रश्मिकाच्या अटल सेतूच्या व्हिडिओवरुन राजकारण! आदित्य ठाकरेंची जोरदार प्रतिक्रिया

साऊथ इंडियनची लोकप्रिय अभिनेत्री रश्मिका मंदाना हिचा एक व्हिडिओ काही दिवसांपूर्वी सोशल मीडियावर व्हायरल झाला होता. मुंबईतील अटल सेतूवर रश्मिकाने हा व्हिडिओ शूट केला होता. या व्हिडिओमध्ये तिने पंतप्रधान मोदी आणि अटल सेतूचं तोंड भरुन कौतुक केलं होतं. पण आता तिच्या व्हिडिओवरुन राजकारण रंगले आहे. ठाकरे गटाचे आमदार आदित्य ठाकरे यांनी रिट्विट करत राजकीय टीप्पणी केली आहे.

लोकसभा निवडणूक आल्यामुळे राजकारण रंगले आहे. यामध्येच आता रश्मिकाने एक व्हिडिओ शेअर करत अटल सेतूविषयी माहित दे शेवटी विकासाला मत द्या असं आवाहन लोकांना केलं आहे. त्यामुळे रश्मिकाचे चाहतेही तिच्यावर नाराज झाल्याचं पाहायला मिळत आहे. अनेकांनी कमेंट करत रश्मिकावर नाराजी देखील व्यक्त केली आहे. यावरुन अनेक ट्रोल केल्यानंतर आता आमदार आदित्य ठाकरे यांनी रिप्लाय केला आहे.

See more

I just saw an actor suddenly make an advertisement (wonder if it’s paid for or not) on the MTHL, branded as Atal Setu by the current regime. Some facts were missed:
• Atal Setu- MTHL’s 85% work was completed till June 2022, when our govt was toppled. The work happened during… — Aaditya Thackeray (@AUThackeray) May 17, 2024

आदित्य ठाकरेंची प्रतिक्रिया

रश्मिकाच्या या व्हिडिओवर आदित्य ठाकरेंनीही पोस्ट केली आहे. त्यावर आदित्य ठाकरेंनी म्हटलं की, मी नुकतच एका अभिनेत्रीला अटल सेतूची जाहिरात करताना पाहिले (यासाठी पैसे दिलेही असतील कदाचित) मुंबई ट्रान्स हार्बर लिंक हा सध्याच्या राजवटीमध्ये अटल सेतू म्हणून ओळखला जातो. यामध्ये काही गोष्टी मिसिंग आहेत. अटल सेतू- MTHL चे 85% काम जून 2022 पर्यंत पूर्ण झाले होते, जेव्हा आमचे सरकार पाडण्यात आले होते. हे काम महाविकास आघाडीच्या सरकारमध्ये करण्यात आले होते. भाजपच्या नेतृत्वाखालील खोके सरकारने 2022 ते 2024 पर्यंत उर्वरित 15% पूर्ण करण्यासाठी आणि नंतर उद्‌घाटनाला हेतूपुरस्कार उशीर केला.’

चित्रीकरण करण्यापूर्वी वस्तुस्थिती तपासा

पुढे आदित्य ठाकरेंनी म्हटलं की, ‘भाजपच्या नेतृत्वाखालील मिंधे राजवटीने MTHL चे उद्घाटन पूर्णतः तयार झाल्यानंतर 3 महिन्यांनी केले कारण त्यांना VIP उद्घाटनाच्या तारखा मिळाल्या नाहीत- मुंबईची प्रगती रोखून धरली. शेवटी ही अभिनेत्री म्हणते की जागे व्हा आणि विकासाला मत द्या, म्हणजेच भाजपाला मत देऊ नका असा याचा अर्थ होतो. अशा जाहिराती करणाऱ्या सर्वांना एक नम्र विनंती- कृपया चित्रीकरण करण्यापूर्वी वस्तुस्थिती तपासा. काही पक्षांना ‘वार रुकवा दी’ सारख्या जाहिराती करण्यासाठी कलाकार मिळत आहेत.’ अशी टिप्पणी आदित्य ठाकरे यांनी केली आहे.