Vadgaon Maval Nagar Panchyat Result : वडगाव मावळमध्ये राष्ट्रवादी काँग्रेसची सत्ता; नगराध्यक्षपदी अबोली मयूर ढोरेंचा दणदणीत विजय

Vadgaon Maval Nagar Panchyat Election Result : वडगाव मावळमध्ये नगर पंचायत आणि नगर परिषदेची मोठ्या उत्साहात निवडणूक पार पडली आहे. यामध्ये अजित पवार गट आणि भाजपला मोठा विजय मिळाला आहे.

• वडगाव मावळ नगर पंचायत आणि नगर परिषदांचे निकाल हाती
• वडगाव मावळमध्ये राष्ट्रवादी अजित पवार गटाचा विजय
• नगराध्यक्षपदी अबोली मयूर ढोरेंचा दणदणीत विजय

Vadgaon Maval Nagar Panchyat Election Result : वडगाव मावळ: वडगाव नगरपंचायत सार्वत्रिक निवडणूक २०२५ चा निकाल (Local Body Elections) जाहीर झाला आहे. वडगाव नगरपंचायतीवर राष्ट्रवादी काँग्रेस पक्षाची (NCP Politics) सत्ता प्रस्थापित झाली आहे. नगराध्यक्षपदाच्या निवडणुकीत राष्ट्रवादी काँग्रेसच्या अबोली मयूर ढोरे यांनी प्रतिस्पर्ध्यांवर मोठे मताधिक्य मिळवत दणदणीत विजय मिळवला आहे. नगरसेवक पदाच्या एकूण १७ जागांपैकी राष्ट्रवादी काँग्रेसने ७ जागा जिंकत सर्वाधिक जागांवर विजय मिळवला आहे. भारतीय जनता पक्षाला ६ जागांवर समाधान मानावे लागले असून २ जागांवर अपक्ष उमेदवारांनी बाजी मारली आहे.

प्रभाग क्रमांक १ मध्ये राष्ट्रवादी काँग्रेसच्या सुनीता राहुल ढोरे यांनी अत्यंत चुरशीच्या लढतीत अवघ्या १ मताने विजय मिळवला. तर प्रभाग क्रमांक ७ मध्ये राष्ट्रवादी काँग्रेसचे उमेदवार अजय भवार यांनी २ मतांनी विजय संपादन केला. दोन्ही प्रभागांतील निकालांनी निवडणुकीतील चुरस अधिक ठळकपणे समोर आली. या निकालामुळे वडगाव शहराच्या राजकारणात राष्ट्रवादी काँग्रेसचे वर्चस्व पुन्हा एकदा सिद्ध झाले असून आगामी काळात शहराच्या विकासाच्या दृष्टीने पक्षाकडून ठोस निर्णय अपेक्षित आहेत. निकाल जाहीर होताच राष्ट्रवादी काँग्रेसच्या कार्यकर्त्यांनी जल्लोष करत विजयाचा आनंद साजरा केला.

हे देखील वाचा : पुण्यात अजित पवारांचा जलवा कायम! जिल्हायात 17 पैकी 9 राष्ट्रवादी नगराध्यक्षांनी उधळला विजयी गुलाल

नगराध्यक्ष पदासह प्रभागनिहाय निकाल जाहीर

वडगाव नगरपंचायत निवडणुकीत चुरशीच्या लढतीनंतर राष्ट्रवादी काँग्रेसने पुन्हा एकदा आपला दबदबा सिद्ध केला आहे. नगराध्यक्ष पदाच्या थेट निवडणुकीत राष्ट्रवादी काँग्रेसच्या अबोली मयूर ढोरे यांनी ७७९५ मते मिळवत दणदणीत विजय संपादन केला आहे.

प्रभागनिहाय विजयी उमेदवार

 

हे देखील वाचा : निवडणुकीमध्ये पैशांची गारपीट…! तेच मशीन सेटिंग अन् तोच आकडा; संजय राऊतांचा चढला पारा

माजी नगराध्यक्षाचा पराभव

नगराध्यक्ष पदावर राष्ट्रवादीचा विजय आणि अनेक प्रभागांमध्ये मिळालेल्या यशामुळे वडगाव नगरपंचायतीवर राष्ट्रवादी काँग्रेसचे वर्चस्व कायम राहिले आहे. निकाल जाहीर होताच शहरात विजयी उमेदवारांच्या समर्थकांनी जल्लोष केला. वडगावचे पहिले नगराध्यक्ष मयूर ढोरे हे प्रभाग क्रमांक सहा मधून नगरसेवक पदासाठी निवडणूक लढवत होते. त्यांचा भाजपचे विशाल वहिले यांनी ७४ मतांनी पराभव केला. मयूर ढोरे यांना ३९९ तर विशाल वहिले यांना ४७३ मते मिळाली.