महिलांसाठी नवा सुरक्षा फॉर्म्युला; पुणे पोलिसांचे ‘महिला बीट मार्शल’ देणार मदतीचा हात

पोलिसांच्या हेल्पलाइनवर प्राप्त होणाऱ्या महिलांच्या तक्रार निवारणासाठी घटनास्थळी महिला बीट मार्शलची रवानगी करण्याचा निर्णय वरिष्ठ अधिकाऱ्यांनी घेतला आहे. त्यामुळे तक्रारदार महिलांना खुलेपणाने त्यांचे म्हणणे मांडता येणार आहे.

मुख्यमंत्र्यांच्या हस्ते उद्घघाटन

पोलिसांच्या कॉप २४ या उपक्रमाचे येत्या १५ फेब्रुवारीला मुख्यमंत्र्यांच्या हस्ते उद्घाटन होणार आहे. पोलीस मुख्यालयात पुणे पोलिसांचा ‘तरंग’ हा कार्यक्रम आयोजित केला असून, त्याठिकाणी मुख्यमंत्र्याकडून वेगवेगळ्या उपक्रमांना झेंडा दाखवून उद्घटान होणार आहे.

वाहनांना जीपीएस

‘कॉप २४’ या उपक्रमाअंतर्गत शहरात १२३ दुचाकी आणि ३९ कारचा वापर केला जाणार आहे. या सर्व वाहनांना ‘जीपीएस’ लावण्यात आले आहेत. त्याद्वारे बीट मार्शलवर नियंत्रण ठेवले जाणार आहे. यामुळे बीट मार्शलकडून कामात हलगर्जी केली जाणार नाही, अशी शक्यता वरिष्ठ पोलीस अधिकाऱ्यांनी व्यक्त केली.

‘बॉडी कॅमेरा’

सर्व बीट मार्शलच्या वर्दीवर बॉडी कॅमेरा लावण्यात येणार आहे. त्यामुळे एखाद्या वर्दीच्या ठिकाणी बीट मार्शल दाखल झाल्यानंतर तेथे घडणाऱ्या गोष्टींचे रेक़ॉर्डिंग होणार आहे. त्यामुळे पोलिसांवर कोणी आरोप करू शकणार नाही किंवा एखादा कर्मचारी चुकीच्या पद्धतीने वागल्यास त्याचीही माहिती त्या रेकॉर्डिंगमधून कळू शकते.

‘कॉप-२४’च्या माध्यमातून पोलिस शहरात गस्त घालणार असून, घटनास्थळी तत्काळ दाखल होणार आहेत. या बीट मार्शलसाठी निळ्या रंगाची वर्दी निश्चित करण्यात आली आहे.

संबंधित बातम्या