Nashik Crime News: निव्वळ अपघात की पूर्वनियोजित घातपात? ग्राहकाने प्रेसर गन उचलली अन्... नाशिकमधील त्या घटनेने पोलीस चक्रावले!
सोमवारी (२ नोव्हेंबर) रात्री ७ वाजताच्या सुमारास सुनील तायडे हे सिडकोतील स्टेट बँक चौक परिसरातील ‘लिकर कट्टा’ या वाइन शॉपमध्ये नेहमीप्रमाणे कामावर उपस्थित होते. त्याच वेळी अचानक प्रेसर गनमधून सुटलेला एक मोठा लोखंडी खिळा अत्यंत वेगाने येऊन थेट त्यांच्या छातीत शिरला. खिळा लागताच सुनील वेदनेने विव्हळत दुकानातच कोसळले. दुकानातील इतर कर्मचाऱ्यांनी व लोकांनी त्यांना तातडीने जवळच्या खासगी रुग्णालयात उपचारासाठी दाखल केले, परंतु दुर्दैवाने रात्री १२ वाजताच्या सुमारास डॉक्टरांनी त्यांना मृत घोषित केले.
या घटनेनंतर सोशल मीडियावर व्हायरल झालेल्या एका सीसीटीव्ही फुटेजने संपूर्ण प्रकरणाचे गूढ कमालीचे वाढवले आहे. या फुटेजमध्ये एक ग्राहक मद्याची बाटली खरेदी करण्यासाठी दुकानात आल्याचे स्पष्ट दिसत आहे. मद्य खरेदी केल्यानंतर तो ग्राहक दुकानात ठेवलेली प्रेसर गन हातात घेतो आणि सुनील तायडे यांच्या छातीच्या दिशेने धरून काहीतरी संशयास्पद हालचाल करतो अन् तिथून निघून जातो. या क्लिपमुळे हा केवळ अपघात नसून हत्येचा मोठा कट असू शकतो, असा संशय नातेवाईकांनी व स्थानिकांनी व्यक्त केला आहे. या प्रकरणी सध्या अंबड पोलीस ठाण्यात आकस्मिक मृत्यूची नोंद करण्यात आली असून, पोलीस सीसीटीव्हीची सत्यता तपासून सर्व बाजूंनी सखोल तपास करत आहेत.
Ans: मृत कर्मचाऱ्याचे नाव सुनील अनिल तायडे (वय ३९, रा. इन्कम टॅक्स कॉलनी, अंबड लिंकरोड, नाशिक) असे आहे.
Ans: सिडकोतील स्टेट बँक चौक परिसरातील 'लिकर कट्टा' वाइन शॉपमध्ये प्रेसर गनचा लोखंडी खिळा छातीत शिरल्याने ही घटना घडली.
Ans: सीसीटीव्ही फुटेजमध्ये एका ग्राहकाने प्रेसर गन हातात घेऊन सुनील तायडे यांच्या छातीकडे धरून संशयास्पद कृती केल्याचे दिसल्याने हत्येचा संशय व्यक्त होत आहे.
.png "Videos"){kind=small}
