Raigad News: ऐन पावसाळ्यात माथेरान तहानले! तीन-तीन दिवस पाणी गायब, पर्यटन व्यवसाय संकटात

माथेरानमध्ये ऐन पावसाळ्यात माथेरानसारख्या दुर्गम पर्यटनस्थळी पाणीटंचाई निर्माण झाली आहे. त्यामुळे स्थानिक नागरिकांसह पर्यटन व्यावसायिकांमध्ये तीव्र नाराजी व्यक्त होत आहे. पाणी टंचाईचा सर्वाधिक फटका पर्यटन व्यावसायिकांना आर्थिक फटका बसत आहे.

• ऐन पावसाळ्यात माथेरानमध्ये तीन-तीन दिवस पाणीपुरवठा होत नसल्याने नागरिक त्रस्त झाले आहेत.
• शार्लोट लेकमधील गाळ काढण्यासाठी तलाव रिकामा केल्याने पाणीटंचाईचे संकट अधिक गंभीर झाले आहे.
• अनियमित पाणीपुरवठ्याचा थेट परिणाम माथेरानमधील हॉटेल, लॉज आणि पर्यटन व्यवसायांवर होत आहे.

माथेरान: कर्जत तालुक्यातील माथेरान या पर्यटनस्थळी ऐन पावसाळ्यात पाणीटंचाई निर्माण झाली आहे. माथेरानला पावसाळ्यात पाणीपुरवठा करणारे शार्लोट लेक धरणात पाणी नाही आणि त्यामुळे पाणीटंचाई निर्माण झाली आहे. माथेरानला सध्या नेरळ येथील उल्हास नदीवरून पाणीपुरवठा होत असून शहरात अनियमित पाणी वितरीत होत असल्याने माथेरानमधील पर्यटन व्यवसाय धोक्यात आला आहे.

चाकणच्या वाहतूक कोंडीवर ‘ॲक्शन प्लॅन’, 31 ऑगस्टची डेडलाइन; जिल्हाधिकाऱ्यांनी दिले ‘हे’ महत्वाचे निर्देश

माथेरानमध्ये ऐन पावसाळ्यात माथेरानसारख्या दुर्गम पर्यटनस्थळी पाणीटंचाई निर्माण झाल्याने स्थानिक नागरिकांसह पर्यटन व्यावसायिकांमध्ये तीव्र नाराजी व्यक्त होत आहे. काही भागांत तीन-तीन दिवस पाणीपुरवठा होत नसल्याने नागरिकांची मोठी गैरसोय होत असून, याचा थेट परिणाम पर्यटन व्यवसायावरही होत आहे.  (फोटो सौजन्य – AI Created) 

मुबलक पाणी नसल्याने पर्यटन धोक्यात आले असून माथेरान शहराला पाणीपुरवठा करणाऱ्या शार्लोट लेकचा गाळ काढण्यासाठी तलाव पूर्णपणे रिकामा करण्यात आला आहे. त्यामुळे पावसाळ्यात उपलब्ध असलेला पाणी साठाही कमी झाला आहे. नेरळ येथून पाणीपुरवठा साधारणपणे पावसाळ्यात बंद राहत असल्याने शार्लोट लेकवरच पाणीपुरवठ्याची मुख्य भिस्त असते. मात्र, तलाव रिकामा केल्यानंतर नेरळहून होणारा पाणीपुरवठा तांत्रिक अडचणींमुळे अनियमित होत असल्याचे सांगण्यात येत आहे.

शहरातील पर्यटन व्यवसायांवर होतोय विपरीत परिणाम

या पाणी टंचाईचा सर्वाधिक फटका पर्यटन व्यावसायिकांना आर्थिक फटका बसत आहे. शहरातील पाण्याची अनियमितता आणि तीन-तीन दिवस पुरवठा खंडित होण्यामुळे माथेरानमधील हॉटेल, लॉज आणि इतर पर्यटन व्यवसायांवर विपरीत परिणाम होत आहे. पर्यटकांना पाण्याची गैरसोय होत असल्याने व्यावसायिकांनाही आर्थिक नुकसान सहन करावे लागत आहे. पर्यटन हंगामाच्या दृष्टीने पाणीपुरवठा सुरळीत ठेवण्याची मागणी होत आहे.

लेकचा गाळ काढण्यात ३ दिवस पाणीपुरवठा बंद

शारलोट लेकचा गाळ काढण्याचे काम ऑगस्टमध्ये करण्याऐवजी पाण्याची पातळी कमी असलेल्या जानेवारी आणि फेब्रुवारीमध्ये गाळ काढण्यात आला असता तर अधिक योग्य ठरले असते, अशी भूमिका स्थानिकांकडून व्यक्त होत आहे. तलाव रिकामा करण्याच्या निर्णयामुळे निर्माण झालेल्या पाणीटंचाईचा फटका ऐन पावसाळ्यात बसला आहे. तीन-तीन दिवस पाणीपुरवठा बंद असल्याने, स्थानिकांसह व्यावसायिकांमध्ये नाराजी सर्वसामान्य नागरिकांना आणि पर्यटन व्यवसायाला बसत असल्याची नाराजीही व्यक्त केली जात आहे.

Antilia Case : परमबीर सिंह यांच्या भूमिकेवर गंभीर प्रश्न; सेवानिवृत्त ACP बी. आर. घाडगेंची कोर्टात याचिका, सोमवारी सुनावणी

काही व्यवसाय १००% बंद पडल्याचे चित्र स्पष्ट

सार्वजनिक व्यवस्थेला याला फटका बसत आहे. नागरिकांना मागील चार दिवस पाणी आले नाही, त्यामुळे घरची कामे देखील अर्धवट राहू, लागली आहेत. अनेक निवास आणि न्याहारी व्यवस्था चालते. अशा कुटुंबाचे व्यवसाय १००% बंद पडले. तसेच जे व्यवसाय तग धरून होते तेही या नव्या संकटामुळे धोक्यात आले आहेत. रोजगार १०० टक्के पर्यटनावर अवलंबून आहे. पर्यटकांना हॉटेलमध्ये प्रवेश देण्यात देखील अडचणी निर्माण झाल्या आहेत.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)