नवी मुंबई विमानतळाचे ‘नामकरण’ की ‘नामांतर’? अधिकृत नाव जाहीर, पण प्रकल्पग्रस्तांचा लढा अजूनही सुरूच!

Navi Mumbai Airport Name: नवी मुंबई आंतरराष्ट्रीय विमानतळ' असे अधिकृत नाव सरकारच्या अधिकृत कागदपत्रांवरून सिद्ध झाले आहे. त्यामुळे प्रकल्पग्रस्तांचा लढा नामकरणासाठी नावे तर नामांतरणासाठी असणार आहे.

 

• अधिकृत नाव नवी मुंबई आंतरराष्ट्रीय विमानतळ
• नामांतरासाठी नवी मुंबईतील प्रकल्पग्रस्तांचा सुरू आहे लढा
• नवी मुंबई विमानतळाचे नामकरण की नामांतर ?

Navi Mumbai Airport Marathi News: नवी मुंबई आंतरराष्ट्रीय विमानतळाला (Navi Mumbai Airport) प्रकल्पग्रस्तांचे नेते लोकनेते दि. बा. पाटील (D.B Patil) यांचे नाव देण्याच्या मागणीने आता पुन्हा एकदा जोर धरला आहे. माहिती अधिकारांतर्गत केंद्र सरकारकडून (Central Goverment) मिळालेल्या एका उत्तरामुळे या वादात नवीन वळण आले असून, नवी मुंबईतील (Navi Mumbai) भूमिपुत्रांमध्ये कमालीचा असंतोष पसरला आहे.

नवी मुंबई विमानतळाचे ‘नामकरण’ की ‘नामांतर’?

‘नवी मुंबई आंतरराष्ट्रीय विमानतळ’ असे अधिकृत नाव सरकारच्या अधिकृत कागदपत्रांवरून सिद्ध झाले आहे. त्यामुळे प्रकल्पग्रस्तांचा लढा नामकरणासाठी नावे तर नामांतरणासाठी असणार आहे. माहिती अधिकार कार्यकर्ते तेजस पाटील यांनी राज्यातील विमानतळांच्या नामकरणाबाबत नागरी विमान वाहतूक मंत्रालयाकडे विचारणा केली होती.

दोनच विमानतळांना महापुरुषांची नावे

मंत्रालयाचे अंडर सेक्रेटरी दीपक नागपाल यांनी १९ डिसेंबर २०२५ रोजी दिलेल्या पत्रात स्पष्ट केले आहे की, राज्यातील १६ विमानतळांपैकी केवळ मुंबई आणि नागपूर या दोनच विमानतळांना महापुरुषांची नावे देण्यात आली आहेत.

हे देखील वाचा: Raigad News: जासई परिसरात ‘दि. बा. पाटील’ नावाचे फलक झळकले, आंतरराष्ट्रीय विमानतळ नामकरणाचा वाद पुन्हा पेटण्याची शक्यता

नामांतरासाठी २५ डिसेंबर ‘निषेध दिवस’

मानकोली भिवंडी ते नवी मुंबई विमानतळ अशी तीन दिवसीय पायी दिंडी आचारसंहितेमुळे पोलिसांनी परवानगी नाकारल्याने तात्पुरती स्थगित करण्यात आली आहे. २५ डिसेंबर ‘निषेध दिवस’ विमानतळावरून दिबांच्या नावाविना विमान उडणार असल्याच्या निषेधार्थ २५ डिसेंबर रोजी सकाळी ११ वाजता गावोगावी काळे झेंडे दाखवून आणि काळी फित लावून निषेध नोंदवला जाईल.

आचारसंहितेनंतर मंत्रालयावर धडक

आचारसंहिता संपल्यानंतर पाचही सागरी जिल्ह्यातील भूमिपुत्र अधिक मोठ्या ताकदीने मुंबईतील मंत्रालयावर धडकणार असल्याचे खासदार सुरेश म्हात्रे यांनी स्पष्ट केले आहे.

• १३ जानेवारी २०२६ रोजी दि. बा. पाटील यांची १०० वी जयंती असल्याने जासई येथील स्मृती स्थळावर मोठ्या संख्येने जमून मानवंदना देण्याचे आवाहन करण्यात आले आहे.
  राज्यातील विमानतळांची स्थिती
• मिळालेल्या माहितीनुसार, महाराष्ट्रातील विमानतळांची विभागणी खालीलप्रमाणे आहे: आंतरराष्ट्रीय विमानतळ मुंबई छत्रपती शिवाजी महाराज, नागपूर डॉ. बाबासाहेब आंबेडकर, नवी मुंबई आणि शिर्डी.
• राष्ट्रीय विमानतळ औरंगाबाद, पुणे, कोल्हापूर, जळगाव, सोलापूर, जुहू मुंबई, नांदेड, गोंदिया, अकोला, नाशिक, अमरावती आणि सिंधुदुर्ग,
• मुंबई आणि नागपूर वगळता उर्वरित सर्व विमानतळे सध्या केवळ त्या त्या शहरांच्या नावानेच ओळखली जात असल्याचे केंद्राने स्पष्ट केले आहे.

हे देखील वाचा: Navi Mumbai : नवी मुंबई विमानतळ नामांतरण प्रश्नावर भूमिपुत्र आक्रमक; पायी चालत करणार आंदोलन