई आंतरराष्ट्रीय विमानतळ ऐतिहासिक उड्डाणासाठी सज्ज! ‘या’ दिवशी होणार पहिले उड्डाण