Pune News: कोडिंगपासून कंटेंटपर्यंत; पुण्यात ‘AI’ बनतोय कामाचा साथीदार

पुण्यातील आयटी क्षेत्रात एआयचा वापर केवळ प्रयोगापुरता मर्यादित न राहता दैनंदिन कामाचा भाग बनत आहे. त्यामुळे कमी वेळेत अधिक काम करणे, मोठ्या प्रमाणातील माहितीचे विश्लेषण करणे आणि निर्णयप्रक्रियेला वेग देणे शक्य होत आहे.

• पुण्यात ‘एआय’ बनतोय कामाचा साथीदार
• शहरातील आयटी कंपन्यांमध्ये ‘एआय’चा वाढता वापर
• तरुणांच्या कामाची पद्धतही बदलतेय

पुणे/किरण ढोणे: देशातील महत्त्वाचे आयटी हब म्हणून ओळखल्या जाणाऱ्या पुण्यात आता केवळ सॉफ्टवेअर कंपन्याच नव्हे, तर विविध क्षेत्रांतील तरुण व्यावसायिकांच्या कामकाजातही कृत्रिम बुद्धिमत्तेचा (एआय) वापर वाढत आहे. माहिती तंत्रज्ञान, व्यावसायिक सेवा, स्टार्टअप, मीडिया, शिक्षण आणि ग्राहक सेवा अशा विविध क्षेत्रांत कामाचा वेग वाढविण्यासाठी ‘एआय’चा वापर केला जात आहे. शहरातील मोठ्या आयटी कंपन्यांसोबतच स्टार्टअप आणि नव्या तंत्रज्ञानावर आधारित उद्योगांमध्येही एआय टूल्सचा वापर वाढत असल्याचे चित्र आहे.

पुण्यात आयटी आणि इंजिनिअरिंग क्षेत्रातील मोठी रोजगार बाजारपेठ असल्याने देशाच्या विविध भागांतून दरवर्षी मोठ्या संख्येने तरुण शिक्षण आणि नोकरीसाठी शहरात येतात. त्यामुळे एआयमुळे बदलणाऱ्या रोजगाराच्या पद्धतींचा थेट परिणाम पुण्यातील तरुण व्यावसायिकांवर होत आहे. कोडिंग, डेटा विश्लेषण, कंटेंट तयार करणे, ग्राहक सेवा, सॉफ्टवेअर टेस्टिंग, प्रेझेंटेशन तयार करणे यांसारख्या कामांमध्ये एआय टूल्सचा वापर केला जात आहे.

जागतिक पातळीवरील मॅककिन्सीच्या ‘द स्टेट ऑफ एआय’ अहवालानुसार, तंत्रज्ञान क्षेत्रात एआयचा वापर सर्वाधिक असून, तब्बल ८८ टक्के कर्मचारी त्यांच्या कामातील किमान एका कार्यासाठी जनरेटिव्ह एआयचा वापर करतात. व्यावसायिक सेवा क्षेत्रात हे प्रमाण ८० टक्के, तर प्रगत उद्योग तसेच मीडिया आणि दूरसंचार क्षेत्रात ७९ टक्के आहे.

AI In Indian Sugar Industry : साखर उद्योगासाठी एआय ठरतंय ‘गेमचेंजर’; उसाची रिकव्हरी अन् इथेनॉल निर्मितीत होणार मोठी वाढ

पुण्यातील आयटी क्षेत्रात एआयचा वापर केवळ प्रयोगापुरता मर्यादित न राहता दैनंदिन कामाचा भाग बनत आहे. त्यामुळे कमी वेळेत अधिक काम करणे, मोठ्या प्रमाणातील माहितीचे विश्लेषण करणे आणि निर्णयप्रक्रियेला वेग देणे शक्य होत आहे. मात्र, एआयच्या वाढत्या वापरामुळे पारंपरिक कौशल्यांबरोबरच एआयचा योग्य वापर करण्याची क्षमता हीदेखील तरुणांसाठी रोजगारातील महत्त्वाची गरज बनत आहे.

‘एआय’मुळे पुण्यातील नोकरीचे गणित बदलणार 
पुण्यातील तरुणांसाठी एआय ही केवळ नवीन तंत्रज्ञानाची ओळख राहिलेली नाही. कंपन्यांमध्ये एआयचा वापर वाढत असताना एआय टूल्स हाताळता येणे, योग्य प्रश्न विचारणे, एआयने तयार केलेल्या माहितीची पडताळणी करणे आणि त्याचा व्यावसायिक वापर करता येणे, ही कौशल्ये रोजगाराच्या दृष्टीने महत्त्वाची ठरत आहेत.

एआय’चा सर्वाधिक वापर कुठल्या क्षेत्रात?

क्षेत्र. एआय वापरणाऱ्या कर्मचाऱ्यांचे प्रमाण
तंत्रज्ञान. ८८%
व्यावसायिक सेवा. ८०%
प्रगत उद्योग. ७९%
मीडिया व दूरसंचार. ७९%
ग्राहक वस्तू व किरकोळ. ६८%
वित्तीय सेवा. ६५%
आरोग्यसेवा, औषधनिर्मिती
व वैद्यकीय उत्पादने. ६३%
ऊर्जा व कच्चा माल. ५९%

(स्रोत : मॅककिन्सी, ‘द स्टेट ऑफ एआय’ )

OpenAI News : OpenAI मधील ‘एथिक्स’ प्रमुखांची वर्षभरातच एक्झिट; वरिष्ठ अधिकाऱ्यांच्या राजीनाम्यांमुळे चर्चेला उधाण

शहरात ‘एआय’ कुठे दिसतोय? 

आयटी — कोडिंग, सॉफ्टवेअर टेस्टिंग, डेटा विश्लेषण कॉर्पोरेट — रिपोर्ट, प्रेझेंटेशन आणि डेटा तयार करणे
मीडिया — कंटेंट आयडिया, भाषांतर, ट्रान्सक्रिप्शन
शिक्षण — अभ्यास, नोट्स आणि संशोधनासाठी एआय टूल्स
स्टार्टअप — ग्राहक सेवा, मार्केटिंग आणि व्यवसाय विश्लेषण
ई-कॉमर्स — ग्राहकांच्या आवडीनुसार उत्पादनांच्या शिफारसी

एआय म्हणजे नोकरीचा पर्याय नव्हे, कौशल्य वाढवण्याचे साधन ,एआयमुळे नोकऱ्या संपण्यापेक्षा काम करण्याची पद्धत वेगाने बदलत आहे. पुण्यासारख्या आयटी आणि स्टार्टअप हबमध्ये एआयचा स्वीकार तुलनेने वेगाने होत आहे. त्यामुळे तरुणांनी एआयला घाबरण्यापेक्षा आपल्या क्षेत्रातील कौशल्यासोबत एआयचा प्रभावी वापर शिकणे अधिक महत्त्वाचे आहे.
-आयटी क्षेत्रातील तज्ज्ञ