Pune Rain Alert: पुण्यनगरीत पावसाचा जोर ओसरला; मात्र धोका कायम, घाटमाथ्यावर पुढील दोन दिवस…
शुक्रवारी पुणे शहर आणि लगतच्या परिसरात कमाल तापमान २९ अंश सेल्सिअस, तर किमान तापमान २२.५ अंश सेल्सिअस नोंदवले गेले. दिवसभर सूर्यदर्शनाची शक्यता कमीच होती. ढगाळ हवामानामुळे हवेतील आर्द्रता वाढल्याने दुपारच्या वेळी नागरिकांना मोठ्या प्रमाणावर उकाडा जाणवत होता.
गेल्या आठवड्यात पुणे शहरात आणि घाटमाथ्यावर अति ते अति जोरदार पाऊस झाल्याचे पाहायला मिळाले. खडकवासला धरण साखळीतील पानशेत, टेमघर, वरसगाव आणि खडकवासला धरण जवळपास पूर्ण क्षमतेने भरली आहेत. धरणसाखळीत मोठ्या प्रमाणात पाण्याची आवक होत असल्याने खडकवासला धरणातून मोठ्या प्रमाणात मुठा नदीपत्रात पाण्याचा विसर्ग केला जात होता. त्यामुळे पुण्याच्या वाहतुकीवर परिणाम झाल्याचे पाहायला मिळाले. मात्र आता पावसाचा जोर कमी झाल्याने विसर्ग देखील कमी करण्यात आला आहे. पावसाचा जोर कमी होतो की वाढतो त्यानुसार पाण्याचा विसर्ग वाढवायचा की कमी करायचा यांचा निर्णय घेतला जाणार आहे. गेल्या काही दिवसांमध्ये पुणे शहर आणि संपूर्ण राज्यात चांगला पाऊस झाल्याचे पाहायला मिळाले.
.png "Videos"){kind=small}
