फोटो सौजन्य सोशल मीडिया
नागरिकांना सर्वाधिक त्रासदायक ठरणाऱ्या तसेच मोठ्या प्रमाणात व्हायब्रेशन आणि ध्वनी प्रदूषण निर्माण करणाऱ्या बेस साऊंडवर निर्बंध कायम ठेवण्यात येणार असल्याचे स्पष्ट करण्यात आले. मात्र, टॉप आणि मिडल साऊंड सिस्टिमच्या वापरावर सरसकट बंदी राहणार नाही, असे आश्वासन नागपूर पोलिस आयुक्तांनी दिल्याचे भाजपने म्हटले आहे. या निर्णयामुळे डीजे व साऊंड सिस्टिमच्या व्यवसायावर अवलंबून असलेले व्यावसायिक, कामगार आणि कुटुंबीयांच्या रोजगारावरही विपरीत परिणाम होणार नाही, असा विश्वास भाजपकडून व्यक्त करण्यात आला.
साऊंड सिस्टिमच्या वापराबाबत निश्चित करण्यात येणारे नियम केवळ विशिष्ट उत्सवांसाठी मर्यादित न ठेवता वर्षभर, म्हणजेच ३६५ दिवस सर्वांसाठी समान पद्धतीने लागू राहतील, असे आश्वासन पोलिस आयुक्तांनी दिले. त्यामुळे धार्मिक, सामाजिक, सांस्कृतिक आणि सार्वजनिक कार्यक्रमांसाठी समान निकष लागू होतील.
Nagpur News : नागपुरात DJ बंदीचा आदेश धाब्यावर; दहीहंडीत DJचा दणदणाट, भरचौकात पोलिसांसमोरच…
शहरातील नागरिकांच्या भावना, कायदा व सुव्यवस्था, पर्यावरण संरक्षण तसेच डीजे व साऊंड सिस्टिम व्यवसायावर अवलंबून असलेल्या हजारो नागरिकांच्या रोजगाराचा विचार करून निर्णय घेण्याची मागणी दयाशंकर तिवारी यांनी केली. शिष्टमंडळात आमदार कृष्णा खोपडे, आमदार प्रवीण दटके, सरचिटणीस श्रीकांत आगलावे, रितेश गावंडे, संदीप जाधव, सत्तापक्ष नेते बाल्या बोरकर, नगरसेविका लक्ष्मी यादव, दिलीप दिवे यांच्यासह भाजपचे इतर पदाधिकारी होते.
शहरात ४५०० डीजे व साऊंड सिस्टिम संचालक आहेत. प्रत्येकाकडे किमान ७ ते ८ जण काम करतात. यावरच त्यांचा उदरनिर्वाह आहे. ऐन उत्सवात बंदी लावणे योग्य नाही, असे विदर्भ बैंक स्टेज असोसिएशनचे बंडू पदम यांनी पत्रपरिषदेत सांगितले. पोलिसांकडे आवाज मोजण्याचे यंत्र असले तरी प्रशिक्षित तज्ज्ञ नाहीत, असे असोसिएशनचे उपाध्यक्ष नंदन गजेंद्रगडकर यांनी सांगितले.
डीजेवर बंदीची कारवाई केली जात असेल तर नियमानुसार ढोल, ताशा वादकांवरही कारवाई व्हावी, बंदी हटवली नाही तर न्यायालयात दाद मागणार, असे गजेंद्रगडकर म्हणाले, आवाजाबाबत नियम पाळण्याची तयारी असून याबाबत पोलिस आयुक्तांसोबत चर्चा करणार असल्याचे बंडू पदम म्हणाले, सप्टेंबर आणि ऑक्टोबर या दोन महिन्यांत बॅकस्टेज, साऊंड व्यावसायिक, लाईट डेकोरेटर्स, जनरेटर पुरवठादार, वाहन चालक आणि रोजंदारीवर काम करणाऱ्या मजुरांच्या वार्षिक उत्पन्नाचा ७० टक्क्यांपेक्षा जास्त वाटा असतो. परंतु, या निर्णयामुळे या लहान व्यावसायिकांवर दिवाळखोरीची वेळ येईल. असोसिएशनने असेही म्हटले आहे की, हा आदेश संविधानाअंतर्गत व्यापाराच्या स्वातंत्र्याचेही उल्लंघन आहे.
Nagpur Crime : शेतकऱ्याच्या नावावर ७४ कोटींचा कर्जघोटाळा; आंतरराज्यीय टोळीचा आरोपी अटकेत
शहरात लागू केलेली डीजे बंदी केवळ दोन महिन्यांपुरती सीमित न ठेवता कायमचीच लागू करा, अशी ठाम मागणी माजी आमदार संदीप जोशी यांच्या नेतृत्वाखालील शिष्टमंडळाने आज महापालिका आयुक्त डॉ. विपीन इटनकर तसेच पोलिस आयुक्त विश्वास नांगरे पाटील यांच्याकडे निवदन देऊन केली. ‘डीने मुक्त नागपूर’साठी आता व्यापक जनचळवळ उभारण्यात येत असल्याचे संदीप जोशी यांनी स्पष्ट केले.
मनपा आयुक्त डॉ. विपीन इटनकर यांनी सांगितले, ‘नॉईज फ्री नागपूर’ या मोबाईल अॅपवर येणाऱ्या तक्रारींची दखल घेऊन कारवाई केली जाईल. पोलिस आयुक्त विश्वास नांगरे पाटील यांनी स्पष्ट केले की, कायद्यानुसार पोलिस प्रशासनाला एकावेळी ६० दिवसांपर्यंतच बंदीचा आदेश जारी करता येतो, जो पुढे वाढवता येऊ शकतो. ही बंदी कायमस्वरूपी टिकून राहावी यासाठी पोलिस दल सकारात्मक प्रयत्न करेल. सोबतच सामान्य ‘साउंड सिस्टम’ आणि ‘डीजे’ यातील तांत्रिक फरक नागरिकांनी समजून घेणे गरजेचे असल्याचे आवाहन त्यांनी केले.
निवेदन देताना आयएमए महाराष्ट्राच्या अध्यक्ष
डॉ. मंजूषा गिरी, आयएमएचे अध्यक्ष डॉ. सचिन गाठे, विदर्भ टॅक्स पेअर्स असोसिएशनचे सचिव तेजिंदरसिंग रेणू, डॉ. अजय देशपांडे, डॉ. गोपाल अरोरा, सीएजी नागपूरचे विवेक रानडे, सिनिअर सिटीझन कौन्सिलचे सचिव सुरेश रेवतकर, क्रीडा प्रतिनिधी अश्फाक शेख, परवेज, सदर छोटा मशिदचे मौलाना शरिक कुरेशी, भंते प्रज्ञानंदजी महाथेरो, फादर जोसेफ आणि गजानन निशितकर आदी होते.
.png "Videos"){kind=small}
