Nashik News : इंधनटंचाईचा त्र्यंबकेश्वरच्या कामांवर परिणाम; मजूरांवरही उपासमारीची वेळ

नाशिकमध्ये सिंहस्थ कुंभमेळा होणार आहे त्या अनुषंगानं त्र्यंबकेश्वरसह इतर जिल्ह्यात विकास कामांवर जोर दिला जात होता. पण इंधनाच्या तुटवड्यामुळे या सगळ्यावर याचा परिणाम होताना दिसून येत आहे.

• इंधन टंचाईचा फटका त्र्यंबकेश्वरसह संपूर्ण जिल्हाभरातही
• सर्व कामांच्या साईटवर शुकशुकाट
• बहुतांश हॉटेलही बंद

Nashik News : जागतिक स्तरावरील युद्धजन्य परिस्थितीचा परिणाम जगासोबतच संपूर्ण देशभरात दिसून येत आहे. इंधन टंचाईचा फटका त्र्यंबकेश्वरसह संपूर्ण जिल्हाभरातही दिसून येतोय. नाशिकमध्ये सिंहस्थ कुंभमेळा होणार आहे त्या अनुषंगानं त्र्यंबकेश्वरसह इतर जिल्ह्यात विकास कामांवर जोर दिला जात होता. पण इंधनाच्या तुटवड्यामुळे या सगळ्यावर याचा परिणाम होताना दिसून येत आहे. बुधवारी सायंकाळपासून पेट्रोल पंपावर रांगा लागल्या होत्या तर गुरुवारी पेट्रोलचा खडखडाट झाल्याने पंप बंद ठेवलेले आढळून आले. याचा फटका दुध भाजीपाला यांच्या पुरवठ्यावरही झालेला आहे. त्र्यंबकेश्वर येथे सिंहस्थ कुंभमेळा विकासकामे सुरू झाली आहेत. त्यावर आजूबाजूच्या परिसरातून दुचाकीने कारागिर व मजूर येत असतात.

LPG Crisis : गॅसतुटवड्यामुळे उद्योगांची चाके रुतली, सिलिंडर मिळत नसल्याने अनेक उद्योग बंद; हजारो कामगारांवर बेरोजगारीची कुऱ्हाड

सर्व कामांच्या साईटवर शुकशुकाट

सायंकाळी घरी पतरणारा मजूर संभर पन्नास रूपयांचे पेट्रोल टाकत असतो; मात्र बुधवारी त्याला पेट्रोल मिळाले नाही आणि गुरूवार सकाळपासून झालेला खडखडाट यामुळे मजुरांना कामावर येणे शक्य झाले नाही. सिंहस्थ कुंभमेळयाच्या कामासोबत नागरिकांची खासगी बांधकामे सुरू आहेत. बांधकामाच्या सोबत वायरींग, प्लम्बिंग इत्यादी सर्व कामांच्या साईटवर शुकशुकाट दिसून आला.

आवश्यक तितकेच इंधन खरेदी करा

तहसील कार्यालयाने मात्र इंधन टंचाई नसल्याचे स्पष्ट केले आहे. पेट्रोल डिझेल आणि गॅस यांचा पुरवठा नियमीत होत आहे. मात्र नागरिकांनी घाबरून जाऊन एकाच वेळेस गर्दी केल्याने टंचाई सदृष्य परिस्थिती निर्माण झाली असे सांगितले आहे. साठेबाजी करणा-यावर कारवाई करण्यात येत आहे. नागरिकांनी आवश्यक असेल तितकेच इंधन खरेदी करावे, असे आवाहन करण्यात आले आहे.

बहुतांश हॉटेलही बंद

सिंहस्थ कुंभमेळ्याच्या कामाला उशीर झाला आहे. त्यात आता इंधन टंचाईने खोडा बसल्यास वेळेत काम पूर्ण होणे अशक्य होईल असे दिसून येत आहे. याबाबत जिल्हा प्रशासनाने वेळीच दखल घेऊन कृत्रिम असलेली इंधन टंचाई दूर करावी, अशी नागरिकांमधून मागणी होत आहे, त्र्यंबकेश्वर मंदिराच्या दर्शनबारीवर जिल्हाभरातील इंधन टंचाईचा थेट परिणाम दिसून आला. गुरूवारी रामनवमी निमित्त शासकीय सुटी होती. इतर वेळेस शासकीय सुटीला दर्शनासाठी गर्दी उसळते मात्र गुरुवारी उत्तर दरवाजाला शुकशुकाट दिसून आला. त्र्यंबकेश्वर शहरात गॅस सिलेंडर टंचाईने बहुतांश हॉटेल बंद झाले आहेत. हातगाडे लावून चहापाणी नास्ता विकणारे बेरोजगार झाले आहेत.

Nashik News: “मंदिरात ऊर्जा नाही; रातोरात पाडून टाका…”, वैजेश्वर मंदिराबाबत कॅप्टन खरातचा अजब सल्ला