Nagpur News : दीक्षाभूमीवर अनुयायांचा महासागर! पुस्तक खरेदीसाठी प्रचंड गर्दी; धम्मचक्र प्रवर्तन दिनानिमित्त नागपूर नगरी फुलली

Nagpur News : नागपूरच्या ऐतिहासिक दीक्षाभूमीवर ७० व्या धम्मचक्रप्रवर्तन दिनानिमित्त देश-विदेशातील बौद्ध अनुयायांची मोठी गर्दी झाली आहे. ४० हून अधिक देशांतील अनुयायी दाखल झाले असून, 'बुद्ध अँड हिज धम्म' आणि भारतीय संविधानाच्या प्रती खरेदी करण्यासाठी पुस्तकांच्या दुकानांमध्ये तुफान गर्दी होत आहे.

• ४० हून अधिक देशांतील अनुयायांची उपस्थिती
• ‘बुद्ध अँड हिज धम्म’सह संविधानाच्या प्रतींना मोठी मागणी
• यंदाचे वैशिष्टय

Nagpur News :हिंदू धर्माच्या अत्याचाराला , आणि त्यावेळच्या सामाजिक , राजकीय वातावरणामध्ये दलित लोकांना स्थान नसल्यामुळे बऱ्याच विचारांती आणि बऱ्याच कारणाने डॉक्टर बाबासाहेब आंबेडकरांनी दसऱ्याच्या दिवशी आपल्या लाखो अनुयायांना घेऊन नागपूर मधील दीक्षा भूमीवर दीक्षा घेऊन हिंदू धर्म त्यागला . तेव्हा पासून जर वर्षी दसऱ्याला आंबेडकरी समाज दीक्षा भूमीवर एकत्र येऊन हा दिवस साजरा करतात .

नागपूरच्या ऐतिहासिक दीक्षाभूमीवर ७० व्या धम्मचक्रप्रवर्तन दिनानिमित्त देश-विदेशातील बौद्ध अनुयायांचा जनसागर लोटला आहे. निळे आणि पंचशील ध्वज, बाबासाहेबांचे छायाचित्र आणि विचारांचा जागर यामुळे संपूर्ण परिसर भीममय झाला आहे. यंदा दीक्षाभूमीवर करण्यात आलेले नियोजन आणि व्यवस्था विशेष लक्ष वेधून घेत आहेत. दुसरीकडे, पुस्तकांच्या दुकानांमध्ये खरेदीसाठी अनुयायांची मोठी गर्दी उसळली आहे.

४० हून अधिक देशांतील अनुयायांची उपस्थिती

धम्मचक्रप्रवर्तन दिनासाठी देशातील विविध राज्यांसह विदेशातूनही मोठ्या संख्येने बौद्ध बांधव नागपुरात दाखल झाले आहेत. ४० हून अधिक देशांतील भंतेगण, विचारवंत, संशोधक, अभ्यासक आणि माध्यम प्रतिनिधींनी दीक्षाभूमीवर हजेरी लावली आहे. रेल्वेस्थानक आणि बसस्थानकापासून दीक्षाभूमीकडे येणाऱ्या मार्गांवर अनुयायांची मोठी गर्दी पाहायला मिळत आहे.

Mohan Bhagwat: ‘बांगलादेशप्रमाणे भारतातही प्रयत्न…’, रिजीम चेंजबाबत मोहन भागवतांचे परखड मत

‘बुद्ध अँड हिज धम्म’सह संविधानाच्या प्रतींना मोठी मागणी

दीक्षाभूमी परिसरातील पुस्तकांच्या दुकानांमध्ये यंदा विशेष गर्दी दिसत आहे. वर्षभरात प्रकाशित झालेल्या विविध वैचारिक साहित्याला अनुयायांकडून चांगला प्रतिसाद मिळत आहे. विशेषतः डॉ. बाबासाहेब आंबेडकर लिखित ‘बुद्ध अँड हिज धम्म’ आणि भारतीय संविधानाच्या प्रती खरेदी करण्यासाठी वाचकांची झुंबड उडाली आहे. केवळ धार्मिक कार्यक्रमापुरते मर्यादित न राहता ज्ञान, शिक्षण आणि वैचारिक परिवर्तनाचा संदेश या पुस्तक खरेदीतून अधोरेखित होत आहे.

Nagpur News : सुपर संडे’ ला बाजारपेठेत धनवर्षाव ;वाहन खरेदीपासून ते सोने खरेदी ;ग्राहकांची तुफान गर्दी

यंदाचे वैशिष्टय

प्रशासनाने ८.९२ कोटीच्या विशेष निधीतून केले नियोजन व व्यवस्थापन अनुयायाच्या विश्रांतीसाठी परिसरात ७ व इतर वेगवेगळ्या ठिकाणी अशी २४ डोम लहान बालके हरवू नयेत, यासाठी सुरक्षा कवच म्हणून हाताला मोबाईल क्रमांक बेल्ट
स्वच्छ पाण्यासाठी आरओची व्यवस्था पोलीस, मनपा, आरोग्य सुविधा, सामाजिक संस्थांचे समन्वयाने नियोजन वाहतूकीच्या योग्य नियोजनासाठी प्रत्येक चौकात सज्जता अनेक ठिकाणी भोजनदान व अल्पोपहाराची व्यवस्था अनुयायांसाठी तज्ज्ञ डॉक्टरांकडून आरोग्य शिबीर