मुंबई : शरद पवारांच्या ‘सिल्व्हर ओक’ या निवासस्थानाबाहेर ८ एप्रिलला एसटी कर्मचारी (ST Workers Protest Near Sharad Pawar House) आक्रमक झाल्याचे पाहायला मिळाले होते. विलीनीकरणाच्या मागणीसाठी कर्मचारी आक्रमक झाले होते. शरद पवारांच्या घराबाहेर दगडफेक आणि चप्पल फेकही करण्यात आली आहे. (MSRTC Workers Protest) संपकरी एसटी कर्मचाऱ्यांच्यामधील एका गटाने आक्रमक भूमिका घेऊन थेट राष्ट्रवादीचे अध्यक्ष शरद पवार यांच्या मुंबईतील घरासमोर आंदोलन केले. या शरद पवारांच्या घरावरील हल्ल्या प्रकरणी ८ जणांना पोलीस कोठडी सुनावण्यात आली आहे. हा हल्ला राजकीय षडयंत्र असल्याचा संशय व्यक्त होत आहे. त्यादृष्टीने तपास सुरु आहे.
[read_also content=”रणबीर-आलियाचं लग्न रद्द? ठरलेल्या दिवशी लग्न होणार नाही; अभिनेत्रीच्या भावानेच केला खुलासा https://www.navarashtra.com/movies/alia-ranbir-wedding-may-get-postpone-says-alias-brother-rahul-bhatt-nrak-267910.html”]
‘सिल्वर ओक’वर एसटी कर्मचारी यांनी केलेले आंदोलन आणि त्यानंतर करण्यात आलेला हल्ला या प्रकरणी गावदेवी पोलिसांनी जेष्ठ वकील गुणरत्न सदावर्ते यांच्यासह ११० जणांना अटक केली होती. शनिवारी सुट्टीकालिन न्यायालयाने सदावर्ते यांना दोन दिवसांची पोलीस कोठडी सुनावली होती व इतरांना १४ दिवसांची न्यायालयीन कोठडी सुनावली होती.
