सर्वसामान्यांना लवकरच दिलासा मिळणार; कांद्याचे दर घटणार, बफर स्टॉकमधून वाढवली कांद्याची विक्री

सणासुदीच्या काळात किमतीमध्ये होणारी मोठी वाढ रोखणे, बाजारात पुरेसा पुरवठा राखणे आणि हा याचा उद्देश आहे. सरकारी साठ्यातून कांदा उपलब्ध असूनही, किरकोळ किमतींमध्ये लक्षणीय घट झाली नाही.

• महाराष्ट्रातून कांद्याच्या पुरवठ्यात वाढ
• जुन्या कांद्याचा पुरेसा साठा
• किरकोळ किमतीत लक्षणीय घट नाही

मुंबई : कांद्याच्या वाढत्या किमतींमुळे त्रस्त असलेल्या ग्राहकांना येत्या काही आठवड्यांत दिलासा मिळण्याची शक्यता आहे. खरीप हंगामातील कांद्याची महाराष्ट्र, कर्नाटकसह अन्य उत्पादक राज्यांतून आवक वाढली आहे. शिवाय किमती नियंत्रणात ठेवण्यासाठी केंद्र सरकारने बफर साठ्यातून कांद्याची विक्रीही वाढवली आहे. परिणामी, सणासुदीच्या तोंडावर कांद्याचे भाव कमी होण्याची शक्यता आहे.

सध्या कांद्याचा सरासरी किरकोळ भाव ५२.९९ रुपये प्रति किलो होता. तो गेल्या वर्षीच्या तुलनेत जवळपास दुप्पट आहे. ग्राहक व्यवहार मंत्रालयाच्या आकडेवारीनुसार, १० सप्टेंबरच्या सुमारास कांद्याचा सरासरी किरकोळ भाव ५३.१० रुपये प्रति किलो होता, जो १० ऑक्टोबर रोजी किंचित कमी होऊन ५२.९९ रुपये प्रति किलो झाला. घाऊक बाजारात पुरवठा सुधारल्याची चिन्हे दिसत असूनही, त्याचा फायदा बाजारातील ग्राहकांपर्यंत मर्यादित किरकोळ प्रमाणातच पोहोचला आहे. कांद्याचा सरासरी घाऊक भाव ४५९१ प्रति क्विंटल होता. हा भाव महिन्याभरापूर्वीच्या तुलनेत २.४ टक्क्यांनी आणि वर्षभरापूर्वीच्या तुलनेत १२३.३ टक्क्यांनी जास्त आहे.

महाराष्ट्रातून कांद्याच्या पुरवठ्यात वाढ

कांद्याच्या भावात संभाव्य दिलासा मिळण्याचे मुख्य कारण म्हणजे महाराष्ट्र आणि इतर उत्पादक राज्यांमधून नवीन पिकाची वाढलेली आवक नोव्हेंबरपर्यंत बाजारात कांद्याची उपलब्धता सुधारेल, अशी व्यापाऱ्यांना अपेक्षा आहे. कर्नाटक, तेलंगणा आणि आंध्र प्रदेशमधून होणारा पुरवठा नोव्हेंबरच्या अखेरपर्यंत सुरू राहण्याची शक्यता आहे.

किरकोळ किमतीत लक्षणीय घट नाही

सरकारने वितरण प्रणाली मजबूत केली आहे. सणासुदीच्या काळात किमतीमध्ये होणारी मोठी वाढ रोखणे, बाजारात पुरेसा पुरवठा राखणे आणि हा याचा उद्देश आहे. सरकारी साठ्यातून कांदा उपलब्ध असूनही, किरकोळ किमतींमध्ये लक्षणीय घट झाली नाही.

जुन्या कांद्याचा पुरेसा साठा

महाराष्ट्र, मध्य प्रदेशमध्येही जुन्या कांद्याचा पुरेसा साठा आहे. यामुळे नोव्हेंबरच्या तिसऱ्या आठवड्यापर्यंत मागणी पूर्ण करण्यास मदत होऊ शकते. त्याच वेळी, राजस्थानच्या अलवर भागातून वाढलेल्या कांद्याच्या पुरवठ्यामुळे उत्तर भारताचे महाराष्ट्रावरील अवलंबित्व कमी होऊ शकते. कांद्याच्या वाढत्या किमतीवर नियंत्रण ठेवण्यासाठी, केंद्र सरकारने बफर स्टॉकमधून १२३ शहरांमध्ये कांदा विक्रीची व्याप्ती वाढवली.

Raigad News : श्रीवर्धनच्या समुद्रकिनाऱ्यावरील ओपन जिमला गंज ! नागरिकांच्या सुरक्षिततेचा प्रश्न ऐरणीवर, दुरुस्ती कधी होणार?