Nagpur Crime : चार ट्रकांना एकच नंबर; कर्जाच्या जाळ्यातून वाचण्यासाठी बनावट नंबरप्लेटचा फंडा

Nagpur Crime : कळमना मार्केट परिसरात एकाच अधिकृत क्रमांकावर चार ट्रक चालवण्याचा प्रकार उघडकीस आला. वाहन जप्ती टाळण्यासाठी तीन ट्रकवर बनावट नंबरप्लेट लावण्यात आल्याचा पोलिसांचा संशय असून, चार ट्रकांसह ५५.१० लाखांचा मुद्देमाल जप्त करून दोघांना अटक करण्यात आली आहे.

• चार ट्रक, एकच नंबर; कर्जाच्या हप्त्यांपासून बचावाचा संशय
• पार्किंगमध्ये एकाच नंबरचे चार ट्रक; दोघांना अटक
• २१० पोती तांदूळ, बिस्किटेही जप्त

Nagpur Crime: कळमना मार्केट परिसरात वाहनांची जप्ती टाळण्यासाठी करण्यात आलेल्या बनावट नंबरप्लेटच्या धक्कादायक प्रकाराचा गुन्हे शाखेने पर्दाफाश केला आहे. एका ट्रकचा अधिकृत क्रमांक अन्य तीन ट्रकवर टाकून चारही वाहने एकाच क्रमांकावर रस्त्यावर धावत असल्याचे समोर आले.

वाहन चोरीविरोधी पथकाने कारवाई करत चारही ट्रक जप्त केले असून, या प्रकरणात दोन आरोपींना अटक करण्यात आली आहे. कारवाईत पारले जी बिस्किटे, तांदळाची २१० पोती आणि चार ट्रक असा एकूण ५५ लाख १० हजार १७२ रुपयांचा मुद्देमाल जप्त करण्यात आला आहे.

चार ट्रक, एकच नंबर; कर्जाच्या हप्त्यांपासून बचावाचा संशय

आयशर कंपनीच्या एका ट्रकला एमएच ४० सीटी ८६८३ हा अधिकृत क्रमांक देण्यात आला होता. याच क्रमांकाच्या बनावट नंबरप्लेट तयार करून त्या अन्य तीन ट्रकवर लावण्यात आल्या. वाहनांचे कर्ज आणि हप्ते थकीत असल्याने बँका तसेच फायनान्स कंपन्यांकडून होणारी जप्ती टाळण्यासाठी हा प्रकार करण्यात आल्याचा पोलिसांना संशय आहे. जप्त वाहनांमध्ये दोन आयशर प्रो-१११०, एक टाटा ११०९ आणि एक आयशर प्रो-२११० ट्रकचा समावेश आहे.

Nagpur News : चार उमेदवारांचे अर्ज दाखल; शक्तिप्रदर्शनाचा जोर, भाजपची रॅली मात्र रद्द

पार्किंगमध्ये एकाच नंबरचे चार ट्रक; दोघांना अटक

कळमना मार्केट परिसरातील पार्किंगमध्ये एकाच क्रमांकाच्या नंबरप्लेट असलेले चार ट्रक उभे असल्याची माहिती वाहन चोरीविरोधी पथकाला मिळाली. त्यानंतर ५ ऑक्टोबरच्या मध्यरात्री १२.५० ते पहाटे २.३० वाजताच्या सुमारास पोलिसांनी पार्किंगवर छापा टाकला. तपासणीदरम्यान चारही ट्रकवर एमएच ४० सीटी ८६८३ क्रमांक आढळला.

त्यापैकी एका ट्रकचा क्रमांक अधिकृत असल्याचे स्पष्ट झाले, तर उर्वरित तीन ट्रकवर त्याच क्रमांकाच्या बनावट नंबरप्लेट लावल्याचे उघड झाले. या प्रकरणी राजेंद्रसिंग सतनामसिंग रंधावा (५१) आणि सुखदेवसिंग राजेंद्रसिंग रंधावा (२४) यांना अटक करण्यात आली आहे. शिवासिंग लक्ष्मण जाधव हा आरोपी फरार असून पोलिस त्याचा शोध घेत आहेत.

Nagpur Graduate Election : बंडखोर अनिल सोलेंच्या घरी रवींद्र चव्हाण पोहोचले, पण.., नागपूर पदवीधरमध्ये भाजपसमोर पेच

२१० पोती तांदूळ, बिस्किटेही जप्त

पोलिसांनी चारही ट्रक ताब्यात घेतल्यानंतर त्यातील मालाचीही तपासणी केली. एका ट्रकमध्ये पारले जी बिस्किटे तसेच तांदळाची २१० पोती आढळून आली. वाहने आणि माल असा एकूण ५५ लाख १० हजार १७२ रुपयांचा मुद्देमाल जप्त करण्यात आला. या प्रकरणी कळमना पोलिस ठाण्यात गुन्हा दाखल केला