मद्यपींसाठी खुशखबर! सकाळी ५ पर्यंत सुरू राहणार दारूची दुकाने

मुंबई शहरातील मद्यपींसाठी मोठी बातमी आहे. आजपासून येत्या ३१ डिसेंबरपर्यंत ३ दिवस दारूची दुकाने पहाटेपर्यंत सुरू राहणार आहेत. मुंबईचे जिल्हाधिकारी संजय यादव यांनी ही माहिती दिली आहे.

मद्यपींसाठी खुशखबर! सकाळी ५ पर्यंत सुरू राहणार दारूची दुकाने

Follow Us:

Follow Us:

मुंबई शहरातील मद्यपींसाठी मोठी बातमी आहे. आजपासून येत्या ३१ डिसेंबरपर्यंत ३ दिवस दारूची दुकाने पहाटेपर्यंत सुरू राहणार आहेत. मुंबईचे जिल्हाधिकारी संजय यादव यांनी एका प्रसिद्धी पत्रकाद्वारे ही माहिती दिली आहे. मुंबई दारुबंदी कायदा, 1949 अंतर्गत मुंबई विदेशी मद्य नियमावली 1953 व महाराष्ट्र देशी मद्य नियमावली 1973 अंतर्गत ही सुट देण्यात आली आहे. मुंबई शहर जिल्ह्यातील किरकोळ, विदेशी मद्य विक्रीची दुकानांना ही सुट असेल. 24, 25 व 31 डिसेंबर, 2024 पर्यंत देण्यात आली आहे.

कोणती दुकाने कधीपर्यंत सुरू राहणार?
एफएल-2 (विदेशी मद्य किरकोळ विक्रीची दुकान) रात्री 10.30 ते पहाटे 1वाजेपर्यंत, उच्च दर्जाची व अतिउच्च दर्जाची श्रेणीवाढ मिळालेल्या एफएल 2 अनुज्ञप्ती यांना रात्री 11.30 ते दुसऱ्या दिवशी पहाटे 1 वाजेपर्यंत, एफएलबीआर -2 आणि एफएलडब्ल्यू -2 यांना रात्री 10.30 वाजेपासून ते दुसऱ्या दिवशी पहाटे 1 वाजेपर्यंत, एफएल-3 (परवाना कक्ष) एफ एल-4 (क्लब अनुज्ञप्ती) यांना पोलीस आयुक्तालय परिक्षेत्रासाठी रात्री दीड ते पहाटे पाच वाजेपर्यंत आणि इतर क्षेत्राकरिता रात्री 11.30 ते पहाटे 5 वाजेपर्यंत शिथिल असणार आहे.

बिअर बार मध्यरात्री 12 वाजेपासून ते दुसऱ्या दिवशी पहाटे 5 वाजेपर्यंत, वाईन बार मध्यरात्री 12 वाजेपासून ते दुसऱ्या दिवशी पहाटे 5 वाजेपर्यंत, ई-2 मध्यरात्री 12 ते पहाटे 5 पर्यंत सुरू ठेवता येणार आहेत.

सीएल -3 अनुज्ञप्ती यांना महानगरपालिका तसेच ‘अ’, व ‘ब’ वर्ग नगरपालिका क्षेत्रातील अनुज्ञप्तींसाठी रात्री 11 ते दुसऱ्या दिवशी पहाटे 1 वाजेपर्यंत व इतर ठिकाणी रात्री 10 ते दुसऱ्या दिवशी पहाटे 1 वाजेपर्यंत शिथिलता असणार आहे. ही वेळेची शिथिलता 24,25 व 31 डिसेंबर रोजी असेल, असे आदेशान्वये मुंबई शहरचे जिल्हाधिकारी संजय यादव यांनी कळविले आहे.

Web Title: Liquor shops will remain open till 5am in mumbai during christmas and 31st december

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com