सोमवार, 2 नोव्हेंबर 2026
फोटो सौजन्य सोशल मिडिया
पॅरिस फॅशन वीकच्या (Paris Fashion Week) तोडीस तोड असा एक भन्नाट आणि हटके देसी फॅशन शो सध्या वसईत (Vasai) रंगल्याचे पाहायला मिळत असून, त्याचे व्हिडिओ सोशल मीडियावर तुफान व्हायरल होत आहे.
या रॅम्पवॅाक मध्ये काही सुंदर तरुण- तरुणी वसईच्या भाजी मार्केट मध्ये भाजी घेताना चालत आहेत. मॅाडेलिंग इंडस्ट्री मध्ये हा हटके प्रयोग पाहण्यास मिळतोय. यासाठी कोणतेही लक्झरी प्लॅटफॉर्म नाही, महागडे कपडे नाहीत फक्त साध्या सिंपल पध्दताने हा फॅशन शो करण्यात आला.
कोणत्याही मोठ्या प्रोडक्शनची मदत न घेता काही तरी नवीन करण्याचा प्रयत्न या हटके फॅशन शो मधून पाहण्यास मिळत आहे. या फॅशन शो मधून काहीतरी हटके करण्याचा व एक धाडसी प्रयत्न करुन दाखवला आहे. हे पॅरिस फॅशन वीक नाही, तर काहीतरी वेगळे करण्याचा भारताचा अनोखा प्रयत्न आहे. या फॅशन शो मधून एक अशी गोष्ट लक्षात येते की, ज्या प्रसिद्ध फॅशन कंपन्या आहेत. त्या या फॅशन शो ला सुद्धा कॉपी करू शकत नाहीत.
कोणत्याही महागड्या डिझायनर कपड्यांशिवाय, आलिशान रॅम्प किंवा मोठ्या प्रोडक्शन बजेटचा आधार न घेता, केवळ काही स्थानिक तरुण-तरुणींच्या कल्पकतेमुळे हा शो सध्या इंटरनेटवर चर्चेचा विषय बनला आहे.
View this post on Instagram
नेहमी गजबजलेल्या आणि चिखल-कचऱ्याने भरलेल्या वसईच्या भाजी मार्केटच्या गल्ल्यांनाच या तरुणांनी आपला रॅम्प वॅाक केले. या रॅम्प वॅाक मध्ये महागड्या कपड्यांऐवजी दैनंदिन वापरातील वस्तू, भाज्या आणि बाजारातील साहित्याचा वापर करून अत्यंत कल्पक डिझाइन्स तयार करण्यात आले.मोठ- मोठ्या मॉडेल्सनाही लाजवेल अशा आत्मविश्वासाने आणि ठसकेबाज कॅटवॉक करत या मुला-मुलींनी भाजी विक्रेते आणि ग्राहकांचे लक्ष वेधून घेतले. बाजारात भाजी खरेदी करण्यासाठी आलेल्या ग्राहकांसाठी आणि तिथल्या व्यापाऱ्यांसाठी हा एक आश्चर्यकारक आणि मनोरंजक अनुभव होता.
“टॅलेंटला स्टेजची गरज नसते” असे म्हणत अनेकांनी या तरुणांच्या क्रिएटिव्हिटीचे कौतुक केले आहे. कोणतीही मोठी गुंतवणूक न करता केवळ कल्पकतेच्या जोरावर काहीतरी वेगळे करून दाखवण्याच्या या ‘जुगाड’ आणि ‘देसी स्वॅग’ चे नेटकरी चाहते झाले आहेत.
काहींनी याला जागतिक पातळीवरील मोठ्या फॅशन ब्रँड्सच्या (उदा. Balenciaga किंवा Gucci) अतरंगी फॅशन शोपेक्षाही उत्तम आणि मनोरंजक म्हटले आहे. सध्याच्या डिजिटल युगात प्रसिद्धी मिळवण्यासाठी महागड्या साधनांची नाही, तर फक्त एका भन्नाट कल्पनेची आणि आत्मविश्वासाची गरज असते, हेच या वसईच्या तरुणांनी सिद्ध करून दाखवले आहे.
Viral Video : चार लिफ्ट असूनही मजुराला 21 मजले चढण्याची वेळ, मजुराचा व्हिडिओ चर्चेत
