बुधवार, 4 नोव्हेंबर 2026
सौजन्य फोटो - सोशल मिडीयी
मिळालेल्या माहितीनुसार, दुचाकीवरून प्रवास करणारे तिन्ही जखमी व्यक्ती हे मालेगाव येथील रहिवासी असल्याचे समजते. ते इंदूर महामार्गावरून जात असताना मागून आलेल्या एका भरधाव बसने त्यांच्या दुचाकीला तीव्र धडक दिली. ही धडक इतकी भीषण होती की, दुचाकीवरील तिघेही हवेत उडून रस्त्यावर दूरवर फेकले गेले. या अपघातानंतर महामार्गावर वाहनचालक व नागरिकांची मोठी गर्दी जमली होती.
अपघाताची तीव्रता पाहता स्थानिक नागरिकांनी व पोलिसांनी जखमींना तातडीने उपचारासाठी जवळच्या रुग्णालयात दाखल केले असून, त्यांच्यावर सध्या वैद्यकीय उपचार सुरू आहेत. या अपघातामुळे महामार्गावरील वाहतूक काही वेळ पूर्णपणे विस्कळीत झाली होती. घटनेची माहिती मिळताच पोलिसांनी तात्काळ घटनास्थळी धाव घेत वाहतूक सुरळीत केली. हा अपघात नेमका कसा घडला आणि बसचालकाची चूक होती का, याबाबत पोलीस अधिक तपास करत आहेत.
