प्रवाशांच्या सुविधांमध्ये पुणे विमानतळ देशात अव्वल; 5 पैकी 4.98 गुणांसह पटकावला पहिला क्रमांक

पुण्यातून एक मोठी बातमी समोर आली आहे. प्रवाशांना दिल्या जाणाऱ्या सुविधा आणि सेवांच्या गुणवत्तेत पुणे विमानतळाने देशात अव्वल स्थान पटकावले आहे.

• पुणे विमानतळाला देशात प्रथम क्रमांक; सर्वेक्षणात ४.९८ गुण
• ३१ पैकी ३० निकषांवर उत्कृष्ट कामगिरी
• ‘बेस्ट एअरपोर्ट बाय साइज’ वर्गवारीतही पुणे विमानतळ अव्वल

पुणे : पुण्यातून एक मोठी बातमी समोर आली आहे. प्रवाशांना दिल्या जाणाऱ्या सुविधा आणि सेवांच्या गुणवत्तेत पुणे विमानतळाने देशात अव्वल स्थान पटकावले आहे. जुलै ते सप्टेंबर २०२६ या कालावधीत करण्यात आलेल्या विमानतळ सेवा गुणवत्ता सर्वेक्षणात पुणे विमानतळाला पाचपैकी तब्बल ४.९८ गुण मिळाले आहेत. विशेष म्हणजे, एकूण ३१ निकषांपैकी ३० निकषांवर विमानतळाची कामगिरी उत्कृष्ट ठरली आहे. त्यामुळे प्रवाशांच्या समाधानाच्या बाबतीत पुणे विमानतळाने देशातील अन्य विमानतळांना मागे टाकले आहे.

 

भारतीय विमानतळ प्राधिकरण आणि आंतरराष्ट्रीय विमानतळ परिषद यांच्या संयुक्त विद्यमाने राबविण्यात येणाऱ्या ‘एअरपोर्ट सर्व्हिस क्वालिटी’ कार्यक्रमांतर्गत हे सर्वेक्षण करण्यात आले. या सर्वेक्षणात जगभरातील सुमारे ५०० विमानतळांचा समावेश होता. त्यामध्ये भारतातील १६ विमानतळांनी सहभाग घेतला होता. या स्पर्धेत पुणे विमानतळाने उत्कृष्ट गुण मिळवत देशात पहिला क्रमांक पटकावला आहे.

३१ पैकी ३० निकषांवर उत्कृष्ट कामगिरी

विमानतळावर प्रवाशांना मिळणाऱ्या विविध सुविधांचा या सर्वेक्षणात आढावा घेण्यात आला. एकूण ३१ निकषांच्या आधारे विमानतळाच्या सेवा आणि व्यवस्थापनाचे मूल्यांकन करण्यात आले. यामध्ये पुणे विमानतळाने ३० निकषांवर उत्कृष्ट कामगिरी केली. पाचपैकी ४.९८ गुण मिळणे ही विमानतळासाठी मोठी उपलब्धी मानली जात आहे.

हे सुद्धा वाचा : 23 ऑक्टोबरला आईशी शेवटचे बोलणे, 28 ऑक्टोबरला मृतदेह आढळला; मुग्धा देशमुख प्रकरणाने खळबळ

‘बेस्ट एअरपोर्ट बाय साइज’मध्ये प्रथम क्रमांक

‘बेस्ट एअरपोर्ट बाय साइज’ या विशेष वर्गवारीत पुणे विमानतळाचा समावेश करण्यात आला होता. या गटातही पुणे विमानतळाने अव्वल स्थान मिळवले. प्रवाशांना मिळणाऱ्या सुविधांचा दर्जा, सेवा गुणवत्ता आणि एकूण प्रवासी अनुभव या बाबींमध्ये पुणे विमानतळाने आपली कामगिरी सिद्ध केली आहे. या यशामुळे पुण्यातून देशांतर्गत आणि आंतरराष्ट्रीय प्रवास करणाऱ्या प्रवाशांसाठी ही आनंदाची बातमी असून, विमानतळाच्या सेवा गुणवत्तेला मिळालेली ही मोठी पावती मानली जात आहे.

हे सुद्धा वाचा : आधी तरुणी बनून मैत्री, नंतर पोलिस बनून ब्लॅकमेलिंग; पुण्यातील आत्महत्या प्रकरणाचा उलगडा