सिंहगड संस्थेच्या मिळकती सील (फोटो- istockphoto/ टीम नवराष्ट्र)
पुणे:मिळकतकराची थकबाकी वसुल करण्यासाठी महापािलकेने सिंहगड टेक्नीकल इन्स्टिट्यूट या शिक्षण संस्थेच्या वडगाव येथील ४३ आणि काेंढवा येथील मिळकती सील केल्या आहेत . या संस्थेच्या शहरात एकूण १२८ मिळकती असून त्यांची ३४५ काेटी रुपये इतकी मिळकत कराची थकबाकी अाहे. डिसेंबर महीन्यात महापािलकेने एरंडवणा येथील मिळकतीच्या कार्यालयास सील ठाेकले हाेते.
महापालिकेचा कर आकारणी आणि संकलन विभाग आणि सिंहगड इन्स्टीट्युट यांच्या मिळकत करावरून न्यायालयीन वाद सुरु आहेत. ज्या मिळकतीसंदर्भात आदेश नाहीत अशा मिळकती सील करण्याची कारवाई मिळकत कर विभागाकडून केली जात आहे. यासंदर्भात उपायुक्त माधव जगताप यांनी माहीती दिली. यापुर्वी न्यायालयाने दिलेल्या आदेशानुसार संबंधित संस्थेने कराची रक्कम भरली नाही, त्यामुळे महापालिकेने अवमान याचिकाही दाखल केली आहे.
माेठ्या प्रमाणावर थकबाकी असलेल्या मिळकतींवर कारवाई करण्याची माेहीम सध्या राबविली जात आहे. या माेहीमेत सिहंगड इन्सि्टट्युटच्या वडगाव येथील या मोहिमेअंतर्गत, संस्थेच्या वडगांव बुद्रुक येथे ४३ मिळकती आहे. या मिळकतींचे कार्यालय सील करण्यात आले आहे. या मिळकतींची एकुण 198 काेटी 61 लाख रुपये इतकी थकबाकी आहे. तर एरंडवणा येथील मिळकतीचे 4७ काेटी 43 लाख रुपये इतकी थकबाकी आहे.
कोंढवा बुद्रुक 6 मिळकतींची 20 काेटी 50 लाख रुपये इतकी थकबाकी आहे. या मिळकतींची थकबाकी भरली गेली नाही तर त्यांचा लिलाव करण्याची प्रक्रीया सुरु केली जाईल असेही जगताप यांनी सांगितले. या संस्थेच्या १२८ मिळकतींची एकुण थकबाकी 345 कोटी रुपये इतकी आहे. मंगळवारी कारवाई करण्यात आलेल्या 48 मिळकतींची एकुण थकबाकी 270 कोटी इतकी असल्याचे त्यांनी नमूद केले.
एरंडवणा येथील मिळकतीची २००९ सालापासून थकबाकी आहे, तर वडगाव बुद्रुक येथील मिळकतींची २००२ आणि काेंढवा बुद्रुक येथील मिळकतींची २००८ सालापासून थकबाकी आहे.
शहरातील एकूण ४३८ शासकीय मिळकतींची ९३.२४ कोटी इतकी थकबाकी आहे. याबाबत सदरची थकबाकी वसूल करणेबाबत शासकीय मिळकत धारकांकडे पाठपुरावा सुरु आहे.
शहरातील टॉप १०० थकबाकीदार मिळकत धारकांची ३३४.१० कोटी इतकी थकबाकी आहे. सर्वाधिक करथकबाकी फुरसुंगीचे संतोष काटेवाल यांची १८ कोटी ४४ लाख ३७ हजार ५८५ रुपये इतकी थकबाकी आहेत.
‘‘मिळकत कर थकबाकी धारकांकडे या पुढील कालावधीमध्ये मोठ्या प्रमाणात थकबाकी वसुली करण्यासाठी वरील पथकांमार्फत मिळकत कर वसुलीचे काम करण्यात येत आहे. तरी ज्या मिळकत धारकांनी अद्यापही कराचा भरणा केलेला नाही, त्यांच्यावर कारवाई केली जाणार आहे. सिंहगड इन्स्टिट्युटच्या मालमत्ता थेट सील केल्या जात नाही. तर त्यांच्या मुख्य कार्यालयांना सील ठोकण्यात आले आहे. शाळा, कॉलेज असल्याने विद्यार्थ्यांचे नुकसान होणार नाही, याची काळजी घेतली जाते. थकबाकी वसूल केली जाणार आहे.’’
– माधव जगताप, प्रमुख, मिळकत कर आकारणी विभाग, पुणे महापालिका.
