पुणे की शिमला? नागरिक गारठले; शहरात पुढील दोन दिवसांमध्ये…, कसे असणार तापमान?

पुणे: शहर आणि परिसरात गेल्या काही दिवसांपासून किमान तापमानात सातत्याने घट होत आहे. सोमवारी (ता. १८) पुणे परिसरात ९.४ अंश सेल्सिअस इतक्या नीचांकी किमान तापमानाची नोंद करण्यात आली. त्यामुळे पुणेकर थंडीने गारठले आहेत. तर पुढील दोन दिवसांत किमान आणि कमाल तापमानात अंशतः वाढ होण्याची शक्यता भारतीय हवामानशास्त्र विभागाने वर्तविली आहे.

शहर आणि उपनगर परिसरात किमान तापमानात गेल्या एका आठवड्यात पाच अंश सेल्सिअसची घट झाली आहे. काही दिवसांपूर्वी १५ अंश सेल्सिअस नोंदविण्यात आलेले किमान तापमान मंगळवारी ९.४ अंश सेल्सिअसपर्यंत खाली आले आहे. शहरातील पाषाण भागात ९ अंश सेल्सिअस इतके किमान तापमान नोंदविण्यात आले आहे. परिणामी पुणे शहरासह जिल्ह्यामध्ये गारठा वाढला आहे. शहरात पहाटे आणि रात्री थंडीची तीव्रता अधिक जाणवत आहे. तर दिवसा सूर्यप्रकाश असला तरी हवेत गारवा टिकून असल्याने थंडीची जाणीव कायम राहते. तर पुढील दोन दिवस किमान आणि कमाल तापमानामध्ये आणखी किंचित वाढ होण्याची शक्यता हवामानशास्त्र विभागाने वर्तविली आहे.

पुणे आणि परिसरामध्ये बुधवारी (ता. १९) कमाल आणि किमान तापमानात किंचित वाढणार असून कमाल तापमान २८ अंश सेल्सिअस तर किमान तापमान १० अंश सेल्सिअस इतके नोंदविण्यात येणार आहे. आकाश मुख्यतः निरभ्र राहण्याची शक्यता आहे. तर बुधवारपासून पुढील तीन दिवस कमाल आणि किमान तापमानात किंचित वाढ होण्याची शक्यता असून कमाल तापमान ३० अंश सेल्सिअस तर किमान तापमान १४ अंश सेल्सिअस पर्यंत नोंदविण्यात येणार आहे. आकाश मुख्यतः निरभ्र राहण्याची शक्यता हवामानशास्त्र विभागाने वर्तविली आहे.

Pune News: पुण्यात हुडहुडी! शहरातील तापमानात कमालीची घट; थंडीचा कडाका वाढला

पुण्यात हुडहुडी! शहरातील तापमानात कमालीची घट

पुण्यातील हवामानात गेल्या काही दिवसांपासून जाणवणारा बदल आता अधिक ठळकपणे दिसू लागला आहे. शहरातील तापमानात पुन्हा एकदा घट नोंदवली गेली असून थंडीचा कडाका वाढला आहे. पुणे शहरात गेल्या दोन दिवसापासून स्थिर असलेल्या तापमानात आणखी घट झाली आहे. तापमान १२.६ अंश सेल्सिअस वर गेले असून शहरात थंडीचा कडाका वाढला आहे. पुढील चार दिवस किमान आणि कमाल तापमानात आणखी घट होण्याची शक्यता भारतीय हवामानशास्त्र विभागाने वर्तवली आहे.