Parth Pawar Oath Ceremony : हळवा क्षण! अजित दादाचं जॅकेट अन् आईची उपस्थिती…, पार्थ पवार यांनी घेतली राज्यसभा सदस्यपदाची शपथ

Parth Pawar Oath Ceremony News: पार्थ पवार यांनी राज्यसभेच्या सदस्यपदाची शपथ घेतली असून, त्यांच्या राजकीय प्रवासात हा महत्त्वाचा टप्पा मानला जात आहे.

• अजित दादाचं जॅकेट अन् आईची उपस्थिती
• पार्थ पवार यांनी घेतली राज्यसभा सदस्यपदाची शपथ
• खासदारकीचा शपथविधी सोहळा पार पडला

Parth Pawar Oath Ceremony News In Marathi: दिवंगत उपमुख्यमंत्री अजित पवार यांचे सुपुत्र चिरंजीव पार्थ पवार (Parth Pawar Oath Ceremony) आज (9 एप्रिल)राज्यसभेच्या सदस्यपदाची शपथ घेतली. शपथविधी सोहळ्यासाठी राष्ट्रवादी काँग्रेस पक्षाने दिल्लीत भव्य बॅनरबाजी करण्यात आली. यावेळी उपमुख्यमंत्री सुनेत्रा पवार, खासदार सुनील तटकरे, खासदार प्रफुल्ल पटेल यांची उपस्थिती होती. तसेच दिवंगत उपमुख्यमंत्री अजित पवार यांच्या निधनानंतर आज पार्थ पवार यांच्या राज्यसभेच्या खासदारकीचा शपथविधी सोहळा पार पडला आहे. विशेष म्हणजे त्यांनी यावेळी अजित पवार जसा जॅकेट परिधान करायचे अगदी तसाच जॅकेट परिधान केला आहे.

बारामती निवडणुकीसाठी उमेदवारी अर्ज माघारी घेण्याचा आजचा अखेर दिवस असल्याने उपमुख्यमंत्री पवार काँग्रेसच्या नेत्यांची भेट घेणार का? बारामतीची निवडणूक बिनविरोध होणार का? याकडे सर्वांच्या नजरा लागल्या आहेत.

Congress vs Parth Pawar : कृतघ्न मुलगा अन् कुटुंबाच्या पूर्वपुण्याईवर …

येत्या २४ तारखेला बारामती आणि राहुरी विधानसभा मतदारसंघांची पोटनिवडणूक पार पडणार असून सत्ताधारी महायुतीकडून बिनविरोध निवडणूकीचे प्रयत्न सुरू आहेत. बारामती निवडणुकीसाठी काँग्रेसचे आकाश मोरे यांना उमेदवारी देण्यात आली आहे.मोरे यांनी उमेदवारी अर्ज माघारी घ्यावा, असा सूर सत्ताधाऱ्यांकडून लावण्यात आला आहे. या संदर्भात काँग्रेसने अद्याप कोणतीही भूमिका घेतलेली नाही, तसेच महाआघाडीच्या कोणत्याही नेत्याने काँग्रेस नेत्यांशी संपर्क साधलेला नाही.बारामती पोटनिवडणुकीत अर्ज मागे घेण्याचा आजचा शेवटचा दिवस आहे.

दरम्यान, पार्थ पवार यांच्या शपथविधी सोहळ्यानिमित्त दिल्लीतील राष्ट्रवादीकडून स्वागत आणि अभिनंदनाचे बॅनर लावण्यात आले आहेत. दिल्लीतल्या अनेक चौकात पार्थ पवार यांना बॅनर लावून राष्ट्रवादी युवक आघाडीकडून शुभेच्छा देण्यात आल्या आहेत.

पार्थ पवार यांनी राज्यसभा सदस्यपदाची शपथ घेऊन राष्ट्रीय राजकारणात औपचारिक प्रवेश केला. संसद भवनात झालेल्या शपथविधी सोहळ्यात त्यांनी संविधानाची निष्ठा राखण्याची प्रतिज्ञा केली. पार्थ पवार हे अजित पवार यांचे पुत्र असून Nationalist Congress Party (NCP) पक्षाचे आहेत.राज्यसभेत त्यांची निवड ही पक्षाच्या धोरणात्मक निर्णयाचा भाग मानली जात आहे.

याआधीही पार्थ पवार यांनी लोकसभा निवडणूक लढवली होती, मात्र त्यांना यश मिळाले नव्हते. तरीही पक्ष संघटनेत त्यांची सक्रिय भूमिका कायम राहिली. राज्यसभेच्या माध्यमातून आता त्यांना राष्ट्रीय स्तरावर काम करण्याची संधी मिळणार आहे. राज्यसभेतील त्यांच्या नियुक्तीमुळे तरुण नेतृत्वाला प्रोत्साहन मिळेल, तसेच महाराष्ट्रातील प्रश्नांना राष्ट्रीय पातळीवर मांडण्याची संधी मिळेल, अशी अपेक्षा व्यक्त केली जात आहे.

Baramati Politics: ‘आत्या म्हणून जे सांगायचे ते घरात सांगेन!’ पार्थ …