Delhi Bomb Blast: दिल्ली स्फोटानंतर पुण्यातील श्रीमंत दगडूशेठ मंदिराच्या सुरक्षेत वाढ, सिव्हिल कोर्ट मेट्रो स्टेशनाची पाहणी सुरू

Delhi Red Fort Blast: राजधानी दिल्लीत झालेल्या स्फोटाचा परिणाम आता भारतातील प्रत्येत शहरावर होत असल्याचं पाहायला मिळत आहे. अनेक प्रसिद्ध आणि गर्दीच्या ठिकणी सुरक्षा यंत्रणा वाढवण्यात आली आहे.

• श्रीमंत दगडूशेठ हलवाई गणपती मंदिराच्या सुरक्षेत वाढ
• सिव्हिल कोर्ट मेट्रो स्टेशनाची पाहणी सुरु
• साईंच्या शिर्डीत देखील सुरक्षा यंत्रणा वाढवली

Delhi Blast: सोमवारी 10 नोव्हेंबर रोजी संध्याकाळी भारताच्या राजधानी दिल्लीमध्ये दोन बॉम्बस्फोट झाले. यामध्ये 9 लोकांचा मृत्यू झाला असून सुमारे 24 जण जखमी झाल्याची माहिती आहे. जखमींवर रुग्णलयात उपचार सुरु आहेत. दिल्लीत झालेल्या या स्फोटानंतर सर्वत्र एकच खळबळ उडाली होती. मुंबईत देखील सूरक्षा यंत्रणेत वाढ करण्यात आली. यानंतर नुकत्याच समोर आलेल्या माहितीनुसार, दिल्लीतील स्फोटानंतर पुण्यातील श्रीमंत दगडूशेठ हलवाई गणपती मंदिराच्या सुरक्षेत वाढ करण्यात आली आहे. तसेच या परिसरात कडक बंदोबस्त ठेवण्यात आला. सिव्हिल कोर्ट मेट्रो स्टेशनाची पाहणी देखील सुरू आहे.

Delhi Blast: दिल्ली किल्ल्याजवळ पुन्हा एकदा झाला मोठा ब्लास्ट! आतापर्यंत कधी – कधी हादरली दिल्ली? वाचा संपूर्ण घटनाक्रम

शिर्डीच्या प्रवेशद्वारावर वाहनांची कसून तपासणी

दिल्लीतील भयानक स्फोटानंतर प्रत्येक ठिकाणी सुरक्षितता बाळगली जात असून पोलिसांनी नागरिकांना सतर्क राहण्याच्या सूचना दिल्या आहेत. शिर्डीच्या प्रवेशद्वारावर देखील वाहनांची कसून तपासणी केली जात आहे. दिल्ली स्फोटाच्या पार्श्वभूमीवर सुरक्षा यंत्रणा अलर्ट मोडवर आहे. जगप्रसिद्ध असलेल्या साईच्या शिर्डीत देखील सुरक्षा यंत्रणा वाढवण्यात आली आहे. कुठलाही अनुचित प्रकार घडू नये यासाठी शिर्डी पोलिसांकडून खबरदारी घेतली जात आहे. (फोटो सौजन्य – Pinterest) 

नेमकं प्रकरण काय आहे?

दिल्लीतील लाल किल्ल्याजवळ काल संध्याकाळी दोन बॉम्बस्फोट झाले. या घटनेत 9 लोकांचा मृत्यू झाला असून सुमारे 24 जण जखमी झाल्याची माहिती आहे. धमाका इतका मोठा होता की परिसरातील सर्व गाड्या जळून खाल झाल्या. याशिवाय या घटनेनंतर परिसरात एकच खळबळ उडाली होती. लोकं मदीतीसाठी आवाज देत होते. सर्वत्र गोंधळ निर्माण झाला होता. या घटनेचा परिणाम संपूर्ण भारतावर झाला. या घटनेचा तपास सुरु करण्यात आला आहे.

बॉम्बस्फोनंतर संपूर्ण दिल्ली शहरात पोलीसांनी सुरक्षा वाढवली आहे. दिल्लीतील सर्व स्टेशनवर अलर्ट जारी करण्यात आला तसेच पोलिसांची सुरक्षा देखील वाढवण्यात आली. प्रमुख स्थानकांवर रेल्वे सुरक्षा दल (RPF), सरकारी रेल्वे पोलिस (GRP) आणि श्वान पथके तैनात करण्यात आली आहेत. कर्मचाऱ्यांना सतर्क राहण्याच्या सूचना देण्यात आल्या आहेत, तर प्रवाशांची तपासणी आणि गस्त देखील वाढविण्यात आली आहे.

Delhi Blast Photos: बॉम्बस्फोटानंतर हादरली दिल्ली, मेट्रोच्या खिडक्या तुटल्या, वाहनांचे तुकडे झाले… फोटो पाहून तुमचाही उडेल थरका

अनेक शहरातील सुरक्षा व्यवस्था वाढवण्यात आली. छत्रपती शिवाजी महाराज टर्मिनस, नवी मुंबई, अशा ठिकाणींची सुरक्षा वाढवण्यात आली. याशिवाय पोलीस यंत्रणांनी या ठिकाणी तपास देखील सुरु केला. तसेच पुण्यातील प्रसिद्ध श्रीमंत दगडूशेठ हलवाई गणपती मंदिर, सिव्हिल कोर्ट मेट्रो स्टेशन आणि साईंच्या शिर्डीत देखील सुरक्षा वाढवण्यात आली.