Akshaya Tritiya 2026 : अक्षय तृतीयेचा सुवर्णयोग; सोने-चांदी व वाहनांचे प्री-बुकिंग फुल्ल, हजारो गाड्यांची आज डिलीव्हरी

अक्षय तृतीयेनिमित्त सोने-चांदीसह वाहनांच्या खरेदीला मोठा प्रतिसाद मिळत आहे. सुमारे ३ हजार दुचाकी आणि १ हजार कार्सची डिलीव्हरी आज होणार असून, प्री-बुकिंग पूर्ण क्षमतेने भरले आहे.

• अक्षय तृतीयेचा सुवर्णयोग
• सोने-चांदी व वाहनांचे प्री-बुकिंग फुल्ल
• हजारो गाड्यांची आज डिलीव्हरी

नाशिक : वैशाख शुद्ध तृतीया अर्थात अक्षय तृतीया मोठ्या उत्साहात रविवार (१९ एप्रिल 2026) साजरी केली जाणार आहे. या पार्श्वभूमीवर पूर्वसंध्येला बाजारपेठेत पूजेचे साहित्यासह, आंबे खरेदी करण्यासाठी नागरिकांची मोठी गर्दी केली होती. साडे तीन मुहूर्तापैकी एक असलेल्या या दिवसाचे धार्मिक अधिष्ठान जित्तके मोठे आहे, तितकेच व्यावसायिक दृष्ट्या देखील विशेष महत्व असल्याने या दिवशी खरेदीला विशेष प्राधान्य दिले जाते. त्यामुळे बाजारपेठेत मोठी आर्थिक उलाढाल होण्याचा अंदाज असून दुचाकी, चारचाकी वाहनांची दालने व सराफी पेढ्या नागरिकांच्या स्वागतासाठी सज्ज झाल्या आहे.

२७ वर्षांत मुंबईचे तापमान २ अंशांनी वाढले! ‘काँक्रिटच्या जंगला’मुळे मुंबईकरांचा श्वास कोंडला; आजारांचा धोका वाढण्याची शक्यता

आज घरोघरी समृद्धी व भरभराटीसाठी भगवान विष्णू आणि लक्ष्मीची पूजा केली जाणार असून आंब्याची डाळ, कैरीचे पन्हे, खिरापतीचा नैवेद्य दाखवून वस्त्र, कन्हा केळी, फळांचे दान करण्याची परंपरा पाळली जाणार आहे. या दिवशी सोने खरेदीला विशेष प्राधान्य दिले जाते. त्यामुळे सोने चांदीचे दागिने खरेदी करण्यासाठी १५ दिवस आधीच दागिन्यांचे प्री बुकिंग करून ठेवले आहे. त्यामुळे शुभ मुहूर्तावर दागिन्यांचा ताबा घेण्यासाठी सराफी पेढयांवर मोठी झूबंड उडणार आहे.

असा आहे खरेदीचा मुहूर्त

सकाळी : ६.१० ते दुपारी १२.१५ पर्यंत
सायंकाळी : दुपारी ४.३० ते सायं. ७ पर्यंत

उशिरापर्यंत डिलिव्हरी देण्याचे नियोजन

वाहन कंपन्यांनी झटपट कर्ज मंजुरी, कमी व्याजदर, एक्सवेज बोनस अशा आकर्षक ऑफर्स जाहीर केल्या आहे. यामुळे दुचाकी व चारचाकी वाहनांचे मोठ्या प्रमाणावर प्री बुकिंग झाली आहे, अशी माहिती कंपन्यांच्या विक्री प्रतिनिधीनी दिली आहे. शहरामध्ये एकच दिवशी तीन हजार दुचाकी व १ हजारहून अधिक कार्सची डिलिव्हरी दिली जाणार आहे. त्यामुळे रविवारी रात्री उशिरापर्यंत दालने उघडी ठेवून डिलिव्हरी पूर्ण करण्याचे नियोजन वाहन कंपन्यांनी केले आहे.

आज व्रत करणाऱ्याने प्रात काळी स्नान करून नरनारायणासाठी भागानेते जद, गावाचे पौदा, पररम्मासाठी कोवळी वाळके, भिजवलेली हरभऱ्याची डाळ घालून नैवद्य अर्पण करावा. शक्य असल्यास उपवास व गंगास्नान करावे, या तिथीस केलेले दान, हवन व पितरांना उद्देशून जे कर्म केले जाते ते अविनाशी राहते, अशी माहिती डॉ. नरेंद्र धारणे यांनी दिली.

Mira Bhayander : नवघर पोलीस ठाण्यात राजकीय संघर्ष शिगेला; व्हिडिओ वादातून भाजप-शिवसेना आमनेसामने