Jio AI Glasses: चष्मा घाला आणि पेमेंट करा! Jio आणतोय स्वस्त AI Glass; Live Translationही मिळणार

Jio AI Glasses: रिलायन्स जिओ लवकरच Jio AI Glasses किंवा JioFrames नावाचा AI स्मार्ट चष्मा बाजारात आणण्याच्या तयारीत आहे. इंडिया मोबाईल काँग्रेस 2026 मध्ये या चष्म्याची झलक दाखवण्यात आली. चष्म्यासाठी जिओने स्वतःची JioRealityOS ऑपरेटिंग सिस्टिम तयार केली असून त्याचे Audio Frames आणि Smart Camera Frames असे दोन प्रकार आहेत.

• JioFrames मध्ये UPI QR स्कॅन करून ₹5,000 पर्यंत पेमेंटची सुविधा.
• AI चष्मा 12 भारतीय भाषांमध्ये भाषांतर करणार.
• Jio AI Glasses ₹10 हजारांपेक्षा कमी किमतीत येण्याची माहिती.

 

रिलायन्स जिओ पुन्हा एकदा मोठा धमाका करण्याच्या तयारीत आहे. मोबाईल आणि इंटरनेट स्वस्त करून जिओने जशी क्रांती केली होती, तशीच क्रांती आता चष्म्याच्या दुनियेत होणार आहे.
कंपनी लवकरच आपला पहिला Jio AI Glasses किंवा JioFrames नावाचा AI स्मार्ट चष्मा बाजारात आणत आहे. नुकत्याच झालेल्या इंडिया मोबाईल काँग्रेस 2026 मध्ये जिओने या चष्म्याची झलक दाखवण्यात आली. हा फक्त दिसण्यासाठी नाहीतर, हा पूर्णपणे AI वर चालणारा आहे. Jio AI Glasses:

सामान्य चष्म्यासारखा दिसेल, पण काम भारी करेल

बघायला गेलं तर हा अगदी साध्या चष्म्यासारखाच दिसत असून वजनाला पण एकदम हलका आहे. पण आतमध्ये जिओने स्वतःची पूर्ण टेक्नॉलॉजी टाकली आहे. यासाठी जिओने स्वतःची JioRealityOS.ऑपरेटिंग सिस्टिम बनवली आहे.

कंपनीने या चष्म्याचे दोन प्रकार आणले आहेत.

एक आहे ऑडिओ फ्रेम्स.
यामध्ये फक्त स्पीकर आणि माईक असेल. यातून तुम्ही गाणी ऐकू शकता आणि कॉलवर बोलू शकता.

दुसरा आहे तो मेन मॉडेल
म्हणजे स्मार्ट कॅमेरा फ्रेम्स. यात HD कॅमेरा आणि व्हिज्युअल इंटेलिजन्स सेन्सर दिला आहे. हाच खरा गेम चेंजर ठरणार आहे.

‘या’ चष्म्याचे भन्नाट फीचर्स
या चष्म्यात असे काही फीचर्स आहेत जे आजपर्यंत आपण फक्त सिनेमात बघितले होते.

Technology News: स्मार्टफोन चार्जिंगसाठी बोटची नवी पॉवरबँक सीरिज बाजारात; ग्राहकांना मिळणार नवे पर्याय

1. हॅलो जिओ बोलताच सुरू होणार: तुम्हाला चष्म्याला हात लावायची पण गरज नाही. फक्त “Hello Jio” असं म्हणा, चष्मा सुरू होईल. त्यानंतर तुम्ही त्याला काहीही विचारा, गुगल सर्चपासून ते हवामानापर्यंत सगळी माहिती तो तुम्हाला मिळेल.

2. बघून पेमेंट करणार: हे या चष्म्याचं सगळ्यात मोठं फीचर आहे. तुम्ही दुकानात गेला आहात आणि खिशातून फोन काढायचा कंटाळा आलाय? काही हरकत नाही. फक्त चष्म्यातून त्या दुकानाच्या UPI QR कोडकडे बघा. चष्म्यातील कॅमेरा तो कोड स्कॅन करेल आणि तुम्ही थेट 5000 रुपयांपर्यंतचं पेमेंट करू शकता. फोनला हात न लावता पेमेंट होणार.

3. 12 भाषांमध्ये ट्रान्सलेशन: तुम्ही कुठे बाहेर फिरायला गेलात आणि तिथला बोर्ड तुम्हाला समजत नसेल तर हा चष्मा तुम्हाला मदत करेल. तो बोर्डकडे पाहून AI च्या मदतीने त्याचं भाषांतर करेल आणि थेट तुमच्या कानात मराठीत किंवा हिंदीत सांगेल. एकूण 12 भारतीय भाषांना हा सपोर्ट करतो.

4. रस्ता दाखवणार आणि लाईव्ह पण करणार: तुम्ही बाईकवर असाल आणि रस्ता शोधायचा असेल तर चष्मा तुम्हाला कानातच दिशा सांगेल. हाताने फोन पकडायची गरज नाही. शिवाय जे यूट्यूबर किंवा कंटेंट क्रिएटर्स आहेत, ते थेट या चष्म्यातूनच इंस्टाग्राम किंवा यूट्यूबवर लाईव्ह जाऊ शकतात.

Samsung Galaxy Tab S12 : सॅमसंगचा आतापर्यंतचा सर्वात स्लिम टॅबलेट लाँच; Galaxy Tab S12 सिरीजमध्ये मिळणार अत्याधुनिक AI फीचर्स

किंमत किती आणि कधी येणार?

बाजारात सध्या Meta आणि Ray-Ban चा असा चष्मा आहे, त्याची किंमत 30 हजाराच्या वर आहे. पण जिओ आपला हा चष्मा 10 हजार रुपयांपेक्षा कमी किमतीत आणणार आहे अशी माहिती आहे. टेक एक्सपर्ट्सच्या मते हा चष्मा याच वर्षाच्या शेवटी, म्हणजे नोव्हेंबर किंवा डिसेंबर 2026 मध्ये लॉन्च होईल. जर 10 हजाराच्या आत हा चष्मा आला तर भारतात वियरेबल गॅजेट्सची एक नवीन क्रांती सुरू होईल हे नक्की.