Nagpur News : ‘नागपूर तो झांकी है, आझाद मैदान बाकी है’ ; कंत्राटदार उतरले रस्त्यावर

Nagpur News : नागपूर येथील सरकारी कंत्राटदारानीं आपल्या थकलेल्या बिलांच्या पैश्यांसाठी आंदोलन छेडले आहे . शर्ट काढून त्यांनी आंदोलनाला सुरवात केली आहे . तसेच सरकराने यावर तोडगा नाही काढल्यास हे आंदोलन अधिक व्यापक करून आझाद मैदानात धडकेल असा इशारा त्यांच्याकडून देण्यात आला आहे .

• सिंघम स्टाईल ने कंत्राटदार उतरले रस्त्यावर
• प्रमुख मागण्या

Nagpur News : ‘पैसे द्या’, ‘न्याय द्या’ लिहिलेली गांधी टोपी, फलक आणि ‘पैसे आमच्या हक्काचे ,नाही कुणाच्या बापाचे’, ‘नागपूर तो झांकी है, आझाद मैदान बाकी है’ अशा घोषणा जल जीवन मिशनसह अन्य विभागांची कामे करणारे कंत्राटदार थकबाकी मिळवण्यासाठी बुधवारी अर्धनग्न अवस्थेत ‘सिंघम स्टाईल’ रस्त्यावर उतरले. केंद्र सरकारची महत्त्वाकांक्षी योजना जलजीवन मिशनअंतर्गत जिल्हा परिषदेत केलेल्या पाणीपुरवठ्याच्या कामांची थकबाकी मिळावी, या मागणीसाठी महाराष्ट्र राज्य पाणीपुरवठा कंत्राटदार संघटना आणि शासकीय कंत्राटदार संघटनेच्यावतीने संविधान चौकात धरणे दिल्यानंतर जीपीओ चौकातील मुख्यमंत्र्यांचे सचिवालय हैद्राबाद हाऊस येथे मोर्चाद्वारे धडक दिली.

Nagpur News : झोनवाढीवरून सभागृहात ‘भारत माता’ विरुद्ध ‘जय संविधान’; घोषणांनी वातावरण तापले

सिंघम स्टाईल ने कंत्राटदार उतरले रस्त्यावर

कंत्राटदारांनी शर्ट काढून सरकारचा निषेध केला. विदर्भाच्या सर्व जिल्ह्यांसह राज्याच्या अन्य जिल्ह्यांतील प्रतिनिधीही आंदोलनात सहभागी झाले होते. यावेळी विविध जिल्ह्यांच्या प्रतिनिधींनी थकबाकी व सरकारच्या धोरणावर टीका केली. आंदोलनात पाणीपुरवठा कंत्राटदार संघटनेचे अध्यक्ष बाळासाहेब जाधव, उपाध्यक्ष किशोर जामदार, संघटनेचे तज्ज्ञ संचालक किशोर थोटे, शासकीय कंत्राटदार संघटनेचे अध्यक्ष सुरेश वंजारी, उपाध्यक्ष वीरेंद्र लोखंडे, सचिव रवींद्र ठाकरे तसेच नागपूर कॉन्ट्रॅक्टर असोसिएशनचे अध्यक्ष सुबोध सरोदे यांच्यासह कंत्राटदार सहभागी झाले होते.

Nagpur : दूध ,खाद्यतेल आणि मसाल्यांमध्ये मोठी भेसळ ; ३.४० कोटींहून जास्त माल जप्त !

प्रमुख मागण्या

1. २५ महिन्यांपासून जिल्ह्यात सुमारे १२० कोटी रुपये तर राज्यभरात सुमारे १० हजार कोटी रुपये थकित आहेत. सरकारने जुन्या कामांचे आधी पैसे द्यावे.
2. जल जीवन मिशनची प्रलंबित देयके शंभर टक्के द्या
3. केंद्राने मिशनव्या कामांना २०२८ पर्यंत मुदतवाढ दिल्याने सर्व कामांना विनादंड मुदतवाढ द्या आणि आधी आकारलेला दंड परत करा