आषाढी वारीची तयारी तर जोरदार; मात्र पंढरपूर शहरातील रस्त्यांची झालीये अक्षरशः चाळण

राज्यामध्ये अवकाळी पाऊस झाला आहे. यामुळे अनेक रस्ते हे खराब झाले असून त्याचे डांबरीकरण निघाले आहे. पंढरपूरमधील रस्त्यांची वाईट अवस्था दिसून येत आहे. सावरकर चौक ते सरगंम चौक दरम्यान काही दिवसांपूर्वीच करण्यात आलेले हॉटमिक्सिंग पाहता पाहता पावसात वाहून गेले. यापूर्वी अशाचप्रकारे भर पावसात इंदिरा गांधी चौक ते अंबाबाई पटांगण चौक कार्तिक वारी दरम्यानच्या रस्त्याचे डांबरीकरण झाले होते. ते देखील पावसात वाहून गेले.  बाजारपेठेतील रस्ते देखील दुरूस्त न केल्यामुळे ते खड्डेमय बनलेले आहेत. सरकारी कामांचे नियोजन आणि गुणवत्ता यावर मोठे प्रश्नचिन्ह उपस्थित होत आहे.