Nagpur News : क्रीडा क्षेत्रात मनमानी; महिला प्रशिक्षकाला हटवण्याची धमकी

Nagpur News : नागपुरातील क्रीडा क्षेत्रातील कथित मनमानीचा प्रकार समोर आला आहे. व्यवस्था सुधारण्याऐवजी महिला प्रशिक्षकाला हटवण्याची धमकी दिल्याचा आरोप करण्यात आला आहे. या प्रकारामुळे क्रीडा क्षेत्रात नाराजी व्यक्त होत असून, प्रशासनाच्या कार्यपद्धतीवर प्रश्नचिन्ह उपस्थित झाले आहे.

• स्पाईक शिवाय स्टेट चॅम्पियन तरीही प्रशिक्षकांवर संशय
• खाजगी प्रशिक्षकाची रस्ता मोकळा करण्याचा आरोप
• साहेब ! खेळाडू हवेत कि सबबी ?

Nagpur News : नागपुरात खेळाडूंचे भविष्य घडवण्यासाठी सुरू केलेली ‘मिशन ध्येयवेध’ योजना आता व्यवस्था सुधारण्याऐवजी वादाच्या भोवऱ्यात सापडताना दिसत आहे. योजना सुरू होऊन सुमारे चार महिने उलटले आहे. परंतु, खेळाडूंना आवश्यक सुविधा आणि साहित्य उपलब्ध करून देण्याऐवजी विभागीय स्तरावर उपस्थित होणाऱ्या प्रश्नांची उत्तरे देण्याऐवजी अधिकाऱ्यांकडून दुय्यम कर्मचारी आणि प्रशिक्षकांवर (कोच) जबाबदारी ढकलण्याचा प्रयत्न केला जात असल्याचे आरोप होत आहेत. व्यवस्थेतील त्रुटी दूर करण्याऐवजी विभागीय महिला प्रशिक्षकालाच का लक्ष्य केले जात आहे.

५ सप्टेंबरला खाजगी प्रशिक्षकाला कथित लाभ पोहोचवल्याप्रकरणी बातमी प्रसिद्ध झाल्यानंतर विभागाचे उपसंचालक महादेव कसगावडे यांच्याकडून विभागीय महिला प्रशिक्षकाच्या प्रशिक्षणावर आणि कार्यपद्धतीवर प्रश्न उपस्थित केले. अधिकाऱ्याने तर इथपर्यंत म्हटले की, विद्यापीठाच्या मैदानावर मुलांना पाठवणे बंद केले जाईल आणि जर मुलांनी विभागीय प्रशिक्षकाविरुद्ध तक्रार केली तर त्यांच्यावर कारवाई करून त्यांना बाहेर काढले जाईल.

Nagpur News : बनावट इंजिनीअरिंग प्रवेशाचा पर्दाफाश; २ प्रवेश रद्द

प्रश्न थेट आहे खेळाडूंच्या तक्रारींच्या नावाखाली आधीच एखाद्या प्रशिक्षकाला हटवण्याचा मार्ग तयार केला गेला आहे का? व्यवस्थेवर प्रश्न उपस्थित झाले तर प्रशिक्षक का पिंजऱ्यात? एकीकडे खेळाडूंना पुरेसे साहित्य उपलब्ध होत नसल्याच्या तक्रारी समोर येत आहे तर दुसरीकडे विभागीय व्यवस्थेवर प्रश्न उपस्थित झाल्यानंतर प्रशिक्षकाच्या प्रशिक्षणालाच पिंजऱ्यात उभे करण्याच्या प्रयत्नांवर प्रश्न निर्माण होऊ लागले आहेत.

सर्वात मोठा प्रश्न जर व्यवस्थेत त्रुटी असेल तर ती सुधारण्याची जबाबदारी कोणाची आहे? खेळाडूंसाठी स्पाइक (शूज), ट्रेनिंग साहित्य आणि इतर आवश्यक साधने उपलब्ध करून देणे ही विभागाची जबाबदारी नाही का?

Nagpur Crime : ५०० कॅमेऱ्यांनी उलगडला गोळीबाराचा थरार; नगरसेवकावरील हल्ल्यात ७ जेरबंद!

स्पाईक शिवाय स्टेट चॅम्पियन तरीही प्रशिक्षकांवर संशय

विभागीय महिला प्रशिक्षकाच्या मार्गदर्शनाखाली प्रशिक्षण घेणारे खेळाडू स्पाइक आणि इतर आवश्यक साहित्याशिवायही राज्यस्तरावर पदके जिंकत आहेत, प्रशिक्षक मर्यादा असूनही मुलांना तयार करीत आहे? असे असतानाही जर त्याच प्रशिक्षकाच्या कार्यपद्धतीवर प्रश्न उपस्थित केले जात असतील तर विभागाने याचे स्पष्ट उत्तर दिले पाहिजे.

खाजगी प्रशिक्षकाची रस्ता मोकळा करण्याचा आरोप

खासगी प्रशिक्षकाला नियुक्त करण्यासाठी विभागीय महिला प्रशिक्षकाला आधीपासूनच निरनिराळ्या प्रकारे मानसिक त्रास दिला जात असल्याचे म्हटले जात आहे. ही बाब थेट या प्रश्नाशी जोडली जातो की, मिशन ध्येयवेध खेळाडूंच्या हितासाठी चालवले जात आहे की एखाद्या विशिष्ट व्यक्तीला फायदा पोहोचवण्यासाठी?