मंगळवार, 3 नोव्हेंबर 2026
निवडणुकीत भाजप स्वबळावर सक्षम! सरचिटणीस अॅड. महेश मोहितेंचे वक्तव्य; पदाधिकारी नियुक्तीपत्र वाटप
स्थानिक स्वराज्य संस्थेच्या निवडणुकीत भाजपने स्वतःला अजमावले असून प्रत्येक निवडणूकीत भाजपची ताकद किती? असा प्रश्न उपस्थित केला जात होता. त्यास प्रतिउत्तर दिले आहे. गेल्या निवडणुकीत अपयश आले, परंतू कुडूस, मापगाव, चणेरा, बेलोशी, चौल व मुरूड आदी विधानसभा मतदारसंघातील गटामध्ये पन्नास हजार मते भाजपने मिळविली आहेत, त्यामुळे आगामी निवडणूक स्वबळावर लढण्यास भाजप सक्षम आहे, असे प्रतिपादन भाजप दक्षिण जिल्हा सरचिटणीस अॅड. महेश मोहिते यांनी चौल येथे दक्षिण मंडळ पदाधिकारी नियुक्ती पत्रक वाटप कार्यक्रमामध्ये पदाधिकारी व कार्यकर्ते यांना मार्गदर्शन करताना केले.
भाजपचा अलिबाग तालुक्यातील दक्षिण मंडळ पदाधिकारी नियुक्ती पत्र वाटप कार्यक्रम चौल मुखरी श्री गणेश मंदिर येथे सोमवार दि. २३ मार्च रोजी सायकांळी पाच वाजता घेण्यात आला. प्रारंभी उपस्थित मान्यवरांचे स्वागत चौल भाजपचे वतीने हेमंत दांडेकर, विश्वास जोशी, संकेत जोशी आदींचे हस्ते पुष्पगुच्छ प्रदान करण्यात आले. त्यानंतर उपस्थित दक्षिण मंडळ भाजप कार्यकर्त्यांना नियुक्ती पत्र वाटप करण्यात आले.
अलिबाग दक्षिण मंडळ सरचिटणीस संकेत जोशी, सरचिटणीस समीर घरत, उपाध्यक्ष राकेश अवचटकर, उपाध्यक्ष एससी/एसटी गजानन पाटील, उपाध्यक्ष ज्ञानेश्वर टिवळेकर, चिटणीस प्रतिभा प्रकाश भांजी, कोषाध्यक्ष शैलेश म्हात्रे, महिला सदस्य ममताबेन पटेल, महिला सदस्य एससी/एसटी वैशाली झेंडेकर, महिला सदस्या मुग्धा जोशी, महिला सदस्य एससी/एसटी बबिता संदिप खंडेराव, गजानन झेडेकर, जगन ठाकूर, रत्नदिप खंडेराव, पुजा खंडेराव, रूपाली प्रमोद बळी, शलाका निलेश कोंडे, प्रमोद बळीराम बळी, उदय खंडेराव, प्रज्वल गणतांडेल, संदेश शिंदे, संदेश पडवळ, सतिश म्हात्रे, अजय नाईक, युवामोर्चा दक्षिण मंडळ उपाध्यक्ष विक्रम सुर्वे, सरचिटणीस जयेश साळावकर, सरचिटणीस रोहीत पाटील उपस्थित होते.
यावेळी भाजप दक्षिण मंडळ पदाधिकारांना मार्गदर्शन करताना जिल्हा महिला मोर्चा अध्यक्षा चित्रा पाटील यांनी सर्व दक्षिण पदाधिकारांसह महिला पदाधिकारांची निवड करण्याचे मनोगत व्यक्त केले. जेणेकरून भाजप पदाधिकारी व कार्यकर्त्यांची ताकद वाढेल व मतदार वाढीस कारणीभूत ठरेल, असे म्हटले. प्रास्ताविक विश्वास जोशी व आभार हेमंत दांडेकर यांनी व्यक्त केले. यावेळी भाजप जिल्हा सरचिटणीस अँड महेश मोहिते, भाजप महिला जिल्हा मोर्चा अध्यक्ष चित्रा पाटील, अँड आस्वाद पाटील, उपाध्यक्ष संदिपभाई घरत, माजी जिल्हा अध्यक्ष हेमंत दांडेकर, सतिश लेले, माणिक बळी, मंदाताई बळी, दक्षिण मंडळ प्रमुख अशोक वारगे, विश्वास जोशी, संकेत जोशी आदीची उपस्थिती व्यासपिठावर होती.
