पुण्यातील अल्पवयीन मुलगी अडकली ऑनलाईन गेमिंगच्या जाळ्यात; बिहारमधील तरुण देत होता धमकी

पुणे : पुण्यातील तरुणी ऑनलाईन गेमिंगच्या (Online gaming) जाळ्यामध्ये अडकली होती. तिला बिहारमधील तरुण त्रास देखील देत असल्याचा प्रकार उघडकीस आला आहे. या अल्पवयीन मुलीशी मैत्री करुन नंतर तिला बिहारमधील तरुण धमकवत होता. पुणे पोलिसांनी (pune police) या तरुणाला बिहारमधून (Bihar Crime News) अटक केली आहे.

पुण्यातील अल्पवयीन मुलगी फ्री फायर ऑनलाइन गेम खेळत असताना तिची बिहारमधील आरोपी अमनकुमार याच्याशी ओळख झाली. ऑनलाइन गेमच्या माध्यमातून अमनकुमारने तिला मैत्रीच्या जाळ्यात अडकवले. एके दिवशी अल्पवयीन मुलीला धमकावून तिचे फोटो मागवून घेतली. मुलीने त्याला फोटो पाठविल्यानंतर त्याने तिला धमकावण्यास सुरुवात केली. तरुणाने धमकवण्यास सुरुवात केल्यानंतर अल्पवयीन मुलीने पोलिसांकडे तक्रार दाखल केली. बालकांचे लैंगिक अत्याचारापासून संरक्षण कायद्यान्वये (पोक्सो) तरुणाविरुद्ध गुन्हा दाखल करण्यात आला.

अल्पवयीन मुलीने दाखल केलेल्या तक्रारीनंतर पोलिसांनी तपास सुरु केला. तपासामध्ये आरोपी तरुण हा चार मोबाईल क्रमांक वापरत असल्याचे निदर्शनास आले. यामध्ये तांत्रिक तपास केल्यानंतर आरोपी हा बिहार असल्याचे समोर आले. पोलिसांनी वेशांतर करून आरोपीला ताब्यात घेतले. बिहार पोलिसांच्या सहाय्याने महाविद्यालयात शिक्षण घेत असलेल्या या तरुणाला अटक करण्यात आली. अमनकुमार पंकज तांटी (वय 20, रा. हरपूर, जि. बेगुसराई, बिहार) असे अटक करण्यात आलेल्या तरुणाचे नाव आहे.