Raigad News: पराभवानंतरही ओझर्डेंची सामाजिक बांधिलकी कायम; गणेशभक्तांसाठी पुन्हा मोफत एसटी सेवेची घोषणा
जिल्हा परिषद निवडणुकीनंतर ओझर्डे यांनी घेतलेल्या पहिल्याच पत्रकार परिषदेत शनिवार ८ ऑगस्ट रोजी शासकीय विश्रामगृह, महाड येथे ही घोषणा करण्यात आली. गणेशोत्सवासाठी मुंबई, पुणे, ठाणे, नालासोपारा तसेच अन्य शहरांत वास्तव्यास असलेल्या महाड विधानसभा मतदारसंघातील नागरिकांना आपल्या गावी विनामूल्य आणि सुरक्षितपणे पोहोचता यावे, या उद्देशाने १२ आणि १३ सप्टेंबर रोजी मोफत बससेवा उपलब्ध करून देण्यात येणार आहे. (फोटो सौजन्य – AI Created)
गेल्या चार वर्षांपासून सुरू असलेल्या या उपक्रमाला गतवर्षी २७ बसमधून सुमारे दोन हजार ४०० गणेशभक्तांनी प्रतिसाद दिला होता. यंदा किमान १० हजार नागरिकांना या सेवेचा लाभ मिळावा, यासाठी नियोजन करण्यात आले आहे.
दरम्यान, मोफत बससेवेवरून ओझर्डे यांनी कोणाचेही नाव न घेता राजकीय टोला लगावला. “गेल्यावर्षी काहींनी आमच्या उपक्रमाची कॉपी करून एका जिल्हा परिषद मतदारसंघातून गणेशोत्सवासाठी मोफत बससेवा सुरू केली. मात्र, त्यानंतर ती बंद झाली. आम्ही मात्र सामाजिक भावनेतून हा उपक्रम सातत्याने सुरू ठेवला आहे,” असे त्यांनी सांगितले.
पूर्वी करंजाडी जिल्हा परिषद मतदारसंघापुरता मर्यादित असलेला हा उपक्रम यंदा संपूर्ण महाड विधानसभा मतदारसंघात राबविण्यात येणार आहे. एखाद्या गावातील गणेशभक्तांची संख्या मोठी असल्यास त्या गावासाठी स्वतंत्र बस सोडण्याचाही विचार केला जाणार आहे.
मुंबईत जन्म-मृत्यू प्रमाणपत्राची प्रक्रिया होणार सोपी; अर्जासाठी स्वतंत्र प्रणाली सुरू
संपूर्ण उपक्रम मोफत करण्याचाच मानस आहे मात्र काही कारणास्तव माफक शुल्क करण्याचा देखील विचार असून त्याबाबत सविस्तर माहिती दिली जाईल असे देखील त्यांनी सांगितले आहे. या उपक्रमासाठी मुंबई सेंट्रल, नालासोपारा, ठाणे, पुणे आदी ठिकाणांहून गाड्या सोडण्यात येणार असून महाड, माणगाव आणि पोलादपूर तालुक्यांतील नागरिकांना त्यांच्या गावाजवळ पोहोचविण्याची व्यवस्था करण्याचा प्रयत्न केला जाणार आहे. “निवडणुकीत पराभव झाला म्हणून सामाजिक उपक्रम थांबविणार नाही. लोकांसाठी काहीतरी देणे लागतो, या भावनेतून हा उपक्रम सुरू केला आहे. जीवात जीव असेपर्यंत गणेशभक्तांसाठी ही सेवा सुरू ठेवणार,” असे ओझर्डे यांनी सांगितले.
.png "Videos"){kind=small}
