शनिवार, 8 ऑगस्ट 2026
मुंबईत जन्म-मृत्यू प्रमाणपत्राची प्रक्रिया होणार सोपी; अर्जासाठी स्वतंत्र प्रणाली सुरू
अर्ज सादर केल्यानंतर त्याची सत्रास्थिती जाणून घेण्यासाठी नागरिकांना संबंधित कार्यालयात जावे लागत होते. तसेच अर्जाची प्रलंबित स्थिती व कामाचा भार यांचे प्रभावीपणे निरीक्षण करणे विभागासही आव्हानात्मक ठरत होते. या पार्श्वमभूमीवर हा महत्त्वपूर्ण निर्णय घेण्यात आला आहे. विहित कालावधीत जन्म प्रमाणपत्र उपलब्ध करण्यासाठी या प्रणालीचा फायदा होईल, असा विश्वास अतिरिक्त महानगरपालिका आयुक्त प्राजक्ता वर्मा लवंगारे यांनी व्यक्त केला आहे.
अर्जस्थितीची माहिती देण्यासाठी ‘एसएमएस’चा पर्याय
नव्या संगणकीय प्रणालीच्या सुविधेमुळे नागरिकाना आपल्या अर्जाची स्थिती जाणून घेतानाच एका कालबद्ध पद्धतीने जन्म दाखल्यातील दुरूस्ती करून मिळणार आहे. या सुविधेमुळे नागरी सुविधा केंद्राच्या ठिकाणी वेळोवेळी अर्जस्थिती जाणून घेण्याची सुविधा उपलब्ध करण्यात आली आहे. संगणकीय प्रणालीच्या पुढील टप्यात नागरिकांना अर्जस्थितीची माहिती देण्यासाठी ‘एसएमएस’ बा पर्याय उपलब्ध करण्याचे निर्देश मुंबई महानगरपालिका आयुक्त अश्विनी भिडे यांनी दिले.
क्यूआर कोड प्रमाणपत्रासाठी स्वतंत्र खिडकी
शैक्षणिक बाबी, परदेश दौऱ्यांसाठी तसेच विविध कारणात्सव जन्म दाखल्यांमध्ये दुरूस्ती करण्यासाठी नागरिकांमार्फत मोठ्या प्रमाणात अर्ज संबंधित विभाग कायर्यालयात येतात. यासाठी स्वतंत्र खिड़की उपलब्ध केली आहे. जुने जन्म मृत्यू प्रमाणपत्र नवीन क्यू आर कोडयुक्त प्रमाणपत्रामध्ये रूपांतर करणे शक्य होणार आहे. तर २०१६ पूर्वीच्या जन्म व मृत्यू नोंदी २०१६ पूर्वी नोंदविण्यात आलेल्या जन्म व मृत्यूच्या नोंदींसाठी नागरिकांना केंद्र सरकारच्या पोर्टलद्वारे नवीन स्वरूपातील जन्म/मृत्यू प्रमाणपत्रासाठी अर्ज करता येणार आहेत.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
