कांदा ८० तर लसणाचा ४०० रुपये प्रतिकिलो दर
सोलापूर : गेल्या काही दिवसांपासून जीवनावश्यक वस्तूंचे दर वाढलेले दिसून येत आहे. त्यात कांदा, लसूण, खाद्यतेल यांसारख्या वस्तूंचे दर वाढल्याने खिशाला कात्री लागली आहे. त्यात आता सोलापूर बाजार समितीत कांद्याची आवक वाढू लागली. दररोज सरासरी 400 ट्रक कांद्याची आवक सुरू आहे. मागील पाच दिवसांमध्ये दोन हजार ट्रक कांद्याची आवक झाली आहे.
दिवाळीनंतर नवीन कांदा विक्रीला येणार आहे. त्यामुळे आवक मोठ्या प्रमाणात होण्याची शक्यता आहे. सोलापूर कृषी उत्पन्न बाजार समिती कांद्याची आवक मोठी असते. सोलापूर जिल्ह्यासह अहमदनगर, पुणे, सांगली, सातारा जिल्ह्यातूनही कांद्याची आवक असते. याशिवाय कर्नाटकातील विजयपूर, गुलबर्गा, आळंद, बिदर या भागातूनही मोठ्या प्रमाणात कांदा सोलापुरात येतो.
यंदा समाधानकारक पाऊस झाल्याने कांद्याची लागवड मोठ्या प्रमाणात झाली आहे. कर्नाटकातून मोठ्या प्रमाणात माल येत आहे. मागील काही दिवसांपासून दर स्थिर आहे. दर 2500 रुपयांपर्यंत आहे. चांगल्या कांद्याचा पाच हजार रुपयांपर्यंत दर आहे.
नियोजन होणे गरजेचे
दरवर्षीप्रमाणे यंदाही दिवाळीनंतर आवक वाढणार आहे. त्यामुळे मार्केटातील नियोजन कोसळण्याची शक्यता आहे. कारण, विक्री आलेला माल बाहेर काढण्यास दोन दिवस वेळ लागतो. त्यामुळे यार्डात आणि चौकात वाहतुकीची प्रचंड कोंडी होते. डिसेंबर आणि जानेवारीमध्ये आवक वाढणार, या दृष्टीने आताच नियोजन होणे गरजेचे आहे. त्यामुळे व्यापारी, हमाल, शेतकरी यांची बैठक घ्यावी अशी मागणी होत आहे.
भाज्यांचे भावही कोसळले
खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये लसूण, दोडका, कांदा आणि काकडीची मोठ्या प्रमाणावर आवक झाली आहे. पालेभाज्यांची आवकही वाढल्याने भाव कोसळले. चाकण येथील बाजारात कांद्याची एकूण आवक १,०५० दसऱ्यानंतर आवक वाढू लागली आहे. सध्या चांगल्या माल दरही चांगला मिळत आहे.
.png "Videos"){kind=small}
