Weather Update : राज्यात पुढील 4-5 दिवस वादळी पावसाचा इशारा; मुंबई, रायगडसह काही जिल्ह्यांसाठी अलर्ट जारी

कोकणातील पालघर, ठाणे, मुंबई, रायगड, रत्नागिरी आणि सिंधुदुर्ग या जिल्ह्यांत उष्ण व दमट हवामान राहण्याचा अंदाज आहे. त्यामुळे या भागांतील नागरिकांना उकाड्याचा अधिक त्रास जाणवू शकतो.

• राज्यात उन्हाचा कडाका वाढतोय
• वादळी पावसासाठी निर्माण होतंय पोषक वातावरण 
• सोलापूर, कोल्हापूरमध्ये वादळी वाऱ्यासह पावसाचा अंदाज

पुणे : सध्या राज्यात उन्हाचा कडाका वाढताना दिसत आहे. या वाढत्या उन्हामुळे घराबाहेर पडणेही अवघड झाले आहे. ‘ऑक्टोबर हिट’चा फटका बसत असतानाच आता हवामान विभागाकडून पावसाचा इशारा देण्यात आला आहे. कोकणात उष्ण आणि दमट हवामानाचा त्रास जाणवू शकतो. त्याचवेळी राज्याच्या विविध भागांत पुढील 4 ते 5 दिवस विजांच्या कडकडाटासह वादळी पाऊस पडण्याची शक्यता हवामान विभागाने वर्तवली आहे.

ऑक्टोबर महिन्यातील वाढत्या तापमानामुळे नागरिकांना उकाड्याचा सामना करावा लागत आहे. महाराष्ट्रात एकीकडे उन्हाच्या झळा तीव्र होत आहेत. तर दुसरीकडे वादळी पावसासाठी पोषक वातावरण निर्माण होत आहे. राज्यातील अनेक भागांत गुरुवारी (दि.15) उन्हाचा चटका कायम राहण्याचा अंदाज आहे. राज्याच्या विविध भागांत पुढील 4 ते 5 दिवस विजांच्या कडकडाटासह वादळी पाऊस पडण्याची शक्यता हवामान विभागाने वर्तवली आहे. त्यामुळे काही जिल्ह्यांतील नागरिकांना उन्हाच्या झळांसोबतच पावसाचाही सामना करावा लागू शकतो. राज्यात कमाल तापमानात वाढ होत असल्याने अनेक ठिकाणी तापमानाचा पारा सातत्याने 36 अंश सेल्सिअसच्या पुढे नोंदवला जात आहे.

दिवसा वाढणारा उन्हाचा चटका आणि दमट हवामान यामुळे नागरिक हैराण झाले आहेत. कोकण किनारपट्टीवरील जिल्ह्यांमध्ये उष्णतेसोबत आर्द्रतेचे प्रमाण वाढण्याची शक्यता आहे. त्यामुळे बाहेर पडताना नागरिकांनी काळजी घेणे आवश्यक आहे.

सोलापूर, कोल्हापूरमध्ये वादळी वाऱ्यासह पावसाचा अंदाज

कोल्हापूर आणि सोलापूर जिल्ह्यांत वादळी वाऱ्यांसह पाऊस पडण्याची शक्यता वर्तवण्यात आली आहे. राज्यात उन्हाचा चटका आणि उकाडा कायम राहण्याची शक्यता आहे. कोकणातील पालघर, ठाणे, मुंबई, रायगड, रत्नागिरी आणि सिंधुदुर्ग या जिल्ह्यांत उष्ण व दमट हवामान राहण्याचा अंदाज आहे. त्यामुळे या भागांतील नागरिकांना उकाड्याचा अधिक त्रास जाणवू शकतो.

पाऊस पडण्यासाठी पोषक हवामान तयार

राज्यात सध्या विजांसह पाऊस पडण्यासाठी पोषक हवामान तयार होत आहे. त्यामुळे पुढील 4 ते 5 दिवस राज्याच्या विविध भागांत वादळी पावसाच्या सरी कोसळण्याची शक्यता आहे. काही ठिकाणी विजांचा कडकडाट आणि सोसाट्याचा वारा अनुभवायला मिळू शकतो. मात्र, पावसाचे स्वरूप आणि तीव्रता जिल्ह्यानुसार वेगवेगळी असू शकते.

राज्यात दुष्काळसदृश परिस्थिती असताना गोसेखुर्द तुडुंब; पूर्व विदर्भातील 4 जिल्ह्यांच्या पाणी नियोजनाला मिळणार दिलासा