प्रवास होणार आणखी सुसाट! वर्सोवा कोस्टल रोड इतर रस्त्यांनाही जोडणार, मुंबई महानगरपालिका संपादित करणार ३५० हेक्टर जमीन

कोस्टल रोडचा पुढचा टप्पा वर्सोवा ते भाईंदर असा प्रस्तावित आहे. मुंबई महानगपालिकेने हाती घेतलेल्या या प्रकल्पामुळे आता प्रवासाचा वेग कमी होणार आहे आणि प्रवास देखील सुसाट होणार आहे.

• प्रकल्पाची किंमत १६,६२९ कोटी रुपये
• मुंबई महानगरपालिका एकूण ३५० हेक्टर जमीन संपादित करणार
• प्रवासाचा वेळ ९०-१२० मिनिटांवरून केवळ २०-२५ मिनिटांपर्यंत कमी होणार

मुंबईतील वाहतूक कोंडी कमी करण्यासाठी हाती घेतलेल्या वर्सोवा ते दहिसर असा कोस्टल रोड इतर रस्त्यांना जोडणारा बनवला जाईल, या प्रकल्पाला आता गती मिळण्याची चिन्हे आहेत. या प्रकल्पासाठी मुंबई महानगरपालिका मोठ्या प्रमाणात जमीन संपादित करणार असल्याची माहिती समोर आली आहे. या प्रकल्पासाठी महानगरपालिका सल्लागार नियुक्त करेल आणि या कामासाठी निविदा जारी करण्यात आल्या आहेत.

“रूग्णांना योग्य वेळेत उपचार मिळाले नाही तर…”, मंगलप्रभात लोढा यांचा अधिकाऱ्यांवर कडक कारवाई करण्याचा इशारा

या प्रकल्पाला नुकतीच केंद्रीय पर्यावरण मंत्रालयाने तत्वतः मान्यता दिल्यानंतर, आता भूसंपादन प्रक्रियेसाठी मुंबई महानगरपालिका एकूण ३५० हेक्टर जमीन संपादित करणार आहे. सहा टप्प्यात बांधल्या जाणाऱ्या या प्रकल्पाची किंमत १६,६२९ कोटी रुपये आहे. अंदाजे २२ किमी लांबीचा आहे. त्यामुळे प्रवासाला गती मिळेल, असे सांगण्यात आले आहे.  (फोटो सौजन्य – Pinterest) 

किनारपट्टीवरील भाग एकमेकांशी जोडले जाणार

सध्या नरिमन पॉईंट ते बांद्रे हा कोस्टल रोड सुरू असून, त्याचा पुढचा टप्पा वर्सोवा ते भाईंदर असा प्रस्तावित आहे. या प्रकल्पामुळे वसींवा ते भाईंदर या मार्गावरील प्रवासाचा वेळ ९०-१२० मिनिटांवरून केवळ २०-२५ मिनिटांपर्यंत कमी होणार आहे.

६० किलोमीटर लांबीचा प्रकल्प

सल्लागारामार्फत प्रकल्पासाठी आवश्यक असलेल्या ३४६ हेक्टर जमिनीचे अधिग्रहण, मूल्यांकन, भरपाई आणि पुनर्वसनाशी संबंधित प्रशासकीय व कायदेशीर बाबी हाताळल्या जाणार आहेत. या जमिनीत खासगी मालमत्ता, मच्छीमार वस्ती तसेच काही शासकीय जमिनींचा समावेश आहे. वर्सोवा-भाईंदर कोस्टल रोड हा सुमारे ६० किलोमीटर लांबीचा असणार आहे. या मार्गामध्ये उन्नत पूल, बोगदे आणि आंतरजोड रस्त्यांचा समावेश असेल.

Mumbai News: महापालिकेच्या आरक्षित भूखंडावर तब्बल 51, 582 झोपड्या, पुनर्विकास रखडला

सहा टण्यांत होणार काम

या प्रकल्पाचे काम सहा टप्य्यात केले जाणार आहे.

• टप्पा १: वर्सोवा ते बांगुर नगर
• टप्पा २: बांगुर नगर ते माइंड स्पेस मालाड आणि गोरेगाव-मुलुंड लिंक रोडला जोडणारा मार्ग
• टप्पा ३: माइड स्पेस मालात ते चारकोप उत्तर बोगदा
• टप्पा ४ चारकोप ते माइंड स्पेस मालाड दक्षिण बोगदा
• टप्पा ५ः चारकोप ते गोराई
• टप्पा ६: गौराई ते दहिसर

या प्रकल्पादरम्यान सल्लागारांना खालील प्रमुख जबाबदाऱ्या दिल्या जाणार आहेत

• प्रकल्पासाठी आवश्यक भूखंडांची ओळख व मालकी तपासणी
• जमिनीचे सर्वेक्षण आणि मॅपिंग तयार करणे
• मालमता व भूखंडाचे मूल्यांकन करून योग्य भरपाईसाठी शिफारसी कारणे
• पुनर्वसन आणि सामाजिक परिणाम मूल्यमापन करणी
• महसूल विभाग, प्रकल्प व्यवस्थापन टीम आणि अन्य शासकीय यंत्रणांणी समन्वय राखणे