Nagpur News : जिल्ह्यातील १४ तालुके दुष्काळग्रस्त घोषित

Nagpur News : नागपूर जिल्ह्यातील १४ तालुके दुष्काळग्रस्त घोषित करण्यात आले असून, या निर्णयामुळे संबंधित भागातील शेतकरी आणि नागरिकांना शासनाच्या दुष्काळी उपाययोजनांचा लाभ मिळण्याचा मार्ग मोकळा झाला आहे.

• कापूस ,सोयाबीनचे उत्पादन घटणार
• जिल्ह्याधिकाऱ्यांडून तातडीने पंचनामे
• विविध उपाय योजना सुरु

Nagpur News : खरीप हंगाम २०२६ मध्ये पर्जन्यतूट आणि अन्य घटकांमुळे पूर्व विदर्भातील वर्धा, नागपूर, भंडारा, गोंदिया, चंद्रपूर आणि गडचिरोली या सहा जिल्ह्यांतील ३९ तालुक्यांमध्ये ट्रीगर-१ (प्रथम कळ) लागू झाली आहे. दुष्काळ जाहीर केला आहे. राज्य शासनाच्या मदत व पुनर्वसन विभागाने शनिवारी जारी केलेल्या शासन निर्णयानुसार संबंधित तालुक्यांमध्ये विविध उपाययोजना व सवलती लागू केल्या आहेत.

राज्यातील एकूण २६५ तालुक्यांचा समावेश आहे. यात नागपूर जिल्ह्यातील सर्व १४ तालुक्यांसह पूर्व विदर्भातील ३९ तालुके दुष्काळग्रस्त घोषित केले आहेत.जिल्ह्यातील नागपूर, कामठी, सावनेर, पारशिवनी, मौदा, भिवापूर, कळमेश्वर, काटोल, रामटेक, हिंगणा, उमरेड, कुही, नरखेड आणि नागपूर शहर यांचा समावेश आहे. वर्धा जिल्ह्यातील वर्धा, सेलू, देवळी, आर्वी, समुद्रपूर, हिंगणघाट आणि आष्टी यांचा समावेश आहे.

भंडारा जिल्ह्यातील भंडारा, पवनी आणि लाखांदूर तसेच गोंदिया जिल्ह्यातील तिरोडा या तालुक्यात प्रथम कळ लागू झाली आहे. चंद्रपूर जिल्ह्यातील चंद्रपूर, भद्रावती, गोंडपिंपरी, राजुरा, कोरपना, मूल, वरोरा, सावली, चिमूर, नागभीड, सिंदेवाही आणि पोंभुर्णा यांचा समावेश आहे.

गडचिरोली जिल्ह्यातील गडचिरोली आणि चामोर्शी या दोन तालुक्यांमध्येही ट्रीगर-१ लागू झाली आहे. शेतपिकांच्या नुकसानीबाबतची मदत विहित कार्यपद्धतीचा अवलंब करून स्वतंत्र शासन निर्णयाद्वारे जाहीर केली जाणार असल्याचे शासन निर्णयात नमूद आहे.

Nagpur News : कोराडी उड्डाणपुलाला ‘ब्लॉक ‘चा ब्रेक

कापूस ,सोयाबीनचे उत्पादन घटणार

ट्रिगर-१ म्हणजे पावसाच्या सरासरीवर आधारित दुष्काळ सरकारने जाहीर केला असला तरी, पंचनामे पूर्ण न झाल्याने नेमक्या किती हेक्टरमधील पिकांचे नुकसान झाले हे अद्याप स्पष्ट झालेले नाही. नागपूरसह विभागात धानाला मोठा फटका बसला आहे. कापूस आणि सोयाबीनचे उत्पादनही घटणार आहे.

जिल्ह्याधिकाऱ्यांडून तातडीने पंचनामे

ट्रीगर-१ लागू झालेल्या राज्यातील तालुक्यांमध्ये पंचनाम्याची कार्यवाही तत्काळ सुरू करण्याचे निर्देश जिल्हाधिकाऱ्यांना दिले आहे. सर्वेक्षण केलेल्या क्षेत्रातील पिकांची स्थिती दर्शविणारी छायाचित्रे आणि जीपीएस कोऑर्डिनेट संकलित करून पिकस्थितीचा अहवाल कृषी आयुक्तांमार्फत शासनाला सादर करायचा आहे.

Nagpur News : रूफटॉप सोलरधारकांच्या बचतीवर नवा ‘चार्ज’

विविध उपाय योजना सुरु

शासन निर्णयानुसार दुष्काळग्रस्त भागांसाठी जमीन महसुलात सूट, पीककर्जाचे पुनर्गठन, शेतीशी निगडित कर्जाच्या वसुलीस स्थगिती, कृषी पंपांच्या चालू वीज बिलात सूट आणि शालेय व महाविद्यालयीन विद्यार्थ्यांच्या परीक्षा शुल्कात माफी अशा सवलती लागू केल्या आहेत. तसेच सुरू करणे, आवश्यकतेनुसार टँकरद्वारे पाणीपुरवठा करणे, अन्नधान्याची उपलब्धता सुनिश्चित करणे, जनावरांसाठी चाऱ्याची व्यवस्था करणे आणि जलसंधारणाची कामे सुरू करण्याचे निर्देश दिले आहेत.