राजकारणातील परिचित चेहरा हरपला; बाळासाहेब ठाकरे, आनंद दिघे यांच्यासोबत काम, निष्ठावंत शिवसैनिक शिरीष चव्हाण काळाच्या पडद्याआड
Shirish Chavan: वसई-विरारच्या राजकीय वर्तुळातून एक दुःखद बातमी समोर आली आहे. शिवसेना (उद्धव बाळासाहेब ठाकरे) पक्षाचे निष्ठावंत शिवसैनिक आणि माजी जिल्हाप्रमुख शिरीष चव्हाण यांचे निधन झाले आहे. वसई येथील कार्डिनल ग्रेशियस रुग्णालयात त्यांनी अखेरचा श्वास घेतला. गेल्या काही दिवसांपासून त्यांची प्रकृती खालावली होती. त्यामुळे त्यांच्यावर रुग्णालयात उपचार सुरू होते. त्यांच्या निधनाच्या वृत्ताने वसई-विरारच्या राजकीय आणि सामाजिक क्षेत्रात शोककळा पसरली आहे.(Shirish Chavan)
शिरीष चव्हाण यांनी शिवसेनेच्या सुरुवातीच्या काळापासून पक्षसंघटनेसाठी योगदान दिले होते. शिवसेनाप्रमुख हिंदुहृदयसम्राट बाळासाहेब ठाकरे आणि धर्मवीर आनंद दिघे यांच्यासोबत काम करण्याची संधी त्यांना मिळाली होती. अनेक वर्षांच्या राजकीय प्रवासात त्यांनी पक्षसंघटना मजबूत करण्यासाठी सातत्याने काम केले.
Vasai Fashion Viral : पॅरिस फॅशन वीकला टक्कर? वसईत दिसली हटके देसी फॅशन शो, सोशल मीडियावर चर्चा
वसई-विरारच्या राजकारणात शिरीष चव्हाण यांचा एक वेगळा परिचय होता. त्यांनी नालासोपारा नगरपरिषदेचे विरोधी पक्षनेते म्हणून जबाबदारी सांभाळली होती. तसेच पालघर ग्रामीण भागाचे शिवसेना जिल्हाप्रमुख म्हणूनही त्यांनी काम पाहिले होते. स्थानिक राजकारणात त्यांचा अनुभव आणि पक्षसंघटनेतील योगदान महत्त्वाचे मानले जात होते.
शिरीष चव्हाण हे पक्षाशी एकनिष्ठ राहिलेले अनुभवी शिवसैनिक म्हणून ओळखले जात होते. त्यांच्या निधनाने शिवसेनेच्या ठाकरे गटाने एक जुना आणि अनुभवी सहकारी गमावला आहे. त्यांच्या निधनाची बातमी समजताच राजकीय आणि सामाजिक क्षेत्रातील मान्यवरांकडून शोक व्यक्त केला जात आहे.
बाळासाहेब ठाकरे यांच्या नेतृत्वाखाली सुरू झालेला त्यांचा राजकीय प्रवास आज काळाच्या पडद्याआड गेला आहे. वसई-विरारच्या राजकीय आणि सामाजिक क्षेत्रात त्यांनी निर्माण केलेली ओळख त्यांच्या कार्याची साक्ष देणारी आहे. त्यांच्या निधनाने परिसरातील राजकीय क्षेत्रात मोठी पोकळी निर्माण झाली आहे. त्यांच्या निधनाबद्दल सर्व स्तरांतून हळहळ व्यक्त केली जात आहे.
Ans: शिरीष चव्हाण हे शिवसेना (उद्धव बाळासाहेब ठाकरे) पक्षाचे निष्ठावंत शिवसैनिक आणि माजी जिल्हाप्रमुख होते.
Ans: वसई येथील कार्डिनल ग्रेशियस रुग्णालयात त्यांनी अखेरचा श्वास घेतला.
Ans: त्यांनी नालासोपारा नगरपरिषदेचे विरोधी पक्षनेते आणि पालघर ग्रामीण भागाचे शिवसेना जिल्हाप्रमुख म्हणून काम केले होते.
.png "Videos"){kind=small}
