फोटो सौजन्य AI
पुणे जिल्हा ग्रामीणमधील युवा कार्यकर्ते आणि पदाधिकाऱ्यांना एका व्यासपीठावर आणण्यासाठी या मेळाव्याचे आयोजन करण्यात आले आहे. युवकांनी सामाजिक प्रश्नांवर सक्रियपणे काम करावे आणि संघटनात्मक कार्यात अधिक प्रभावी भूमिका बजावावी, हा मेळाव्याचा उद्देश आहे.
चाकण-हिंजवडीतील वाहतूक कोंडी फुटणार? जिल्हाधिकारी डुडी यांनी अधिकाऱ्यांना दिले ‘हे’ महत्वाचे निर्देश
मेळाव्यात सामाजिक प्रश्नांसोबतच शैक्षणिक संधी, रोजगार, युवकांसमोरील आव्हाने आणि राष्ट्रहिताशी संबंधित विविध विषयांवर संवाद साधला जाणार आहे. आगामी काळातील संघटनात्मक कार्याची दिशाही यावेळी स्पष्ट केली जाणार आहे.
या मेळाव्याला केंद्रीय राज्यमंत्री मुरलीधर मोहोळ प्रमुख उपस्थित राहणार आहेत. याशिवाय आमदार गोपीचंद पडळकर, आमदार राहुल कुल, आमदार योगेश टिळेकर, माजी आमदार संजय जगताप, भाजप जिल्हाध्यक्ष शेखर वढणे, राजेश पांडे आणि युवा मोर्चाचे प्रदेशाध्यक्ष कृष्णराज महाडीक यांच्यासह भाजपचे विविध पदाधिकारी उपस्थित राहणार आहेत.
बारामतीत कोयता गँगचा हैदोस, खासदार सुप्रिया सुळे ॲक्शन मोडवर; SP संदीपसिंह गिल यांची घेतली भेट
पुणे जिल्हा ग्रामीणमधील विविध तालुक्यांमधील युवा मोर्चाचे पदाधिकारी, मंडळ अध्यक्ष, कार्यकर्ते तसेच मोठ्या संख्येने युवक या मेळाव्यास उपस्थित राहणार आहेत. युवकांच्या माध्यमातून सामाजिक उपक्रमांना गती देणे, संघटनात्मक विस्तार वाढविणे आणि ग्रामीण भागातील युवकांच्या प्रश्नांना व्यासपीठ उपलब्ध करून देणे, हा या मेळाव्यामागील प्रमुख उद्देश आहे.
युवा शक्ती ही समाजाच्या विकासाची महत्त्वपूर्ण ताकद असून, युवकांनी केवळ संघटनात्मक कार्यापुरते मर्यादित न राहता शिक्षण, रोजगार, सामाजिक सेवा, राष्ट्रनिर्माण आणि जनहिताच्या विविध विषयांमध्ये सक्रिय सहभाग घ्यावा, असा संदेश या मेळाव्यातून देण्यात येणार आहे. अशी माहिती भाजप युवा मोर्चा जिल्हा अध्यक्ष वैभव सोलनकर यांनी दिली.
.png "Videos"){kind=small}
