Pune Metro News: पुण्यात मेट्रो लाईनच्या बोगद्याला छिद्र ! घरासाठी बोअरवेल घेताना घडला प्रकार

भूमिगत बोगद्याचे मारक क्रमांक १५/५६, रिंग क्रमांक ४७१ याठिकाणी ६ इंच व्यासाचा खड्डा पडला गेला. खड्डा पडल्याने मेट्रो मार्गावर पाणी गळती झाली. यानंतर हा प्रकार समोर आला आहे

• पुणे शहरात मेट्रोच्या भूमिगत बोगद्यावर बोअरवेल मारताना बोगद्याच्या छताला छिद्र
• संबंधित घरमालक धनंजय मोटे आणि कंत्राटदार जगताप यांच्यावर खडक पोलीस ठाण्यात गुन्हा नोंद
• घराखालून मेट्रोचा मार्ग गेला आहे याची पूर्ण कल्पना असूनही, घरमालकाने निष्काळजीपणे बोअरवेलचे काम केल्याचे पोलीस तपासात समोर

Pune Metro News: शहरात मेट्रो प्रकल्पाच्या कामाला वेग आलेला असताना एक सुरक्षिततेबाबत गंभीर बाबसमोर आली असून, भूमिगत मेट्रो बोगद्यावर बोअरवेल घेताना बोगद्यावर खड्डा पडल्याचा धक्कादायक प्रकार समोर आला आहे. याप्रकरणी आता पोलिसांनी संबंधित घरमालक व ठेकेदारावर गुन्हा नोंद केला आहे.

याप्रकरणी खडक पोलिस ठाण्यात धनंजय मोटे व ठेकेदार जगताप यांच्यावर गुन्हा दाखल करण्यात आला आहे. याबाबत पुणे मेट्रोचे महाव्यवस्थापक शंतनु गोरात्रा यांनी तक्रार दाखल केली आहे. दि. १४ मार्च रोजी ही घटना घडली असून, हा प्रकार समोर आल्यानंतर सोमवारी याप्रकरणी गुन्हा नोंदवण्यात आला.

पोलिस अधीक्षक तुषार दोशींच्या निलंबनावर मुख्यमंत्र्यांचं मोठं विधान; म्हणाले, ‘सभापतींचा आदेश म्हणजे…’

पोलिसांच्या माहितीनुसार, तक्रारदार हे पुणे मेट्रोच्या ऑपरेशन अँड मेंटेनेन्स विभागाचे (सिव्हील) संयुक्त महाव्यवस्थापक आहेत. दरम्यान, शहरात मेट्रोची भूमिगत कामे सुरू आहेत. दरम्यान, तक्रारदार यांना घराच्या खालून भूमिगत मेट्रो गेली आहे, याची कल्पना होती. तरीही त्यांनी निष्काळजीपणे बोरवेल घेण्याचे काम केले.

मेट्रोच्या मालमत्तेचे २ लाखांचे नुकसान; पोलिसात तक्रार

भूमिगत बोगद्याचे मारक क्रमांक १५/५६, रिंग क्रमांक ४७१ याठिकाणी ६ इंच व्यासाचा खड्डा पडला गेला. खड्डा पडल्याने मेट्रो मार्गावर पाणी गळती झाली. यानंतर हा प्रकार समोर आला आहे, पाणी येत – असल्याने मेट्रोकडून चौकशी केल्यानंतर ही बाब उघडकीस आली, याप्रकरणी तक्रार दिली असून अधिक तपास खंडक पोलिस करत आहेत, शहरातील भूमिगत मेट्रो प्रकल्पाच्या कामादरम्यान झालेला हा मोठा निष्काळजीपणा मानला जात आहे.

Stock Market Today: ल्युपिन लिमिटेड आणि टेक महिंद्रासह आज ‘हे’ शेअर्स पालटणार तुमचं नशिब! 

ही मेट्रो शिवाजीनगर ते स्वारगेट दरम्यान धावणार आहे. पण, थेट बोगद्याच्या वरच बोअरवेल मारले गेले. यामुळे बोगद्याचे नुकसान झाले, आणी पाणी गळतीही शुरू इझाली. बोरवेलमुळे नागरिकांच्या तसेच वैयक्तिक सुरक्षितेत धोका निर्माण करणारे कृत्य केले. मेट्रोच्या मालमतेचे २ लाखांचे नुकसान झाल्याचे तक्रारीत नमूद केले आहे.