मोठी बातमी ! खुद्द मुख्यमंत्र्यांनाच विमानतळावर 3 तास रोखले; 50 हजारांचा दंडही ठोठावला

दिल्लीच्या सीमांवर दीड वर्षे शेतकऱ्यांना बळजबरीने बसवून ठेवणे असो किंवा पंजाबच्या हक्काचे फंड रोखून ठेवणे असो, केंद्र सरकार प्रत्येक पातळीवर पंजाबचा गळा दाबण्याचा प्रयत्न करत आहे.

• पॅरिसहून परतत असताना दिल्ली विमानतळावर रोखले
• केंद्र सरकारकडून प्रत्येक पातळीवर पंजाबचा गळा दाबण्याचा प्रयत्न
• केंद्राने संकुचित मानसिकता दाखवल्याचा आरोप

नवी दिल्ली : आम आदमी पार्टी पंजाबचे मीडिया इन्चार्ज बलतेज पन्नू यांनी केंद्र सरकारवर कडाडून टीका केली आहे. पंतप्रधान नरेंद्र मोदी आणि त्यांचे सरकार पंजाब आणि पंजाबियतला खाली लेखण्याची एकही संधी सोडत नाही, असा आरोप त्यांनी केला. पन्नू यांनी सांगितले की, पंजाबचे मुख्यमंत्री भगवंत मान यांना पॅरिसहून परतत असताना दिल्ली विमानतळावर जाणीवपूर्वक तीन तास रोखून ठेवण्यात आले आणि त्यानंतर ५०००० रुपयांचा दंड ठोठावण्यात आला. हा पंजाबच्या अस्तित्वासह सन्मानावर थेट हल्ला आहे, असेही म्हटले आहे.

केंद्राच्या पंजाब-विरोधी धोरणांची यादी मांडताना पन्नू म्हणाले की, दिल्लीच्या सीमांवर दीड वर्षे शेतकऱ्यांना बळजबरीने बसवून ठेवणे असो किंवा पंजाबच्या हक्काचे फंड रोखून ठेवणे असो, केंद्र सरकार प्रत्येक पातळीवर पंजाबचा गळा दाबण्याचा प्रयत्न करत आहे. आतापर्यंत किमान चार वेळा पंजाबचे मुख्यमंत्री भगवंत मान यांना परदेश दौऱ्याची परवानगी दिली गेली नाही; कारण मोदी सरकारला भीती वाटते की, मुख्यमंत्री परदेशात गेले तर तिथून गुंतवणूक आणि निधी आणून पंजाबला प्रगतीच्या मार्गावर नेतील.

मोठी बातमी ! मुख्य निवडणूक आयुक्त ज्ञानेश कुमार यांच्याविरोधातील ‘ती’ तक्रार खरी; केंद्राने अखेर केले मान्य

पंजाब-हरियाणा उच्च न्यायालयाच्या आदेशानुसार जेव्हा मुख्यमंत्री भगवंत मान फ्रान्स दौऱ्यावर गेले, जिथे ते जगातील दुसऱ्या क्रमांकाच्या मोठ्या फूड फेस्टिव्हलमध्ये पंजाबचे प्रसिद्ध राजमा आणि पांढरे चणे सारख्या उत्पादनांचे लॉन्चिंग करण्यासाठी गेले होते. तिथेही केंद्र सरकारने आपली संकुचित मानसिकता दाखवली, असा आरोपही पन्नू यांनी केला.

FAQ :

नेमकं काय झालं? 3 तास का रोखले?
– दिल्लीच्या इंदिरा गांधी आंतरराष्ट्रीय विमानतळ (T-3) वर हा प्रकार घडला. पंजाबचे मुख्यमंत्री भगवंत मान आणि पत्नी डॉ. गुरप्रीत कौर पॅरिसहून Air France फ्लाइटने रात्री 11 वाजता परतले. तेव्हा त्यांना रोखण्यात आले.

दंड का लागला? Green Channel vs Red Channel काय?
– विमानतळावर 2 चॅनेल असतात. एक Green Channel – ‘Nothing to Declare’ – काही जाहीर करायचे नाही, सरळ बाहेर तर Red Channel – ‘Goods to Declare’ – महागड्या वस्तू, मर्यादेपेक्षा जास्त सामान असल्यास कस्टम भरून जावे लागते.

पॅरिसला का गेले होते? आधी परवानगी नाकारली होती का?
– SIAL Paris 2026 – जगातील दुसरा सर्वात मोठा फूड फेस्टिवल – 17 ते 21 ऑक्टोबरला झाला. पंजाबच्या राजमा, हरभरा, Markfed उत्पादनांना आंतरराष्ट्रीय बाजारपेठेत प्रमोट करण्यासाठी गेले.